Mateo 1:12 - La'aqtaqa Ñim Lo'onatac 'Enauacna 2013

¹² Qaq chegoqchiguiña co'ollaq so judiopi da qaỹaueegue da Babilonia, choche ivitta'a co'ollaq ñiguiñi So Jesús, qaq 'ena nam le'enaxatpi so chegoxoguet Somaye: Joaquín, Salatiel, Zorobabel,

Nuevo Testamento Toba Sur

¹² Qaq co'ollaq ime de'eda, nachi so Jeconías nachi llalec so Salatiel som lta'a so Zorobabel.

Nuevo Testamento Toba Sombrero Negro

¹² Ca'li yoĝo'yi da'me qoyen nelataqa, Jeconías 'uo ga'me c'oĝot lenaĝat Salatiel, qama'le Salatiel mach'e c'oĝot di'me Zorobabel.

Mateo 1:12 Referans Kwoze

1 Crónicas 3:17

Qaq so Jeconías, som qaỹo'orauec co'ollaxa, soua llalqa le'enaxa't Salatiel,

Esdras 3:2

Nache so Josué, maye llalec so Josadac qataq so lauo' le'ecpi, maye nataqa'en ntaxaỹaxanaxanecpi, qataq so Zorobabel maye llalec so Salatiel qataq so lauo' le'ecpi, somayepi ỹacoolec da no'oxoosheguem aso nca'atoxonaxalate maye lalamaqte Ñim Natamnaxala' so Israel le'ecpi, da yaqto' qoỹaneuo aso nachetaqtaxanaqte maye qaỹavigaxatta, da yaqto' qaipacchigui da 'enapec aso nere maye nanettalec na lqataxacpi so Moisés, som nale Ñim Lo'onatac 'Enauacna.

Lucas 3:27

qaq somaye, nache lta'a so Joana, qaq so Joana, nache lta'a so Resa, qaq so Resa, nache lta'a so Zorobabel, qaq so Zorobabel, nache lta'a so Salatiel som llalec so Nerí,

Hageo 1:14

Qaq 'era da 'eetec Ñim Nataxala' da ỹa'añaqchet so Zorobabel, maye nta'a ye Judá, qataq so Josué maye lataxala' so ntaxaỹaxanaxanecpi, qataq 'enauac so laỹepi nhuo' le'ecpi. Nache somayepi jec da do'onataxan da ỹo'ot so lma' Ñim Nataxala' maye Qaica ca Ỹaqalanapec,

Hageo 2:23

Qaq que'eca na'a'q 'am Zorobabel, maye 'am ỹamaxashec, ỹataqta 'am ñetela'a qome, 'am 'eeta'am ñaqa'en añi ñechiguishaqte maye ỹa'anaxanaqte, cha'aye 'am lleca'aguishec co'ollaxa. Qaq 'era da ỹa'aqtac Aỹem Nataxala' maye Qaica ca Seqalanapec.»

Hageo 2:2

nache 'enapega da da'aqtaxanem so Zorobabel, qataq so Josué qataq som laỹepi nhuo' le'ecpi:

Hageo 1:12

Nache so Zorobabel maye llalec so Salatiel, qataq so Josué maye llalec so Josadac, som lataxala' so ntaxaỹaxanaxanecpi, qataq 'enauac so nhuo' le'ecpi, ỹataqta huo'o da lcolanaxa co'ollaq hua'axaỹa da la'aqtac Ñim Nataxala' maye ỹa'axat so na'aqtaxanaxanec Hageo, qaq 'era da la'aqtac, Ñim Lo'onatac 'Enauacna maye Nataxala', da ỹamaxalec somaye da ỹa'axat.

Hageo 1:1

Qaq co'ollaq mashe dos vi'iye da lo'onataxanaxac da nta'a so Darío, nache so la'auaxanec na'a'q so ca'agoxoic seis, nache Ñim Nataxala' ỹachegoxotchigui so na'aqtaxanaxanec Hageo, da ỹamaxa so la'aqtac so nta'a ye Judá maye le'enaxat Zorobabel som llalec so Salatiel, qataq so Josué som llalec so Josadac maye lataxala' so ntaxaỹaxanaxanecpi.

