Mateo 1:20 - La'aqtaqa Ñim Lo'onatac 'Enauacna 2013

²⁰ Qaq co'ollaq ñaq tatapigui lauel de'era so José, nache anac so lamaxashec Ñim Lo'onatac 'Enauacna, huaigui naqa'en so lo'ochaxa da nachaxana somaye. Nache 'enapega, 'eeta': –José, 'am maye 'auachegoxoguet so nta'a David, saishet qome da 'añi'i da 'apaca'aguet añi María da 'arhua. Cha'aye dam llalec maye huetaigui añimaye, chegoqchigui da la'añaxac So Saqcha'a Na'añaxac Qui'itta.

Nuevo Testamento Toba Sur

²⁰ Qaq co'ollaq ñaq tatapigui lauel de'eda, nachi anac so lamaxashic piguem l'ec ñi qadataxala', huaigui naq'en so l'ochaxa da nachaxana somayi. Nachi 'enapega, 'eeta': –José, 'am mayi 'auachigoxoguet so nta'a David, sa ishit qome da 'ayi'i da 'aupaca'aguet añi María da 'adhua. Cha'ayi dam llalec mayi huetagui, damayi chigoqo'ot so Espíritu Santo.

Nuevo Testamento Toba Sombrero Negro

²⁰ Ca'li joote yataqachiñe uenatetelegue qaedi naq'aeta da'me ya'uo qanach'e 'uo ga'me piyem le'ec jo'ne chiyaqaje'ma ñe'me Jaliaĝanec, qama'le taue q'aen ga'me 'lochaĝa da'me naloĝoneguet qama'le dojapegue': “José, jo'ne mach'e am David c'oĝot, ena'te at'oiyapega da'me anauela't jañe'me María qaedi a'uoneguet, qa'a ga'me c'oĝot mach'e chiyaqayi da'me 'lañaĝac joñe'me Dios Lepaqal 'me ja 'nalegue.

Mateo 1:20 Referans Kwoze

Lucas 1:19

Nache so namaxashec ỹasateguet somaye, 'eeta': –Aỹem maye nachaỹem Gabriel, maye so'onataxaatacot Ñim Lo'onatac 'Enauacna. Qaq Ñimaye aỹem namaxa da 'am sa'aqtaxanem de'era no'on 'ara'axaỹaxac.

Mateo 1:18

Da lañoxoc So Jesús 'eeta': Aso late'e María co'ollaq mashe detaxaỹapegue' so José da huotaique da lhua. Qaq co'ollaq saxanaxa da huarona't, nache asomaye mashe hualaxai, chegoqchigui da la'añaxac So Saqcha'a Na'añaxac Qui'itta.

Mateo 2:19

Qalaxaye co'ollaq mashe ileu so Herodes, nache huaña ye Egipto da qaltaq nachaxana so José so lamaxashec Ñim Lo'onatac 'Enauacna, huaigui naqa'en so lo'ochaxa. Nache 'enapega, 'eeta':

Joel 2:28

Qaq qom ime de'era, nache talec ñaqa'en 'enauac na shiỹaxauapi ca lta'araic ỹa'añaxac, huaña, nache nam qaỹa'alquipi qataq ana qaỹa'allipi, huo'o qome nam ỹa'axata'api, qataq nam ỹa'axaiquipi huo'oi qome naua lchoxonaxaco, qataq na nsoxoppi huo'oi qome naua l-loxoco.

Lucas 2:4

Qaq so José maye chegoxoguet na llalaqpi so David, somaye hueta'a ye nỹecpi le'enaxat Nazaret, nache somaye iuen da taỹa ye nỹecpi le'enaxat Belén da yaqto' nanereuo, cha'aye nacheye yem lañoqo' co'ollaxa so nta'a David.

Mateo 28:5

Nache so namaxashec 'enapegalo soua 'alol, 'eeta': «Saishet qome da qayi'i. Aỹem saỹaten da qami' qanmichiitaique So Jesús som qaỹalauat qataq qaiuaxaneuo co'ollaxa.

Isaías 26:3

'Am Nataxala', 'am 'aỹa'anem da l-lagaxayec nam sa nquic da lataxac, cha'aye ỹataqta 'am pi'iỹa'a.

