Mateo 10:1 - La'aqtaqa Ñim Lo'onatac 'Enauacna 2013

¹ Nache So Jesús ỹataxana't soua doce lapaxaguenataqa. Nache ỹanem da la'añaxac ñi 'oonolec soomaye, da yaqto' ishet da ỹo'orauec na saqcha'a na'añaxac leguemaxaicpi, qataq da nataren 'enauac nam ỹotta'a't nalolaxasat.

Nuevo Testamento Toba Sur

¹ Nachi so Jesús iÿaxanalo soua doce lapaxaguenataqa, nachi ÿanema da n'añaxac, da yaqto' ishit da i'oldauec na n'ecpi, qataq da nataden 'enauac nam ÿotta'a't nalolaxaguesat qataq na nhuetaxanaxapi.

Nuevo Testamento Toba Sombrero Negro

¹ Yem qama'le Jesús yiyaĝanalo joga'me doce jo'ne lapaĝaguenataqa, qama'le yanema da'me lañoqotaĝanaĝa'j qaedi yamaĝadegue gaa'me payac lepaqa'li jo'ne paĝachiguilo nataq'aen qaedi e'n yemedegue gaa'me yodapecache napite'nadi nataq'aen nayaliaĝaco.

Mateo 10:1 Referans Kwoze

Lucas 10:19

Aỹem qami' sanema da na'añaxac, da yaqto' na na'araxanaqpi qataq na pe'elaqtoicpi saishet da qami' ique'emaqche't, qataq da yaqto' qanaviqui so pa'aguenataxanaxaic maye qami' ipa'agueeta'ape.

Lucas 24:49

Qaq Aỹem qome qami' ñamaxalo cam ỹachaxanapec co'olloxocheye Ñim Ita'a. Qalaxaye qami', nache qoviita'a qome na Jerusalén, nato' qom mashe qauacoñiiguet cam na'añaxac maye chegaqasheguem.

Hechos 1:8

Qalaxaye qom qami' nvitalo ca Saqcha'a Na'añaxac Qui'itta, nache qami' taỹoto qome ca na'añaxac, nache qoqui da Aỹem qaua'axache, da qaua'aqtaxañim nam netaña na Jerusalén, qataq nam netaña ye 'alhua Judea qataq ye Samaria, qataq choche qaviyeeta'a ca ỹataqta pa'atec ana 'alhua.

Juan 3:27

Nache so Juan 'enapegalo soomaye, 'eeta': –Qaica ca shiỹaxaua maiche nallegoxottela't da huo'o ca ỹo'ot da huo'otaq saishet da ỹanem Ñim Lo'onatac 'Enauacna camaye.

Lucas 6:13

Qaq so lỹa na'a'q, nache iỹaxana so qalota ca'attague'pi Somaye. Ime, nache lca'aua'alo soua doce somayepi, nache ỹauo'oi lamaxa'she.

Lucas 21:15

Cha'aye Aỹem qome qami' sanema caua qara'aqtaqalli' qataq ca qaraỹaañiqui, da yaqto' saishet da huo'o ca qami' dataỹa'agueta da qami' ncotaỹapegueto.

Hechos 19:15

Qalaxaye co'ollaq ỹo'o't de'era, nache som saqcha'a na'añaxac leguemaxaic, 'eeta': –Aỹem sauatton So Jesús, nataqa'en sauattoota so Pablo; qalaq qami', saishet da qami' sauatto'n.

Juan 17:2

Cha'aye Aỹem 'aỹa'anem co'ollaxa da 'ara'añaxac da yaqto' ñataỹaña 'enauac na huetalec ana 'alhua. Qataq nataqa'en Aỹem 'aỹa'anem da ỹa'añaxac da yaqto' sanem da lca'alaxa maye chochaq tatec 'enauac nam Aỹem 'aỹa'anem da Aỹem ca'ategue.

Juan 6:70

Nache So Jesús 'enapeco': –¿Saisheto' da qami' doce da qami' ica'agui'she? Ñi 'oonolec da qoñiita netaigui ñi pa'aguenataxanaxaic.

Juan 3:35

Qaq Ñim Lo'onatac 'Enauacna maye Ita'a ỹataqta ỹauotec na Llalec, ỹoqo'oye ỹataqta imato'ot da la'añaxac da ilo'ogue 'enauacna.

Apocalipsis 12:1

Ime, nache na piguem qaltaq huo'o so yo'oq lta'araic qataq sa qaỹauanapega: Huo'o aso 'alo nachattaigui añi nala', 'eeta'am da lapo'. Qaq ñi ca'agoxoic, qalaq petalec. Qataq asomaye ỹaatañi aso naro'o na nta'a. Qaq asa'aso aro'o netaguilo soua doce huaqaañi.

Mateo 26:47

Qaq co'ollaq ñaq detaqtac So Jesús, nache nvi' so Judas, som 'oonolec soua doce lapaxaguenataqa. Qaq somaye ỹataqta qalota so nnaictague' ỹalleppi na'atchigui na lainec qataq na npon 'epaq. Somayepi nache lamaxashecpi som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam nqueroxonecpi maye lataxala' na judiopi.

Mateo 26:20

Qaq co'ollaq mashe napalchiguiñi, nache So Jesús qataq soua lapaxaguenataqa co'ollaq ñaq deque'eta'ape,

Mateo 19:28

Nache So Jesús 'enapeco': –Ỹataqta 'eesa de'era qami' sa'axatema da 'enauac da qoñiita qami' ỹo'onataxanaxau' Aỹem Shiỹaxaua Llalec qom ñeso'ooñi da samaxasoxonapec. Huaña, nache Ñim Lo'onatac 'Enauacna naralaxat 'enauac na lataxaguesat, nache ñi 'oonolec da qoñiita ilo'ogue ca 'oonolec soua doce llalqa so Israel.

Mateo 6:13

Qataq da qomi' nvitalo ca qañe'eguenataguec, nache saishet da qomi' 'auashenegueta da chegoqchigui camaye da 'am qolaqa'ai. Qataq qomi' 'anca'alaxateeguesopa da la'añaxac so pa'aguenataxanaxaic.» [Cha'aye 'aralamaxat da no'onataxanaxac qataq da na'añaxac qataq da ño'oxoyec maye qaica ca loga't. Aja', nache 'eetec.]

Mateo 4:23

Nache So Jesús coleetapeguelec 'enauac ye Galilea da dapaxaguenataxaatapoigui ana napaxaguenaxaquipi na judiopi yi'iye 'alhua, ỹa'axattac da no'on na'axaỹaxac maye ỹa'axat da Ñim Lo'onatac 'Enauacna ilo'ogue 'enauacna, qataq natareetac 'enauac na ỹotta'a't lalolaxa na shiỹaxauapi.

Mateo 9:35

So Jesús coleetapigui 'enauac nam nma'ate qataq nam nañalo nam saq 'amaqtaq shiỹaxauapi da dapaxaguenataxaatapoigui ana napaxaguenaxaquipi na judiopi, ỹa'axattac dam no'on na'axaỹaxac maye naigui da ilo'ogue 'enauacna Ñim Lo'onatac 'Enauacna, qataq natareetac 'enauac nam ỹotta'a't lalolaxa qataq da nqui'ic na shiỹaxauapi.

Mateo 9:38

Qaq ỹoqo'oye qauỹaxañiỹot qome Ñim Lo'onatac 'Enauacna da namaq ca laỹepi lamaxashecpi, da yaqto' ỹa'axatem dam no'on na'axaỹaxac 'enauac na shiỹaxauapi.»