Mateo 1:22 - La'aqtaqa Ñim Lo'onatac 'Enauacna 2013

^22-25 Qaq so José co'ollaq nlouec, nache ỹalaxaguet so lamaxashec Ñim Lo'onatac 'Enauacna, nache lhua aso María. Qalaxaye saishet da nauaña't co'ollaq saxanaxa da ñiguiñi so nogotolec. Qaq co'ollaq mashe ñiguiñi, nache so José ỹanagui da le'enaxat Jesús. Qaq 'enauac dam huaigui asomaye yo'oq, cha'aye yaqto' ipacchigui dam 'enapec co'ollaxa Ñim Nataxala' maye ỹa'axat so la'aqtaxanaxanec Isaías 'eeta': «¡Ỹataqta qana'axaỹaxañiichiguiñi! Aca 'alo saxanaxa da huaron, acamaye hualaxai qome, nache huo'o ca llalec. Qaq camaye le'enaxat qome da Emanuel.» De'era ne'enaxat naigui da 'eeta': «Ñim Lo'onatac 'Enauacna qomi' hueta'agueta.»

Nuevo Testamento Toba Sur

²² Qaq 'enauac de'eda huaigui asomayi yi'oq, cha'ayi yaqto' ipacchigui dam 'enapec co'ollaxa ñi qadataxala' mayi i'axat so l'aqtaxanaxanec 'eeta':

Nuevo Testamento Toba Sombrero Negro

²² Yema da'me dojo' 'uo ca'li qaedi yepaque'teguelo gaa'me 'laqataqa ñe'me Jaliaĝanec ca'li yojaĝanaĝan ga'me 'laqataĝanaĝanec:

Mateo 1:22 Referans Kwoze

Lucas 24:44

Qaq co'ollaq ime, nache 'enapegalo soomaye, 'eeta': –De'era souaigui, nachera dam sa'axattac co'ollaq ña qami' soota'agueta: da iuen da ipacchigui qome 'enauac na ña'aqtaguec maye ỹa'axat nam namaxasoxonaxacpi maye ỹiyiñi co'olloxocheye so Moisés qataq naua leregui'she som la'aqtaxanaxanecpi Ñim Lo'onatac 'Enauacna qataq nam no'onecpi le'enaxat Salmos.

Mateo 2:23

Qaq co'ollaq mashe ivita yemaye, nache huera'a ye nỹecpiolec le'enaxat Nazaret. Qaq 'eetec de'era, da yaqto' ỹataqta ipacchiguilo naua la'aqtaxanaxaco so la'aqtaxanaxanecpi Ñim Lo'onatac 'Enauacna da 'eeta': «Ca Lca'aguishec Ñim Lo'onatac 'Enauacna da qaiỹaxana qalaq qaỹamata'ac Nazaret le'ec.»

1 Reyes 8:15

nache 'eeta': «Ỹataqta qaỹo'oxoren qome Ñim Nataxala' maye Natamnaxala' na Israel le'ecpi, cha'aye ipacchigui da ỹachaxanapecot co'ollaxa so ita'a David, co'ollaq 'eeta':

Hechos 3:18

Qalaxaye Ñim Lo'onatac 'Enauacna mashe ỹa'axat co'ollaxa de'era, chegoqchigui naqa'en so la'aqtaxanaxanecpi da que'eca Lca'aguishec, camaye ỹataqta huo'o qome da nque'eenaxac.

1 Reyes 8:24

cha'aye 'aupacchigui da 'auachaxanapecot co'ollaxa so 'aramaxashec David maye ita'a, qaq so 'aỹa'an co'ollaxa 'ara'aqtac, nache ỹataqta 'aupacchigui da 'auo'ot nagui.

Juan 18:9

Qaq de'era 'enapec, damaye ipacchigui dam maiche la'aqtac So Jesús co'ollaq 'eeta': «Nam Aỹem ỹanempi Ñim Ita'a, namayepi qaica ca deqat.»

Mateo 13:35

Qaq 'eetec de'era yaqto' ipacchigui da ỹiyiñi co'ollaxa so la'aqtaxanaxanec Ñim Lo'onatac 'Enauacna maye, 'eeta': «Sa'aqtaxanem na shiỹaxauapi, qalaxaye sauota'a na ỹaloqnaxanaxatpi, qataq sa'axat nam lataxac maye Ñim Lo'onatac 'Enauacna saishet da ỹachaxan chegoqta'a co'ollaq cheta'ague da ỹo'ot ana 'alhua.»

Esdras 1:1

Qaq so la'auaxanec vi'i da lo'onataxanaxac so Ciro, maye nta'a ye Persia, Ñim Nataxala' ỹanem da lhuennataxac somaye, da yaqto' ỹamaxalec 'enauac so hueta'a so ilotague' 'alhuapi da qaỹa'axatec so ỹan la'aqtac. Huaña nache ipacchigui da la'aqtac Ñim Nataxala', maye ỹanem co'ollaxa so la'aqtaxanaxanec Jeremías, nam nasaxauec la'aqtacpi somaye qataq nam qoỹettañipi, maye 'eeta':

Juan 17:12

Nagui da ñaq soota'agueta naamaye ana 'alhua, qalaq Aỹem so'ogoxona da 'ara'añaxac da ñetela'alo qataq da ñepaxattaleguete. Qaq saishet da huo'o ca deqat naamaye, nachaqsota so Judas maye lca'ateua'a so nqa'aic maye ỹauega da deqat, nache ipacchigui dam 'enapec naua nanettaleguete ana 'ara'aqtac lmalate.