Jueces 13:3

Qalaxaye so nale piguem le'ec Ñim Nataxala', nachaxana co'ollaxa asomaye, nache 'enapego', 'eeta': 'Am sa ỹauanega da huo'o ca 'aỹa'alaqpi, qalaxaye nagui 'am hualaxai, nache huo'o qome ca 'aỹa'alec.

Génesis 31:11

Qaq huaigui se'eso ichoxonaxac da so lamaxashec Ñim Lo'onatac 'Enauacna, iỹaxana da ỹe'enaxat, nache aỹem sasat, sheeta': ‹Aỹem sootai' ne'ena.›

Mateo 2:22

Qalaxaye so José co'ollaq ỹaỹaten da so Arquelao, qoỹanagui da lo'onataxanaxac so lta'a Herodes da qaltaq ilo'ogue ye 'alhua Judea, nache somaye ỹataqta huo'o da lcolanaxa. Ime, nache so lamaxashec Ñim Lo'onatac 'Enauacna 'enapega so José huaigui so lo'ochaxa da taỹa ye 'alhua Galilea.

Salmos 143:8

Ñaq aỹem 'auaỹaanaxanaxanec da 'arauotaxanaqtaic ye nte'eta, cha'aye nache 'am sacheto'ot da ipi'iỹaxac, ñaq aỹem 'auachaxanegue qome ca nqa'aic maye ishet da sateuga, cha'aye 'am sanot co'ollaxa da ñachaalataxac.

Salmos 119:125

Qaq cha'aye aỹem 'aramaxashec, ỹoqo'oye aỹem 'aỹa'anem qome ca ỹauattonaxanaxac, yaqto' sauattoote' naua 'aramaxasoxonaxaco.

Salmos 94:19

Qataq co'ollaq nquictauec da ỹaquicoxo, nache da 'ara'añaqtaxanaxac ỹo'ot da aỹem nlaqchigui da ñetonaxac.

Mateo 2:13

Qaq co'ollaq mashe je'c soua ỹaanaxanaxaiqa, nache so lamaxashec Ñim Lo'onatac 'Enauacna nachaxana so José huaigui so lo'ochaxa. Nache 'enapega, 'eeta': –Qoñisheguem, nache 'eltaxan ye nogotolec, qataq añi late'e 'aigue da Egipto. Nache qoueta'a qome yemaye, nato' qom 'am shenapega. Cha'aye ñi Herodes anac da nmitaique ye nogotolec da huotaique ỹalauat.

Jeremías 33:26

saishet da sasaỹamaxaren qome nam chegoxoguetpi so Jacob qataq so David maye ỹamaxashec, qataq saishet da saxaañi da sachegoxotaigui namayepi cam ilo'ogue nam chegoxoguetpi so Abraham, Isaac qataq so Jacob. Cha'aye Aỹem huo'o da ichoxonnataxanaxa namayepi, nache so'ot qome da dalaxaic ca na'achecỹaxac.»

Isaías 30:21

Qaq da huo'otaq qoquiigue nam pa'aỹa'ague da qo'oiqui, huo'otaq na qane'emaqai, nache qaua'aqaỹa qome ca na'aqtac chemaxague da qauachegoqoỹa'ague, 'eeta': «'Ena na nqa'aic nache qoquiitegue namaye.»

Proverbios 12:5

Na shiỹaxauapi no'on da lataxac lhuennataxat da ỹo'ot ca nalochiguiñi lataxac. Qaq na qauemaicpi qalaq lhuennataxat da natenataxanaxac.

1 Reyes 17:13

Nache so Elías 'enapeco': Saishet da 'añe'etac, 'aue qojec, nache 'auo'ot da qonetega. Qalaxaye que'ecatai' no'onañi 'ayiiñolec, 'aua'auaxaañi qome da 'auo'ot aca saq 'amaqtaq nauole nlarañi, nache aỹem 'andouga. Qaq da ime, nache 'auo'ot aca lỹa, yaqto' qollec 'am, qataq ca 'aỹa'alec.

Jeremías 40:9

Nache so Gedalías ỹanem somayepi da la'aqtac, 'eeta': «Saishet qome da qayi'iitac da qanañañiỹot na caldeopi. Nache qoñiỹaña qome ne'ena 'alhua, qataq qanañañiỹot qome ñi nta'a ye Babilonia, yaqto' sana'aigue da qanachaalataxaqui.

