Marcos 3:3 - La'aqtaqa Ñim Lo'onatac 'Enauacna 2013

³ Nache So Jesús 'enapego' so sano'on, 'eeta': «Ña qoñisheguem, 'anachaangui na laiñi na shiỹaxauapi.»

Nuevo Testamento Toba Sur

³ Nachi so Jesús 'enapego' se'eso shiÿaxaua mayi daqaqta na lhuaq, 'eeta': –Ña qoñishiguem, 'anachajñigui na laiñi.

Nuevo Testamento Toba Sombrero Negro

³ Chane'eja ñe'me Jesús dojapegue' ñe'me jiyaĝaua jo'ne ja yaqanatet ta'le daconaĝana ga'me louaq, enaac: —¡Oñijeguem, anechachi'ña na'me nojo' laeñi!

Marcos 3:3 Referans Kwoze

1 Pedro 4:1

Iuen da qami' lhuotte' da qanqui'ichiñi, qoñiita'am da 'eetec So Cristo da huo'o da nque'eenaxac co'ollaq hueta'a ana 'alhua. Cha'aye da qami' qanqui'ichiñi da qoñiita'am Somaye, nache saishet da qoquiito'ot da qauo'ocheetac na qarasouaxashechi.

Filipenses 1:14

Qaq co'ollaq qaỹaỹaten da aỹem qaicoñettai', nache qalota na qarqaỹañicpi da na'añaxat da ỹa'axat da la'aqtac Ñim Lo'onatac 'Enauacna, qataq saishet da huo'o ca ñe'etaique, nacherata da ỹauo'o da naquitaxac So Qarataxala'.

Gálatas 6:9

Qaq ỹoqo'oye saishet qome da ñasamaqtapiguiñi da so'otaqtac ca ỹaỹamaqchiguiñi. Cha'aye da so'otaqtac damaye, nache huo'o ca qaraueguec maye qomi' ỹanema Ñim Lo'onatac 'Enauacna qom ivita ca laloqnec.

1 Corintios 15:58

Qaq ỹoqo'oye qami' ñauochaxauapi ỹaqaỹañicpi, saqco' qome ca qanamachiỹaique, qoquiito'ot da qauo'ocheetac da lo'onataxanaxac So Qarataxala'. Cha'aye qami' qauaỹaañita da qaro'onataxanaxaqui da qauo'onataxañiitacot Somaye ỹataqta huo'o da nsheetenaguec.

Juan 9:4

Cha'aye nagui da ñaq qami' soota'agueta, nache iuen da so'otaq da lo'onataxanaxac maye Aỹem ỹamaxalec Ñim Lo'onatac 'Enauacna maye Ita'a; qalaxaye anata ca na'a'q maye qaica ca ishet da do'onataxan.

Lucas 6:8

Qalaxaye So Jesús ỹaỹaten da lhuennataxac somayepi; nache 'enapego' som ỹale maye deqaqta na lhuaq, 'eeta': «Qoñisheguem qome. Ime, qaq 'anachaangui na laiñi.» Nache so ỹale nachaañi tangui na laiñi so shiỹaxauapi.

Daniel 6:10

Qaq so Daniel co'ollaq la'axaỹaxac da qananerelec se'eso qalapaxañi nqataxac, nache taỹa so lma', nache ỹauatoiguilo naua nalloxoqui' so lo'ochaxaqui maye datategue dam pa'aigue ye Jerusalén, nache ỹa'alyiñi naua l-llectel da natamen, qataq ỹo'oxoren Ñim Lo'onatac 'Enauacna. Qaq damaye tres naxa da ỹo'ot ye 'oonolec na'a'q, ipacchigui dam 'eeta'ac naxa da ỹo'ottac.

Isaías 42:4

Camaye saishet qome da nmatec qataq saishet da nasamñi, choche ivitta'a da na'arelec naqa'en ana 'alhua da nalochiguiñi lataxac. Nam netalec na ỹaqauga 'alhuapiolec aso auaxai, qalaq ỹataqta na'axaỹaxana qome na lapaxaguenataxanaxacpi.»

Mateo 12:10

Qaq hueta'a asa'aso paxaguenaxaqui so ỹale maye daqaqta na lhuaq. Qaq nam fariseopi maye choche nmittaique ca lataxac da ỹachegoxotteua'a da huo'o ca lasouaxashet naqa'en So Jesús, nache inattac Somaye, 'eeta': –¿Peta'a na lamaxasoxonaxacpi so Moisés maye qolaqtalec ỹasheeta da qanataren ca dalolaxaic ye na'a'q mataxaqui?

Marcos 3:2

Qaq so chegaqaigui na fariseopi choche nauaatac So Jesús da huo'otaq nataren so ỹale se'eso na'a'q mataxaqui maye saishetapec namayepi, da yaqto' ishet da qaỹauo'o ca lasouaxashet Somaye.

Marcos 3:4

Ime, nache inat som hueta'a yi'iye, 'eeta': «¿Chaq negue't ca ỹaỹamaqchiguiñi da qaỹo'ot ye na'a'q mataxaqui maye saishetapec na judiopi: Ca qauem, huo'otaq ca no'on? ¿Qanca'alaxatec ca shiỹaxaua, qalqo' qaỹalauat?» Qalaxaye qaica ca ỹasateguet Somaye.