Juan 15:25

Qalaxaye damaye iuen da yo'oq, da yaqto' ipacchigui dam nanettalec ana nere maye huetalec na la'aqtacpi Ñim Lo'onatac 'Enauacna maye 'eeta': «Aỹem nquiỹa namayepi, qamaq qaica ca sasouaxat.»

Juan 10:35

Qaq qomi' saỹaanaq da naua nanettrañi la'aqtaqa Ñim Lo'onatac 'Enauacna, naamaye saishet da qaiqolegue't. Ỹoqo'oye 'eesa da Ñim Lo'onatac 'Enauacna ỹamata'ac da piguem le'ecpi som shiỹaxauapi maye ỹaconeguet da la'aqtac.

Mateo 13:21

Qalaxaye souaxat da saishet da ỹoqta ỹaỹateeta de'era na'aqtaxanaxac, nache saishet da 'eetai' de'era ntonaxac. Cha'aye da huo'o da ivireguet lqalaic, huo'otaq da sa qaiyacnapec souaxat da ỹalaxaguet Ñim Lo'onatac 'Enauacna, nache saqaỹaloq da icoua'ai de'era na'aqtaxanaxac.

Mateo 12:17

Qaq 'eetec de'era, yaqto' ipacchigui co'olloxocheye dam la'aqtaxanaxac so la'aqtaxanaxanec Ñim Lo'onatac 'Enauacna maye le'enaxat Isaías co'ollaq, 'eeta':

Mateo 2:15

nache huetra'a yemaye, choche ivitta'a co'ollaq ileu so Herodes. Qaq 'eetec de'era, yaqto' ỹataqta ipacchigui da la'aqtac Ñim Lo'onatac 'Enauacna maye ỹa'axat co'ollaxa so la'aqtaxanaxanec, 'eeta': «Seỹaxana so Ỹalec, maye hueta'a ye Egipto.»

Mateo 8:17

Qaq 'eetec de'era, yaqto' ỹataqta ipacchigui dam ỹachaxanapec co'ollaxa Ñim Lo'onatac 'Enauacna maye ỹa'axat so la'aqtaxanaxanec le'enaxat Isaías co'ollaq, 'eeta': «Camaye nataren 'enauac na qaralolaxasat, qataq qomi' nca'alaxateeguesopa na qanque'eenaxaguesat.»

Mateo 5:17

Saishet qome da qaupi'itaxañiitega da Aỹem ñanac da ñelaxaañi na lamaxasoxonaxacpi so Moisés qataq da sheetega mashe qaica ca naigui na lapaxaguenataxanaxacpi som la'aqtaxanaxanecpi Ñim Lo'onatac 'Enauacna. Nachaqrata da ñanac da yaqto' sepagaqchiichigui dam ỹoqta 'eesa naigui namayepi.

Lucas 21:22

Cha'aye que'eca na'a'q laloxoqui da Ñim Lo'onatac 'Enauacna ỹauo'o ca nhuaxanaguec 'enauac na shiỹaxauapi, yaqto' ipacchiguilo naua 'ena'ape naua ñiyigui'she la'aqtaqa Ñim Lo'onatac 'Enauacna.

Apocalipsis 17:17

Qaq Ñim Lo'onatac 'Enauacna ỹasheetema se'esoua diez nta'al da ipaqueelec da ỹo'ot da maiche iuennatega co'ollaxa Ñimaye. Ỹoqo'oye ỹo'oteque da 'oonolec da lhuennataxa'c soomaye, da yaqto' ỹanema da la'añaxa'c so shiguiỹac leguemaxaic. Qaq huaña, nache soomaye ỹalaxareguet so shiguiỹac leguemaxaic, choche ivitta'a da ipacchigui 'enauac nam 'eetapeguecpi Ñim Lo'onatac 'Enauacna.

Romanos 1:2

Ñim Lo'onatac 'Enauacna ỹachaxanapec co'ollaxa da namaq So Llalec. Qaq de'era nache ỹa'axattac so la'aqtaxanaxanecpi maye nanettalec ana nere maye huetalec na la'aqtacpi Ñimaye. De'era no'on na'axaỹaxac ỹa'axat da So Jesucristo anaỹa ana 'alhua, nache chegoxoguet so nta'a David. Qaq So Jesucristo ileu co'ollaxa qalaxaye Ñim Lo'onatac 'Enauacna qaltaq nca'aleeguesop naqa'en da l-leuaxa. Qaq de'era ỹachaxan da So Jesucristo ỹataqta 'añaxaic Llalec Ñim Lo'onatac 'Enauacna.