Jeremías 31:22

¿Chaq laỹo' da 'aỹa'axaañi da 'ateguelo da qoneta'am aca ñale maye isomtapigui'? Aỹem Nataxala' huo'o da dalaxaic so'ot ana'ana 'alhua, aca 'alo maiche nmitaique qome ca ỹale.

Isaías 51:7

«Ñaq Aỹem qana'axaỹaxañiỹa qami' maye qauaỹachiñi da no'on lataxac, qami' nhuo' le'ecpi maye ỹataqta qauacheetaigui da qarquiyaqteỹaxaqui naua iqataxaco. Saishet qome da qayi'iitega da larenaxanaxac nam ỹalleppi, qataq da qaica ca qara'añaxaqui naqa'en nam lsheunaxanaxacpi namayepi,

Números 12:6

nache Ñim Nataxala', 'eeta': «Ña qana'axaỹaxañiỹa da ỹa'aqtac: Da huo'o naxa na ỹa'aqtaxanaxanec da qoñiita, nache Aỹem setaxaỹapegue', huaigui ñaqa'en da lauanaqchec, qataq lchoxonaxac,

Génesis 46:3

Nache Ñim Lo'onatac 'Enauacna 'enapeco': «Aỹem Nachaỹem Ỹo'onatac 'Enauacna maye Natamnaxala' so 'arta'a. Saishet qome da 'añi'i da 'anqo'ona ye Egipto, cha'aye huaña qome yemaye, nache so'ot da ca 'am chegoxoguetpi ỹataqta qalota qome.

Isaías 7:2

Qaq huaña co'ollaxa nache so nta'a Ajaz, qataq so llalaqpi huo'o da la'axaỹaxac maye 'eeta': «Ye siiriopi huaxaiguet na lma' ye Efraín.» Nache so nta'a, qataq so shiỹaxauapi ỹataqta cholaxan souaxat da lli'iỹaxa, 'eeta'am aca qo'oipaq da cholaxan da huo'o na la'at.

Isaías 7:13

Qaq huaña nache so Isaías, 'enapec: «Aỹem qana'axaỹaxañiỹa nagui, qami' llalaqpi so David! ¿Peta'a qaupi'itaxañiitega da saq 'amaqtaq da sa qaualemaxache na shiỹaxauapi, ye nataqa'en huotaique da sa qaualemaxache Ñim Ñatamnaxala'?

1 Reyes 3:5

Qaq huo'o so pe, co'ollaq huaña ye Gabaón, nache Ñim Nataxala' nachaxana so Salomón, huaigui so lchoxonaxac, nache 'eeta': «Ñaq aỹem 'auỹaxanot nagui, qaq Aỹem, 'am sanem qome cam 'auỹaxanaique.»

Mateo 2:12

Qaq co'ollaq ime', nache Ñim Lo'onatac 'Enauacna, ỹauo'o so lqataxac ỹachaigui da lo'ochaxa soua ỹaanaxanaxaiqa da 'eetegalo da saishet da ỹe'eguelaqtreuga ye netaña so nta'a Herodes. Nache soomaye tatreuga ca lỹa nqa'aic co'ollaq ỹe'eguelaxaregue ca lma't.

Mateo 27:19

Qaq so Pilato co'ollaq ñaq nmittac de'era, nache aso lhua namaxai' da la'aqtac, 'eeta': «Saishet qome da 'aỹapegueua'a que'eca ỹale maye no'on da lataxac, cha'aye so pe ỹataqta qaica ca 'ena'am da lchec so ichoxonaxac, souaxat camaye.»

Hechos 5:19

Qalaxaye so lamaxashec Ñim Qarataxala' ỹauatoiguilo soua laso'omi aso ncoñetaxanaxaqui se'eso pe, nache nqatre'c soomaye. Nache 'enapegalo', 'eeta':

Apocalipsis 19:7

Qaq ỹoqo'oye ỹataqta samaqtapiguiñi qome, qataq qomi' nlaqchiguilo da qantonaxac, qataq sho'oxorenaq Ñimaye, cha'aye mashe ivita ye laloqo' da huaron Ñi Qagueta Llalec. Añi lhua mashe sogote da naỹamaxattai', maye nachena nam 'amqaanataxanaxaicpi;