Mateo 10:16 - La'aqtaqa Ñim Lo'onatac 'Enauacna 2013

¹⁶ De'era no'onataxanaxac maye qami' samaxaleguete da qauo'oche, damaye huo'o da lchec. Damaye 'eeta'am aca qagueta da qaỹamaxa ca hueta'a na qalota shiguiỹacpi maye dequi'iỹapec. Qaq ỹoqo'oye qami' lhuotte' qataq qanloitec qoñiỹa'am ca na'araxanaq qalaxaye nataqa'en qami' huesote' qoñiita'am na qoto'pi.

Nuevo Testamento Toba Sur

¹⁶ ¡Qaq qan'axaÿaxañiichigui de'eda shinapec! Da aÿim qami' sama'q, qalaq qoñiita'am qome ana qagueta da quichiguingui nam shiguiÿacpi mayi dequi'iÿapec. Qalaq ÿataqta sa qanqalaachi qome, qoñiita'am na n'adaxanaq, qalaxayi sa ishit da qauacoñiÿa'aguet ca qad'oi, qoñiita'am na qoto'pi.

Nuevo Testamento Toba Sombrero Negro

¹⁶ “Yataqachiñe anaquiaĝañiya da'me dojo' 'yaqatac, queda'me ami jama' nayi, qalaĝaja ena'am ta'le ami 'naĝanaĝatelpi jo'ne jamaĝauelo jogaa'me diquiya'ape. Chane'eja 'noota qom ami yatenaĝanaĝayaqa, aueñiya'ama jogaa'me nanayaqa, nataq'aen qaya'te anedaĝayaĝaqui, aueñiya'ama jogaa'me doqoto'pi.

Mateo 10:16 Referans Kwoze

Lucas 10:3

Qoqui nagui, qalaxaye maxatchaxa qome, cha'aye Aỹem qami' sama'q sheeta'am ca ỹamaq ca qagueta llalec da quichiguingui na dequi'iỹapecpi.

Filipenses 2:15

yaqto' saishet da huo'o ca qarasouaxashechi, qataq saishet da huo'o ca qami' qaỹasaxaleguete ca qarasouaxashechi. Ana'ana 'alhua nlaqtelec na shiỹaxauapi qauemaicpi, qataq 'etaxaloxoicpi, qami' qalaxaye qami' llalqa Ñim Lo'onatac 'Enauacna. Qaq ỹoqo'oye iuen da qoquiỹa'ai na qauemsat, nache qauachaxañi ca no'on qarataxaqui, qoñiita'am aca huaqaañi da 'ettaigui ye pe.

1 Corintios 14:20

Qami' ỹaqaỹañicpi, qoñiita'am qome ca nogotolec maye qaica ca lasouaxashet, qalaxaye saishet da qaue'enaxache da lhuennataxac. Nachaqrata da qaue'enaxache da lhuennataxac ca shiỹaxaua ỹe.

Colosenses 4:5

Qataq ỹataqta qanaỹaanaxanaqchiñi da qautaqaitague' nam saxanaxa da da'amqaanataxan. Ỹataqta qauqopitaxañiỹa'ape naua na'axa'te, da huo'o ca qardaqa'ai.

Lucas 21:15

Cha'aye Aỹem qome qami' sanema caua qara'aqtaqalli' qataq ca qaraỹaañiqui, da yaqto' saishet da huo'o ca qami' dataỹa'agueta da qami' ncotaỹapegueto.

Hechos 20:29

Cha'aye aỹem saỹateeta da qom sheca'ai ne'ena, nache huo'o qome ca lỹa anac da huotaique da nlaxaañi na 'amqaanataxanaxaicpi, 'eeta'am da 'eetec ca dequi'iỹapec da detoxongui ana qaguetapi.

2 Corintios 11:3

Cha'aye de'era 'eetec so na'araxanaq maye sa nqalaataxaic co'ollaq ỹatenachet aso Eva, nachera da ỹo'ot da icolanaxa da saiuena'a da nataqa'en ishet da qami' ỹatenache't. Nache da qarhuennataxaqui ishet da dasheueeguesop dam huesochiguiñi qara'amqaanataxanaxaqui So Cristo.

1 Ts 5:22

Qataq saishet da qauacoñiiguet 'enauac na ỹotta'a't sa ỹaỹamaxañi.

2 Corintios 11:14

Qaq damaye saishet da huo'otaq lleualqa'a, cha'aye saỹaanaq da so pa'aguenataxanaxaic ishet da choche ỹe'enaxat da lataxac cam 'oonolec na lamaxashecpi piguem le'ecpi Ñim Lo'onatac 'Enauacna maye huo'o na le'eraxa.

