Mateo 10:17 - La'aqtaqa Ñim Lo'onatac 'Enauacna 2013

¹⁷ Qataq maxatchaxa, cha'aye qami' qoỹaneua'alo qome na nta'alpi, da yaqto' qami' qaiuaxaata'ape da huaigui ana napaxaguenaxaquipi na judiopi.

Nuevo Testamento Toba Sur

¹⁷ Qaq maxatchaxa qome, cha'ayi na shiÿaxauapi qome ishit da qami' ÿaneu'alo na nta'alpi mayi i'ot na lataxacpi, da yaqto' qami' qaiuaxaata'pe da huaigui ana laponaxaquipi na judiopi.

Nuevo Testamento Toba Sombrero Negro

¹⁷ 'Noota qom anechilela't, qa'a ami qoyanouelo qomle jogaa'me jaliaĝanaqa nataq'aen ami qoyachauelo jogaa'me judiopi lemaĝaiqui' da'me ami qoye'uaĝa'n

Mateo 10:17 Referans Kwoze

Marcos 13:9

Qalaxaye maxatchaxa qome. Cha'aye qami' qoỹaneua'alo qome na lataxala'pi na shiỹaxauapi, nache qami' iuaxaata'ape da huaigui ana napaxaguenaxaquipi na judiopi. Huaña, nache qami' qanachaalataxaneua'alo na nta'alpi maye ilotegueto naua 'aleu', qataq na lta'alpi namayepi souaxat da Aỹem qoquiitague'. Qalaxaye huaña qome, nache Aỹem qaua'axache da qaua'aqtaxañim namayepi.

Mateo 23:34

Aỹem samaq qome ca ỹa'aqtaxanaxanecpi qataq ca ỹaanaxanaxaicpi qataq ca napaxaguenataxanaqpi. Qalaxaye huo'o qome ca qaualauache camayepi qataq qauaxañiiguet ca npe'enaxaqui; qataq huo'o qome na qauaxañiitac da huaigui ana qanapaxaguenaxaqui, qataq huo'o qome ca laỹepi da qaviraxachiỹa'a na laỹepi nỹecpi da qaucañiitac.

Hechos 26:11

Qataq ỹataqta qalota da seuaxaatac namayepi da sauotaique da ỹaxaañi da lpi'iỹaxac. Qaq 'era da so'otec 'enauac anam napaxaguenaxaquipi nam judiopi. Cha'aye aỹem ỹataqta qalota da iquiỹaxa namayepi, ỹoqo'oye ivira'a da secanaxangui nam hueta'alo naua ỹaqa'alo 'aleu'.

Juan 16:2

Qami' qaỹamaqraue'c qome da huaigui ana napaxaguenaxaquipi na judiopi, qataq ivira'a qome ca na'a'q da huo'o ca qami' ỹalaua't, nache camaye ipi'itaxaatega da ỹo'ottac dam 'eetapeguec Ñim Lo'onatac 'Enauacna.

Lucas 12:11

Qaq qom ivita da qami' qaỹauegueua'alo ana napaxaguenaxaquipi na judiopi huo'otaq nam nmit na nasouaxashetpi qataq nam nataxala'pi da qami' qanmi't, nache saishet qome da tatapigui qarvilli cam qarasataxaqui qataq cam qoñiitec da qauataiỹa'aguet namayepi.

Mateo 5:22

Qalaxaye nagui ỹataqta 'eesa ñaqa'en da huo'otaq huo'o ca choche dalemataỹa ca lỹa, nache camaye qanmit. Qataq cam isheuen ca lỹa, qalaq camaye qaỹauegueua'a cam nta'alpi maye loicnatac na lataxacpi. Qataq cam qauem ca la'aqtac da ỹasaxalec ca lỹa, nache camaye qaỹasaxangui ca norec maye nhuaxanaqa' na 'etaxaloxoicpi.

Hechos 22:19

Nache aỹem sheeta': «'Am Ỹataxala', namayepi ỹaỹaten da aỹem shectagui co'ollaxa 'enauac ana napaxaguenaxaquipi na judiopi, nache saconeua'a da secoñe' 'enauac nam ỹa'amaqteetac da qoneta, qataq seuaxaatac.

Miqueas 7:5

Saishet qome da 'aua'amaqten ca la'aqtaxanaxac ca 'arỹa, qataq saishet qome da 'ape'etega ca 'anauochaxaua, qataq 'antela'alo qome naua 'ara'aqtaqa da 'ana'aqtaxaatague' aca 'arhua.

Hebreos 11:36

Qalota so shiỹaxauapi ỹe'eetac somayepi, qataq sa iyacnapec qataq iviraxata'a da ỹanaigui ana ncoñetaxanaxaquipi.

2 Timoteo 4:15

Maxatchaxa, 'arvita'agueto' qome somaye, cha'aye somaye ỹataqta dataỹa'aguet da qara'aqtaxanaxac.

Filipenses 3:2

Qaq maxatchaxa, qarvichiỹa'aguet qome na shiỹaxauapi maye nqaigaxat, qataq ỹo'otta'ape naua qauema, qataq ipelectac na lo'oc.

Juan 11:47

Nache nam fariseopi qataq nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, namayepi dataỹa't, huaxaiguet so 'amaqtaqaicpi maye nmit da huo'o ye nasouaxashet. Nache somayepi 'enapeco': –¿Hua'ague ca shenaqtec? Cha'aye se'eso ỹale ỹataqta qalota na ỹo'ot na'anecpi maye sa qaỹauanapega.

Marcos 13:12

Ca nqaỹa maiche ỹaneguet da nalaataguec ca maiche lqaỹa, qataq ca nta'a ỹaneguet da nalaataguec ca maiche llalaqpi, qaq ca ñalaqpi maiche dataỹa'agueta caua lta'al, nache ỹalaua't.

Mateo 26:59

Nache som lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq 'enauac som nmit na nasouaxashetpi, somayepi nmittaique da huo'o ca shiỹaxaua da huo'o ca latenataxanaxac da ỹasaxalec So Jesús, da yaqto' qaỹaconeua'a Somaye da qaỹalauat.

Hechos 17:14

Qalaxaye so shiỹaxauapi maye ỹa'amaqten So Jesús sa ỹaỹaloxon da ỹamaq so Pablo da yaqto' taxaama so loigue aso auaxai. Qaq nda'a't so Silas qataq so Timoteo no'oiraña ye Berea.

Mateo 20:19

qataq Aỹem ỹaneua'a nam ỹaqa'a ca chegaqa'ague, da yaqto' Aỹem ỹe'en, qataq Aỹem iuaxaatac, ime, qaq Aỹem ỹalauat Aỹem iuaxaata'aguet ca ñepe'enaxaqui. Qalaxaye qom mashe inoxoore'c caua tres na'axa'te, nache qaltaq ñeca'alec.»

Mateo 10:18

Qataq ivira'a qome da qami' qaỹauegueua'alo nam ilotegueto naua 'aleu', qataq na lta'alpi namayepi da yaqto' Aỹem qaua'axache da qauataito'ot namayepi, qataq nam chegaqauec, cha'aye qami' ỹapaxaguenataqa.

Hechos 9:2

Nache iỹaxanot somaye, da yaqto' ỹanem aca lmalate ca la'aqtac, da yaqto' so Saulo nqo'ona aca napaxaguenaxaqui na judiopi maye naña ye nỹecpi ye Damasco, da ỹe'eguena'a nam quetague' da lapaxaguenataxanaxac So Jesús da yaqto' nauega ye Jerusalén da icoñi', na'aictaxa da huo'otaq ỹalleppi, huo'otaq 'alpi.