Mateo 10:19 - La'aqtaqa Ñim Lo'onatac 'Enauacna 2013

¹⁹ Qom ivita da qami' qoỹaneua'alo ne'ena nta'alpi, nache saishet da leetapigui ye qarvilli souaxat da sa qauaỹachiñi cam 'eetec cam qartaxaỹaxaqui, cha'aye Ñim Lo'onatac 'Enauacna qami' ỹanema cam qartaxaỹaxaqui.

Nuevo Testamento Toba Sur

¹⁹ Qalaxayi da ivita da qami' qoÿaneu'alo ne'ena nta'alpi, qalaq sa ishit qome da qami' ÿaquicoqchi't cam 'eetec ca qadtaxaÿaxaqui, huo'otaq ca qad'aqtaqui. Cha'ayi da ivita ca laloqo' da qautaqai, qalaq ñi Dios qami' ÿanema cam qad'aqtaqui.

Nuevo Testamento Toba Sombrero Negro

¹⁹ Qalaĝaja qom ami qoyauelo'te jogaa'me jaliaĝanaqa 'me p'ajodaye ena'te diyachiyelo naa'me adai'lidi' queda'me jach'e jogamaĝa anenaĝachiyegue qom a'uachiyegueta, qa'a qom yovita ga'me laloqo' da'me male 'uo ga'me adetaĝayaĝaqui qama'le Dios ami yanema naa'me at'aqataqadi'.

Mateo 10:19 Referans Kwoze

Éxodo 4:12

Qaq ỹoqo'oye nagui 'aue, qojec, aỹem 'am soota'aguet qome da 'autaqa, qataq 'am sapaxaguenec ca llec ca 'artaxaỹaxac.»

2 Timoteo 4:17

Qalaxaye So Qarataxala' Jesús aỹem itauan, qataq aỹem ỹami' da ỹa'añaxac da ña sepactelec da sa'axat da na'aqtac maye chegaqaigui da nca'alaxa, yaqto' hua'axaỹa de'era 'enauac na saq judiopi. Qaq nache 'eetec de'era da aỹem nca'alaxateeguesop da loxonaxanaxac nam dequi'iỹapec 'eeta'am ca shiguiỹac.

Lucas 12:11

Qaq qom ivita da qami' qaỹauegueua'alo ana napaxaguenaxaquipi na judiopi huo'otaq nam nmit na nasouaxashetpi qataq nam nataxala'pi da qami' qanmi't, nache saishet qome da tatapigui qarvilli cam qarasataxaqui qataq cam qoñiitec da qauataiỹa'aguet namayepi.

Éxodo 4:15

'Autaxaỹapegue' qome ñimaye, nache 'aua'axatem 'enauac na 'am samaxalec da 'aua'axat, yaqto' ñimaye nache ỹa'axat na 'ara'aqtacpi qome. Qaq aỹem soota'aguet qome ñimaye, qataq da ivita da qautaqai, qalaq qami' sapaxagueneque ca lataxac cam qauo'oche.

Santiago 1:5

Da huo'o ca 'oonolec da qoñiita da iuen ca laỹaanec, qaq no'on da iỹaxanot Ñim Lo'onatac 'Enauacna. Qaq Ñimaye ỹami' camaye ỹataqta sa naloqnañi, cha'aye saishet da ỹauota'a da la'aloxo ca shiỹaxaua.

Mateo 6:31

Qaq ỹoqo'oye saishet qome da nachaqrata da qauennacheetega ca qolliqui, qataq cam qanỹomiigui huo'otaq ca qorogoxoche maye qaviñiitac.

Mateo 6:25

Qaq ỹoqo'oye nagui qami' shenapegalo da saishet qome da nachaqrata da qauennacheetega cam qolliqui qataq cam qanỹomiigui, qataq cam qorogoxoche maye qaviñiitac. Cha'aye, ¿qaỹo'ot peta'a da achaalataxac da yaqto' nachaqrata da lquia'axac? Qataq ¿qaỹo'ot peta'a da no'ocỹaxac da nachaqrata da qano'otaxanaxaatac?

Filipenses 4:6

Qataq saishet da huo'o ca qami' ỹaquicoqchetta'ape, nacherata da ỹataqta qaua'aqtaxañiitem Ñim Lo'onatac 'Enauacna da ivita da qanqouagaxauñiitacot. Qauỹaxañiỹot Ñimaye cam qaviñiitaique, qataq nataqa'en qaỹa'añiitacot da qana'achecỹaxaqui.

Hechos 6:10

Qalaxaye saishet da nalo'ogueta da dataỹa'aguet somaye, cha'aye da detaqa, qalaq naua laỹaanataxanaxaco chegoqo'oto So Saqcha'a Na'añaxac Qui'itta.

Jeremías 1:9

Qaq huaña nache Ñim Nataxala' ỹauota'a na lhuaq da ipoteua'a na aỹap, nache aỹem 'enapega, 'eeta':

Jeremías 1:7

Qalaxaye Ñim Nataxala' aỹem 'enapega, 'eeta': «Saishet qome da qonapec da ñaq 'am nsoqolec. Cha'aye 'am 'aigue qome cam 'am samaxague, qataq 'aua'axat qome cam 'am samaxalec.

Mateo 6:34

Qaq ỹoqo'oye saishet qome da leetapigui ye qarvilli cam huaigui ca lỹa na'a'q. Cha'aye ca lỹa na'a'q huo'o ca maiche lalamaxat da huaigui. Qauennachiỹa'a da mashe qalota na seviraxaguet lqalaicpi ye 'oonolec na'a'q.

Mateo 10:18

Qataq ivira'a qome da qami' qaỹauegueua'alo nam ilotegueto naua 'aleu', qataq na lta'alpi namayepi da yaqto' Aỹem qaua'axache da qauataito'ot namayepi, qataq nam chegaqauec, cha'aye qami' ỹapaxaguenataqa.

Lucas 12:12

Cha'aye qom ivita ca laloqo' da qautaqai, nache som Saqcha'a Na'añaxac Qui'itta qami' ỹapaxagueneque cam iuen da qanasaqaiuec.»