Génesis 3:1

Qalaxaye so na'araxanaq ỹataqta sa nqalat, napacalec 'enauac na laỹepi shiguiỹacpi maye lo'onatacpi Ñim Nataxala', qaq somaye inato' aso 'alo, 'eeta': «¿'Eesa peta'a da Ñim Lo'onatac 'Enauacna da saishet da qami' ỹashenema da qolliqui ana ala ana qo'oipaqpi maye huaigui ne'ena nanqa' ana nañiguishe?»

1 Ts 2:10

Qami' huo'o da qarpi'iỹaxaqui Ñim Lo'onatac 'Enauacna qataq qomi' co'ollaq qami' souaqta'agueta, qalaq ỹataqta no'on da qarataxac. Qaq Ñimaye ỹataqta ỹaỹateeta da 'eesa de'era, nataqa'en qami'. Ỹoqo'oye qaica ca ishet da huo'o ca qomi' ỹasaxaleguete ca qarasouaxashet.

Colosenses 1:9

Co'ollaq choche saỹaanaq 'enauac de'era, nache qolaqtot da qami' ñeqouagaxaunaqtapegueleguete. Seỹaxanaqtacot Ñim Lo'onatac 'Enauacna da ña qami' ỹauattonaxanaxaneque dam ỹataqta 'eetapeguec Ñimaye, qataq da qami' ỹanema na ỹotta'a't naỹaaneguesat qataq da nauattonaxanaxac maye chegoqo'ot So Saqcha'a Na'añaxac Qui'itta.

2 Corintios 1:12

Qomi' ỹa'añaqche't da saỹaanaq da ỹaỹamaqchiguiñi da qarataxac, qataq ỹataqta qomi' 'eesora nagui da souaqta'aguet 'enauac na shiỹaxauapi, qataq ỹactec naxa da qami' souaqta'agueta. Qaq de'era saishet da so'otaq da seca'ataqtague' da maiche qaraỹaanec, nachaqrata da ltaunaxanaxac Ñim Lo'onatac 'Enauacna, qataq sanaqtac da qana'achecỹaxac souaxat da lta'araic lsoxoyec.

2 Corintios 8:20

Qaq shenaqtec de'era, cha'aye huo'o da qarvitaxa da huo'otaq qomi' qanayectapegueleguete souaxat ana nachetaqtaxanaqte maye llaỹonaqtac.

Génesis 3:13

Nache Ñim Lo'onatac 'Enauacna maye Nataxala', inat aso 'alo, 'eeta': «¿Ta'ainco' da 'auo'ot de'era?» Nache asomaye ỹasat, 'eeta': «So na'araxanaq aỹem ỹatenachet, ỹoqo'oye sachec aso ala ara'ara qo'oipaq.»

Jeremías 40:16

Qalaxaye so Gedalías ỹasateguet somaye, 'eeta': ¡Saishet qome da 'auo'ot de'era! ¡Cha'aye dam 'aua'axattac maye 'eetega huotaique ỹo'ot so Ismael, damaye saishet da 'eesa!

Oseas 7:11

Qaq ye Efraín, qalaq 'eeta'am na qoto' da 'enaqaic qataq qaica ca lauattonaxanaxac, nache taỹa qome ye Egipto da iỹaxanaique ca ntaunaguec, ime, qaltaq taỹa ye Asiria.

Mateo 24:25

Qaq damaye mashe nache 'eetai' da qami' sa'aqtaxaateguema

Mateo 24:45

¿Negue't cam namaxashec maye ỹataqta ipaqueelec ca namaxasaguec qataq nlotec? Qomye nacheca cam ỹale maye ca na'aco' ipataxalec camaye, da yaqto' iquia'axaatac cam hueta'a ca lma' da ivita ye laloqo' da nquia'axac.

Mateo 25:2

Qaq cinco soomaye soua sa naỹamaxata'ape, qataq cinco soua naỹamaxatte'.

Mateo 25:4

Qalaxaye soua lỹa't cinco maye naỹamaxatte', soomaye ỹacheta'ape so lqataxanata'c aceite, yaqto' da ivita da imeuo na le'ec aso lcoỹaraxanaxaqui', nache qaltaq icoyingui.

Mateo 25:9

Qalaxaye soua cinco qa'añole maye naỹamaxatte' 'ena'apo': «Saishet. Ten, saq 'amaqtaq na ñachoqtac aceite, 'onaxaic da qanqo'oñiỹa cam imeetac, nache qausheenaxañiỹa cam qarcoỹaraxanaxache.»

Nehemías 4:13

ỹoqo'oye aỹem shenapega ñi 'oonolec da huaxaiguet ca maiche llalaqpi da naỹamaxat, ỹauo'o ca lainec, lchecna qataq lchecnec, nache nauanalec na pa'auo so saxanaxa da qano'oxoosheguem se'eso npaqtaxanaxat.