Marcos 4:3 - La'aqtaqa Ñim Lo'onatac 'Enauacna 2013

³ «Ỹataqta qana'axaỹaxañiichigui de'era: Huo'o so ỹale jec da ỹaañi aso lañiguishe ala.

Nuevo Testamento Toba Sur

³ –Ña qan'axaÿaxañiÿa da sa'axat, 'eeta': Huo'o so shiÿaxaua jec da danaxan.

Nuevo Testamento Toba Sombrero Negro

³ “Cha'li anaquiaĝañiya da'me dojo': 'uo ca'li ñe'me jiyaĝaua jo'ne ec qaedi danaĝan.

Marcos 4:3 Referans Kwoze

Santiago 2:5

Qami' ñauochaxau' ỹaqaỹa't, ỹataqta aỹem qana'axaỹaxañiỹa: Ñim Lo'onatac 'Enauacna lca'aguishec na shiỹaxauapi choxoraq maye huetalec ana 'alhua, yaqto' namayepi da naquitaxac Ñim Lo'onatac 'Enauacna, nachera da ỹoqta 'eesa lsallaxa. Nataqa'en lca'aguishec na choxoraqpi da yaqto' ỹaconeguet da lo'onataxanaxac Ñim Lo'onatac 'Enauacna maye ỹachaxanapeguem co'ollaxa nam ỹauotec Ñimaye.

Mateo 13:26

Qaq co'ollaq mashe ñaxat so trigo, qataq mashe huo'o ana ala, huaña, nache so 'onataxanaxaicpi noma da nataqa'en aso huoue maye le'enaxat cizaña da ñaxat.

Deuteronómio 4:1

Qaq nagui qami' shenapegalo qami' Israel le'ecpi, qana'axaỹaxañiỹalo qome naua qalapaxayiñi lataxaco, qataq naua namaxasoxonaxaco maye qami' sapaxagueneque, qataq ỹataqta qauo'oche' qome, yaqto' qarca'alliiuec, qataq qoñiỹalec ye 'alhua maye qami' ỹanema qome Ñim Nataxala' maye Natamnaxala' so hua'au qarta'ailpi.

Apocalipsis 2:29

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi.›»

Apocalipsis 2:11

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem nam lqalaiguesat, qataq nache queto'ot da lpi'iỹaxac Aỹem, nache Ñim Lo'onatac 'Enauacna saishet da ỹalat namayepi.›»

Apocalipsis 2:7

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem 'enauac nam lqalaiguesat qataq saishet da ỹaxanec da lpi'iỹaxac Aỹem, nache sami' da chec ana ala ara qo'oipaq maye chegaqaigui da nca'alaxa. Aram qo'oipaq maye nañaxattalec ye qaica ca 'ena'am da lyac lanaxanaqa' Ñim Lo'onatac 'Enauacna.›»

Hechos 2:14

Nache so Pedro nachaañi, nataqa'en soua lỹa't once namaxa'she, nache somaye ỹataqta na'axanneque naua la'aqtaqa co'ollaq detaqa, 'eeta': –Qami' Judea le'ecpi qataq 'enauac nam netaña na Jerusalén, ñeshetaique da qami' qauaỹaañi de'era. Qaq no'on da qana'axaỹaxañiichigui de'era ỹa'aqtac.

Marcos 4:23

¡Da ỹoqta 'eesa da huo'oi naua qartelai lauacolli', qaq no'on da ỹataqta qana'axaỹaxañiichiguiñi!»

Marcos 4:14

So danaxaatac naigui ca ỹa'axattac da no'on na'axaỹaxac.

Marcos 4:9

Ime, nache So Jesús 'eeta': «¡Da ỹoqta 'eesa da huo'oi naua qartelai lauacolli', qaq no'on da ỹataqta qana'axaỹaxañiichiguiñi!»

Mateo 13:24

So Jesús ỹauo'o da lỹa daloqnaxana, 'eeta': «Da lo'onataxanaxac Ñim Lo'onatac 'Enauacna 'eeta'am ca ỹale maye ỹaañi aca no'on lañiguishe maye ala na trigo da ỹaalec ca na'alhua.

Mateo 13:3

Nache So Jesús ỹataqta qalota na dapaxaguenataxanec, ỹauota'a na laloqnaxanaxatpi, nache ỹauo'o da daloqnaxana, 'eeta':

Isaías 46:12

Ñaq Aỹem qana'axaỹaxañiỹa qami' maye qaramchiguilo naua qarquiyaqchilli', qami' maye qoñeetega qaỹoqta ca laloqo' da qami' qaisorec.

Isaías 46:3

Ñaq aỹem qana'axaỹaxañiỹa qami' maye qauachegoqoiguet so Jacob, qataq 'enauac nam no'onañipi nam nhuo' Israel le'ecpi. Aỹem qami' sacheta'ape co'ollaq saxanaxa da qami' ñiguiyiñi, qami' ñachetrashegue'm co'ollaxa,

Eclesiastés 11:6

Qaq 'aỹa'aañi aca ala aca 'añiguishe ye nte'eta qataq ye avit, cha'aye sa 'auaỹate'n caamaye negue't acam ỹoqta no'on da lañaxataxac, huo'otaq aso hua'auchiguiñi, huo'otaq aca nca'ataxanauo, huo'otaq 'enauaque caamaye da no'on da lañaxataxa'c.

Proverbios 8:32

Qaq nagui, qami' ỹalaqpi, aỹem qana'axaỹaxañiỹa, qoquiitegue qome da ỹataxac yaqto' qauamaichiguiñi.

Proverbios 7:24

Qaq ỹoqo'oye 'am ỹalcolec, nagui aỹem 'ana'axaỹaxana, ỹataqta 'aloteleguete naua ỹa'aqtaqa.

Salmos 45:10

Ñaq aỹem 'ana'axaỹaxana 'am ỹalole, ñaq 'ana'axaỹaxaachigui da shenapec: Ñaq 'aucoua'aisalo qome caua 'arta'al qataq ca 'arhuo' le'ecpi,

Salmos 34:11

Ña qauanaqui qami' ỹalaqpi, ñaq aỹem qana'axaỹaxañiỹa, nache qami' sapaxagueneque da huo'o naq 'enec qanqa'eñi Ñim Nataxala'.

Marcos 4:2

Nache So Jesús ỹataqta qalota na dapaxaguenataxanec, ỹauota'a na laloqnaxanaxatpi. Qaq Somaye 'era da daloqnaxana 'eeta':

Marcos 4:4

Qaq co'ollaq ñaq danaxaatac, nache huo'o aso lañiguishe ala tatelec so nqa'aic. Qaq co'ollaq qaỹata'ague, nache anac na qoỹopi, nache chec.