Jeremías 22:28

Ñim Jeconías, ¿peta'a 'eeta'am aca naco'oña poxoỹaxai maye qaica ca naigui, huo'otaq cam nogoxoshet maye qaica ca nqopittega? ¿Ta'ainco' da ñimaye qataq nam llalaqpi da qaỹo'ora'a ca 'alhua maye saqaỹauana?

Jeremías 22:24

Ñim Nataxala' 'enapega so Jeconías, som llalec so Joaquim, maye nta'a ye Judá 'eeta': «Aỹem san da ỹa'aqtac, da na'aictaxa da 'am qoneta'am aca chiguishaqte na'anaxanaqte, da netagui na aỹoic ihuaq, qalaxaye nache 'ena'am 'am ñeqat,

Nehemías 12:1

Qaq 'ena na le'enaxatpi so ntaxaỹaxanaxanecpi qataq so leviitapi maye ñe'eguelaq co'ollaxa chegaqa'a ye Babilonia, maye nnaictague' so Zorobabel, som llalec so Salatiel, qataq so Josué: So ntaxaỹaxanaxanecpi: Seraías, Jeremías, Esdras,

Esdras 5:2

Huaña nache so Zorobabel, maye llalec so Salatiel, qataq so Josué, maye llalec so Josadac, soomaye ỹacoorelec da ỹoltaq qano'oxoosheguem aso atamnaxaqui maye lalamaqte Ñim Lo'onatac 'Enauacna, maye naña ye Jerusalén, qaq se'esoua na'aqtaxanaxanaqa nache huetra'aguet somayepi qataq itauaatac.

2 Reyes 25:27

Qaq huetoigui co'ollaxa so na'a'q veintisiete soua doce ca'agoxoiqa soua treinta y siete vi'iye, da noxonec so Joaquín maye nta'a co'ollaxa ye Judá, nache so Evil Merodac, ỹacoolec da lo'onataxanaxac da nta'a ye Babilonia, qaq co'ollaq ivi' so 'oonolec vi'i da lo'onataxanaxac, nache isouec so Joaquín, nqateeguesop aso ncoñetaxanaxaqui.

2 Reyes 24:14

Ime nache imatta da ỹauec so shiỹaxauapi maye lma' ye Jerusalén, 'enauac so 'amaqtaqaicpi, qataq so ỹataqta 'añaxaicpi alleppi, qataq som sa nqalaate' da huo'o na ỹo'otpi, qataq so lcat lo'opi, nache ivi' diez mil so noxonecpi. Nache nda'a't som choxoraqpi da no'onalec se'eso 'alhua.

Jeremías 22:30

Ñim Nataxala', 'enapec: «Qa'eyeeua'a qome da le'enaxat ne'ena ỹale aca naneraxalate na shiỹaxauapi, da 'eeta'am ca ỹale maye qaica ca llalaqpi, 'eeta'am ca ỹale maye huo'o da lletaxanaxac da nachaalataxac. Cha'aye cam chegoxoguetpi qome namaye, saishet da huo'o ca nso'ongui añi nso'onaxaqui so David da yaqto' qaltaq ilo'ogue na Judá.»

Jeremías 27:20

nam saishet da ỹache co'ollaxa so Nabucodonosor maye nta'a ye Babilonia, co'ollaq ỹachegoxotchiguiña ye Jerusalén da ỹaueegue da Babilonia so Jeconías maye llalec so Joaquim maye nta'a ye Judá, lỹatec naqa'en so 'amaqtaqaicpi ye Judá qataq ye Jerusalén,

Mateo 1:11

Joaquín qataq soua lqaỹa't.

Mateo 1:13

Abiud, Eliaquín, Azor,

Mateo 1:17

Qaq da ima'a't se'eso nta'alpi, qaq ivi' catorce chegoqchiguiña so Abraham, choche ivitta'a so David. Qataq ivi' catorce so laỹepi nta'alpi chegoqchiguiña so David, choche ivitta'a so na'a'q co'ollaq qaỹauega ye Babilonia so Israel le'ecpi. Qataq ivi' catorce so laỹepi nta'alpi, choche ivitta'a so na'a'q co'ollaq ñiguiñi Som Lca'aguishec Ñim Lo'onatac 'Enauacna.