Mateo 10:13 - La'aqtaqa Ñim Lo'onatac 'Enauacna 2013

¹³ Qaq cam lalamaxat que'eca nma', da huo'otaq ỹaconeguet, nache qano'onaxachiỹa'aguet de'era qarquinaxanaxaqui maye naigui da nlagaxayec. Qalaxaye da saishet da ỹaconeguet, nache qami' saishet da huo'o ca qarasouaxashechi.

Nuevo Testamento Toba Sur

¹³ Qaq cam lalamaxat que'eca nma', da huo'otaq ÿaconguet, nachi qan'onaxachiÿa'aguet de'eda qadquinaxanaxaqui mayi naigui da nlagaxayic. Qalaxayi da sa ishit da ÿaconguet, nachi qañi'iguelaxachiila't de'eda qadquinaxanaxaqui.

Nuevo Testamento Toba Sombrero Negro

¹³ Qom gaa'me jiyaĝa'u 'me netedaue ga'me 'nachaqa' ami 'yamaqate'n, qama'le da'me 'nemaĝac jo'ne auepaquitapega male yepaquichigui. Qalaĝaja qom ja ami 'te 'yamaqate'n, qama'le auajelaĝañiyot ñe'me Dios qaedi ami 'niyelaĝadetot da'me 'nemaĝac.

Mateo 10:13 Referans Kwoze

Lucas 10:6

Qaq que'eca hueta'a ca nỹec da ỹaconeguet de'era no'on, nache de'era qaryaqai ipacchigui. Qaq da sa ỹaconeguet camayepi, nache de'era qaryaqai saishet da ipac.

2 Corintios 2:16

Qalaxaye nam taỹa'a da deqat, ne'ena nchenaxanaxat, da alaitaỹaxac 'eeta'am ca dalaataxanapec. Qalaxaye nam taỹa'a da nca'alec, damaye 'eeta'am naqa'en cam ama na laita maye chegaqaigui da achaalataxac. Qaq ¿chaq negue'to' ca ishet da nalotaua'a de'era no'onataxanaxac?

Salmos 35:13

Qaq naxa da sano'on namayepi qalaq lta'araic da iuogoxo souaxat namayepi, nache saayiñi naua anogo sansatte' qataq ñeqouaqchet qataq nache shecto'ot da ñatameetapeguelec namayepi.

Mateo 10:12

Qaq da qaviyeeua'a que'eca nỹec, nache qauquinaxañi, qoñiita': «Huo'o qome da qarlagaxayiqui.»

Mateo 10:14

Qaq da huo'otaq huo'o ca 'oonolec nma' huo'otaq ca nỹecpiolec da saishet da qami' ỹaconegueta qataq da saishet da qami' na'axaỹaxanalo, nache qoquiỹa'ai camaye. Ime, nache qauchegoqoiuec na namoxoỹaxa naua qarapia'achilli', qaq damaye la'anaxat da sa qami' qaỹaconegueta.