Mateo 1:18 - La'aqtaqa Ñim Lo'onatac 'Enauacna 2013

¹⁸ Da lañoxoc So Jesús 'eeta': Aso late'e María co'ollaq mashe detaxaỹapegue' so José da huotaique da lhua. Qaq co'ollaq saxanaxa da huarona't, nache asomaye mashe hualaxai, chegoqchigui da la'añaxac So Saqcha'a Na'añaxac Qui'itta.

Nuevo Testamento Toba Sur

¹⁸ Da 'eetec da lañoxoc so Jesucristo 'eeta': Aso late'e María co'ollaq mashi detaxaÿapegue' so José da huotaique da lhua. Qaq co'ollaq saxanaxa da huadona't, nachi asomayi mashi hualaxai, chigoqchigui da l'añaxac so Espíritu Santo.

Nuevo Testamento Toba Sombrero Negro

¹⁸ Joda'me lañoĝoqui ñe'me Jesucristo eet'oi: José joote 'naĝateguet ca'li qaedi 'uoneguet María, mach'e lat'e ñe'me Jesucristo, qalaĝaja ca'li maliaĝa ja ue'tajop, qama'te yauana queda'me qo'uaĝai jaga'me, qa'a chiyaqayi da'me 'lañaĝac joñe'me Dios Lepaqal 'me ja 'nalegue.

Mateo 1:18 Referans Kwoze

Da na'aqtaguec so Job 14:4

Cha'aye, ¿negue't ca ishet da nqatec ca qui'itta, da ỹachegoxotaigui ca nshepaxan? ¡Qomye, qaica!

Hebreos 10:5

Qaq ỹoqo'oye So Cristo, co'ollaq naỹa ana 'alhua, nache 'eetega Ñim Lo'onatac 'Enauacna, 'eeta': «'Am sa 'auỹaxanaique aca nachetaqtaxanaqte, maye qaỹavigaxatta da yaqto' nmeneguet da 'auapalaxat na nasouaxashetpi; ỹoqo'oye Aỹem 'aỹa'anem da no'ocỹaxac.

Génesis 3:15

Qaq Aỹem, so'ot da 'am, qataq ara 'alo qami' npa'aguenaxau', nache 'ena'am qome ca 'aỹa'alaqpi, qataq ca llalaqpi aramaye. Ca llalaqpi aramaye pigui qome na 'arqaic, qaq 'am 'anaigui qome ana lla'axa.»

Hebreos 7:26

Qaq ỹoqo'oye So Jesús nacheso so 'oonolec da Lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna maye seuenaqtac. Cha'aye Somaye ỹataqta qui'itta, saishet da qauem da lataxac, qataq sa nauane' da huo'o ca lasouaxashet. Qaq Ñim Lo'onatac 'Enauacna nqateeguesop co'ollaxa na 'etaxaloxoicpi, nache tasheguema naqa'en ca hueta'a Ñimaye, nache ỹami' da ỹataqta ỹo'oxoraq, napacalec na laỹepi.

Da na'aqtaguec so Job 15:14

Qaica ca naigui ca shiỹaxaua maye chegaqaigui aca 'alo da 'eetega qui'itta da lataxac, qataq da 'eetega qaica ca lasouaxashet.

Lucas 1:25

«¡Ñim Lo'onatac 'Enauacna aỹem ỹo'otec de'era, yaqto' na shiỹaxauapi saishet da saqca ca naigui naqa'en aỹem!»

Mateo 1:1

So Jesús chegoxoguet so David qataq so Abraham. Qaq 'ana ana lmalate 'enauac som lauo' le'ecpi maye hua'auñipi, co'ollaq saxanaxa da nvi' Somaye:

Deuteronómio 22:23

Qaq da huo'o aca qa'añole ñaq saxanaxa da ỹauana na ỹale, qataq mashe huo'o ca ỹasateguet ỹale da yaqto' lhua, qaq da nateeteguet ca lỹa ỹale nache lauañi',

Mateo 2:11

Qaq co'ollaq inoxooroigui so nỹec, nache ilora'a so nogotolec qataq aso late'e María. Ime, nache ỹa'alyiñi naua l-llectel, nache ỹo'oxoreetrac. Ime, nache ỹauanguilo soua lachoxonaxaqui', nache ỹachete'c na chegaqaigui na oro, qataq na nchenaxanaxat maye ama na laita, qataq na lcha'q ana qo'oipaq le'enaxat mirra.

Mateo 12:46

Qaq So Jesús ñaq na'aqtaxaatague' se'eso shiỹaxauapi co'ollaq nvireua'a ca hueta'a Somaye aso late'e qataq soua lqaỹa't, qaq soomaye pa'atraue'c, qaq huotraique da detaxairapegue' Somaye.

Lucas 2:5

Nnaictague' aso lhua María, qaq asomaye hualaxai.