Mateo 1:6 - La'aqtaqa Ñim Lo'onatac 'Enauacna 2013

⁶ qataq so nta'a David. Qaq chegoqchiguiña so David, choche ivitta'a co'ollaq so judiopi da qaicoñe' qaỹaueegue da Babilonia, qaq 'ena nam le'enaxat som chegoxoguet Somaye: David, Salomón (aso late'e somaye nachaso aso lhua co'ollaxa so Urías),

Nuevo Testamento Toba Sur

⁶ Qaq so Isaí nachi llalec so nta'a David. Qaq so David co'ollaq huadonguet aso lhua co'ollaxa so Urías, nachi soomayi llale'c so Salomón.

Nuevo Testamento Toba Sombrero Negro

⁶ qama'le Jesé mach'e c'oĝot di'me Jaliaĝanec David. David mach'e c'oĝot di'me Salomón jo'ne lat'e jadi'me loua ca'li di'me Urías.

Mateo 1:6 Referans Kwoze

1 Reyes 15:5

Cha'aye so David, ỹo'ot co'ollaxa nam ỹataqta ỹaỹamaxareeta Ñim Nataxala', qataq ỹataqta saishet da ca'ai nam lamaxasoxonaxacpi Ñim Nataxala', nachaqsota so Urías maye hitiita da huasoilec, souaxat da damaxasoxoolec co'ollaxa da qaỹalauat.

1 Samuel 17:12

Qaq huo'o so ỹale maye lma' ye Belén le'enaxat Yesé, maye co'ollaq huaigui da lo'onataxanaxac da nta'a so Saúl, nache somaye nale'ena da mashe ỹe. Qaq se'eso ỹale, ocho soua llalqa, qaq so David nache nataqa'en llalec somaye.

1 Crónicas 14:4

Qaq 'ena na le'enaxatpi so llalaqpi maye lañoqo' ye Jerusalén: Samúa, Sobab, Natán, Salomón,

1 Crónicas 3:5

yem lañoqo' co'ollaxa soua cuatro llalqa lỹa't somaye: Simea, Sobab, Natán, qataq so Salomón, qaq 'enauaque soomaye da llalqa aso Betsabé maye llale so Amiel.

2 Samuel 23:1

Qaq 'ena na pa'atec la'aqtacpi so David, maye llalec so Yesé. Qaq 'era dam la'aqtac so ỹo'oxoraic maye 'onaxanaxaic ne'ena Israel, ỹale 'amaqtaqaic maye lca'aguishec Ñim Natamnaxala' so Jacob, 'eeta':

1 Samuel 16:1

Nache Ñim Nataxala' 'enapego' so Samuel, 'eeta': ¿Chaq laguio', qaq 'axaañi da 'araquicoxo souaxat so Saúl? Ye aỹem mashe sa saỹamaxaren somaye da queta da lta'a na Israel le'ecpi. Ña qoñisheguem qome, nache 'auỹoxogui aca huaca lcoue ca 'arcoraxanaxat aceite, nache qojec da 'anqo'ona ye lma' ñi Yesé, maye naña ye Belén, cha'aye mashe lleca'aguishec ñi 'oonolec soua llalqa da yaqto' lta'a na Israel le'ecpi.

Romanos 8:3

Qaq Ñim Lo'onatac 'Enauacna ỹo'ot co'ollaxa dam saishet da ỹañoxot da ỹo'ot nam namaxasoxonaxacpi maye chegoqo'ot so Moisés, cha'aye qaica ca ilo'ogue da lqopitaxanaqtaic da ỹo'ot nam qauem. Nache Ñim Lo'onatac 'Enauacna namaxalec co'ollaxa ana 'alhua so lalamaxat Llalec, qaq Somaye ỹataqta 'ena'ama qomi' da qarqalviaxa, qataq da qañe'eguenataguec. Qaq Ñim Lo'onatac 'Enauacna namaxalec ana 'alhua Somaye da yaqto' qomi' ileualeguete souaxat na qaye'etaxaloxo. Qaq nache chegoqchigui Somaye da Ñim Lo'onatac 'Enauacna, nlaxaañi da la'añaxac da ñe'etaxaloxo.

Isaías 11:1

Qaq asa'aso qo'oipaq lamo, maye nacheso so Jesé, huo'o qome aca llaxataxa, qaq aca'aca llaxataxa chegoqtoiguilo qome naua lpa'aye.

Salmos 72:20

Qaq 'ena na tachiguiña da natamnaxac so David, maye llalec so Yesé.

1 Crónicas 28:5

Qaq nagui, nam qalota ỹalaqpi maye aỹem ỹanem co'ollaxa Ñim Nataxala', nache ỹachegoxottoigui da lca'aua'a so ỹalec Salomón, da yaqto' nso'ongui añi so'onaxaqui da ỹo'ot da lo'onataxanaxac Ñim Nataxala' da ilo'ogue na Israel le'ecpi.

1 Crónicas 11:41

Urías, som hitiita; Zabad, som llalec so Ajlay,

1 Crónicas 2:15

qaq so lỹa Osén qaq so lỹa David.

2 Samuel 23:39

qataq so Urías, som hitiita. Qaq da ima'a't somayepi, nache ivi' treinta y siete.

2 Samuel 11:3

Nache so David damaxasoxon co'ollaxa da qaichemaxata chaq negue't asa'aso 'alo. Nache qaỹa'aqtaxanem somaye, da asa'aso 'alo le'enaxat Betsabé, maye llale so Elián qataq lhua so Uría som hitiita.

1 Samuel 22:8

Qaq yo'oqta nagui da 'enauac qami' aỹem qanpa'agueñiỹa, cha'aye qaica co'ollaxa ca aỹem icoyeguen da so ỹalec naỹamaxate' so llalec so Yesé, da yaqto' itauan somaye da aỹem npa'aguena.

1 Samuel 17:58

Nache so Saúl inattac somaye, 'eeta': 'Am nsoq, ¿negue't cam 'arta'a? Nache so David 'enapeco': Qomye aỹem llalec ñi Yesé, maye lma' ye Belén, ñim maiche 'aramaxashec.

Rut 4:22

qaq so Obed nache llalec so Yesé, qaq so Yesé, nache llalec so nta'a David.

Mateo 1:5

Booz (aso late'e somaye le'enaxat Rahab), Obed (aso late'e somaye le'enaxat Rut), Isaí,