Mateo 10:12 - La'aqtaqa Ñim Lo'onatac 'Enauacna 2013

¹² Qaq da qaviyeeua'a que'eca nỹec, nache qauquinaxañi, qoñiita': «Huo'o qome da qarlagaxayiqui.»

Nuevo Testamento Toba Sur

¹² Qaq da qaviyiu'a que'eca nma', nachi qauquinaxañi, qoñiita': “Huo'o qome da qadlagaxayiqui.”

Nuevo Testamento Toba Sombrero Negro

¹² Mane'e qom ayoue ga'me emec, auep'iyeñi' gaa'me jo'ne netedaue ga'me.

Mateo 10:12 Referans Kwoze

1 Samuel 25:6

Qataq qaỹa'añim qome da ỹa'aqtac maye, 'eeta': Ỹataqta 'am nlaqchigui qome da 'arlagaxayec, qataq na 'aỹa'alaqpi, qataq 'enauac nam 'aralamaxatpi.

2 Corintios 5:20

Qaq ỹoqo'oye nache qomi' la'aqtaxanaxanaqa So Cristo, qaq chegoqchiguilo naqa'en qomi' Ñim Lo'onatac 'Enauacna da 'eeta'am da qami' ñachoxorenaqtoiguilo. Qaq chegoqchigui So Cristo da qami' ñachoxorenaqtoiguilo, shenaqta': qanmañi' qome Ñim Lo'onatac 'Enauacna.

Hechos 10:36

Ñim Lo'onatac 'Enauacna namaxa co'ollaxa na Israel le'ecpi da la'aqtac, dam la'aqtac maye ỹo'ot da nlagaxayec, chegoqchigui So Jesucristo, Som Lca'aguishec qataq Lataxala' 'enauac na shiỹaxauapi.

3 Juan 1:14

cha'aye seuata'a qom huo'otaq saqaỹaloq da 'am ñauane', nache ỹataqta ñimaqa'a't da ña'aqtaxanaxa't.

Salmos 122:7

Ñaq huo'o qome da l-lagaxayec na huetaigui na pa'auo na lpaqtaxat namaye, qataq no'on da nmataxac ca netaiguilo naua nỹeco lta'al.

Salmos 122:8

Qaq souaxat da ỹauotaxanaqtaic na ỹaqaỹañicpi, qataq na ñauochaxauapi, nache sheeta': «Ñaq huo'o qome da nlagaxayec, 'am Jerusalén.»

Ezequiel 2:5

Saiuena'a da 'am ỹalaxaguet huo'otaq saishet, cha'aye namayepi ỹataqta saỹalaq, qalaxaye dam choche ỹaỹaten da huo'o na na'aqtaxanaxanec da netangui namayepi.

Mateo 10:11

Qataq da huo'o ca qaviyeeua'a nỹecpiolec, huo'otaq ca lta'araic nỹecpi, nache qanmichiỹaique ca shiỹaxaua maye ishet da qami' ỹaconegueta qataq npe'et. Qaq nacheca qoviỹa'a ca lma', choche ivitta'a da qaltaq qoqui.

Mateo 10:13

Qaq cam lalamaxat que'eca nma', da huo'otaq ỹaconeguet, nache qano'onaxachiỹa'aguet de'era qarquinaxanaxaqui maye naigui da nlagaxayec. Qalaxaye da saishet da ỹaconeguet, nache qami' saishet da huo'o ca qarasouaxashechi.