Mateo 1:19 - La'aqtaqa Ñim Lo'onatac 'Enauacna 2013

¹⁹ Qaq so José maye huotaique da lhua asomaye, somaye ỹataqta no'on da lataxac, nache saishet da ỹa'axatec da huaigui aso María. Nachaqrata da huotaique da saishet da ỹaỹaana'a't naqa'en na shiỹaxauapi da ỹalat asomaye.

Nuevo Testamento Toba Sur

¹⁹ Qaq so José mayi lhua, somayi ÿataqta no'on da lataxac. Nachi somayi sa ishit da huo'otaq i'axateec da huaigui aso María. Chaqdata da huotaique da sa ishit da ÿaÿajna'a't naq'en na shiÿaxauapi da ÿalat asomayi.

Nuevo Testamento Toba Sombrero Negro

¹⁹ José jo'ne jetaque loua, jiyaĝaua jo'ne yataqatelegue qama'le ja jetaque dachinataĝalegue da'me yaĝañi jañe'me María, jetaque ja qoyayaten da'me ca'e.

Mateo 1:19 Referans Kwoze

Lucas 2:25

Qaq se'eso na'a'q hueta'a ye nỹecpi le'enaxat Jerusalén so ỹale le'enaxat Simeón. Somaye ỹataqta no'on da lataxac qataq ỹalaxaguet Ñim Lo'onatac 'Enauacna. Somaye iuattaique da Ñim Lo'onatac 'Enauacna nca'alaxatec na Israel le'ecpi. Qaq So Saqcha'a Na'añaxac Qui'itta, nache hueta'aguet somaye.

Marcos 6:20

Qaq so Herodes ỹataqta ñi'iỹa so Juan, ỹoqo'oye npaxattalec, cha'aye ỹaỹaten da so Juan ỹataqta no'on da lataxac, qataq qui'itta. Na'aictaxa so Herodes da saishet da ỹaỹaten ca 'eetec naxa da na'axaỹaxaatega da detaqtac somaye, qalaxaye saishet da saq na'axaỹaxana.

Levítico 20:10

Qaq ca shiỹaxaua da lauañi' aca lhua ca lỹa, nache que'eca ỹale qataq aca 'alo qaỹalaua't.

Génesis 38:24

Qaq co'ollaq mashe inoxoorec soua tres ca'agoxoiqa, nache qaỹauo'o da la'axaỹaxac so Judá, maye 'eeta': «Añi Tamar maye 'arate, yo'oqta da lauatapiguiñi' ca lỹa ỹale, ỹoqo'oye añimaye hualaxai.» Nache so Judá, 'enapeco': «¡Qanqacheeuec qome acamaye! ¡Ime, nache qauavigaxache!»

Marcos 10:4

Nache somayepi 'enapeco': –Qomye so Moisés ỹasheetem ca ỹale da ỹalat aca lhua, qalaxaye ỹauo'o aca lmalate da ỹalat acamaye.

Levítico 19:20

Qaq ca ỹale da lauañi' aca nlata maye mashe nqataxanata da lhua ca lỹa ỹale, qalaxaye ñaq saxanaxa da qaisheenaxana da yaqto' huesoueeguesop da nlataguec, nache iuen da isheeten ca ỹale maye huotaique da lhua acamaye. Qalaxaye saishet da qaỹalaua't caamaye, cha'aye aca'aca 'alo saxanaxa da huesoueeguesop da nlataguec.

Génesis 6:9

Qaq 'era da na'aqtaguec so Noé. So Noé ỹataqta no'on da lataxac, qataq ỹataqta ỹalaxaleguet Ñim Lo'onatac 'Enauacna. Co'ollaq ỹalectaigui so shiỹaxauapi, qaq nachesota somaye da ỹo'ottac nam 'eetapeguec Ñim Lo'onatac 'Enauacna.

Hechos 10:22

Nache soomaye 'ena'apo': –Qomi' lamaxa'she ñi huataxanaq lta'a, le'enaxat Cornelio. Ñimaye no'on da lataxac qataq ỹataqta ỹalaxaguet Ñim Lo'onatac 'Enauacna. Ỹoqo'oye 'enauac na judiopi ỹataqta huo'o naq 'enec naqa'en qataq lauotaxat. Qaq huo'o so chegaqasheguem lamaxashec Ñim Lo'onatac 'Enauacna 'enapega da 'am namaxasoxona, da yaqto' 'anqo'ona ye lma', nache ñimaye ishet da na'axaỹaxana cam 'ara'aqtaxanaxac.

Deuteronómio 22:20

Qalaxaye da 'eesa da mashe nache 'eetai' da ỹauana na ỹale aca'aca qa'añole,

Hechos 27:39

Qaq can mashe yo'oxoñi, nache som lo'opi aso notaxaqui ỹataqta nhuala'a so 'alhua. Qalaxaye qailota'ata so ltogaxasom. Nache qaỹauotaique da huo'otaq ishet da iviraua'a qanqa'en aso notaxaqui.

2 Corintios 1:15

Da hua'auchiguiñi sheetapeguec, sauotaique da sa'auaxaañi da qami' ñeqo'onalo, yaqto' qauamaichiguiñi da dos da she'eguelaxalec da qami' ñamaqtegalo.