Marcos 1:27 - La'aqtaqa Ñim Lo'onatac 'Enauacna 2013

²⁷ Nache so shiỹaxauapi ỹataqta huo'o da la'aalaxa, nache nnattega't, 'eeta': «¿Negue't de'era? ¿Peta'a dalaxaic napaxaguenataxanaxac? ¿Negue't de'era na'añaxac maye hueto'ot de'era ỹale? Ye dam da' shiỹaxaua ỹataqta huo'o naq 'enec da damaxasoxon, ivira'a nam na'añaxacpi saqcha'a da 'enapega da jec, ¡nache namayepi ỹalaxaguet!»

Nuevo Testamento Toba Sur

²⁷ Nachi 'enauac na shiÿaxauapi ñi'i. Nachi maichi nnattega't, 'eeta': –¿Négue't de'eda? ¿Peta'a dalaxaic napaxaguenataxanaxac? ¡Yi dam da' shiÿaxaua ÿataqta huo'o naq 'enec da damaxasoxon, ivida'a nam n'ecpi ishit da ÿalaxaguet!

Nuevo Testamento Toba Sombrero Negro

²⁷ Ena'uaque ga'me jiyaĝadipi jalcote da'me t'oitedapega, nataq'aen nenatetapega't: —¿Jach'e ga'me eeta da'me dojo'? ¡Yataqachiñe dalaĝaic da'me dojo' lapaĝaguenataĝanaĝac! ¡Yataqachiñe 'uo da'me lañoqotaĝanaĝac qaedi yamaĝadegue jogaa'me payac lepaqa'li, qama'le yoqochideta joñe'me!

Marcos 1:27 Referans Kwoze

Lucas 9:1

Qaq huo'o so na'a'q, nache So Jesús ỹataxana't soua doce lapaxaguenataqa, nache ỹanema da la'añaxac soomaye da yaqto' natare'n na ỹotta'a't nalolaxapi qataq ỹanema da 'ene'c da ishet da ỹo'orauec nam ỹotta'a't saqcha'a na'añaxac leguemaxaicpi.

Marcos 7:37

cha'aye huo'o da la'aalaxa, nache 'eeta': «So Jesús ỹataqta 'enauac nam ỹo'ot ỹaỹamaqchiguiñi. ¡Cha'aye ivira'a da hua'aqa naqa'en na da'añaigui na lqaic, qataq na qaicaua naua la'aqtaqa qalaq detaqa naqa'en!»

Mateo 15:31

Ỹoqo'oye so shiỹaxauapi ỹataqta huo'o da la'aalaxa, souaxat da ỹauaachigui somayepi da 'enauac no'oita. Huaña, nache qaỹo'oxoreetac Ñim Lo'onatac 'Enauacna maye Lta'a nam Israel le'ecpi.

Mateo 9:33

Qaq So Jesús co'ollaq ỹo'orauec se'eso saqcha'a na'añaxac leguemaxaic, nache se'eso ỹale maye qaicaua naua la'aqtaqa ishet da detaqa. Nache so shiỹaxauapi ỹataqta huo'o da la'aalaxa. Nache 'eeta': «¡Ỹataqta sa ỹauanega da huo'o ca qaỹauaachigui da huangui na Israel le'ecpi da huo'otaq 'eeta'am de'era!»

Lucas 4:36

Nache 'enauac so shiỹaxauapi ỹataqta huo'o da lcolanaxa, nache detaqtega't, 'eeta': «¿Negue't de'era na'añaxac maye hueto'ot de'era ỹale? Ye dam da' ỹale ỹataqta huo'o naq 'enec, qataq huo'o da la'añaxa'c naua la'aqtaqa da ỹamaq so saqcha'a na'añaxac leguemaxaicpi, nache somayepi ỹalaq da jec.»

Marcos 10:32

Soua lapaxaguenataqa ỹataqta sa ỹaỹate'n ca 'eeteque co'ollaq ca'attraueegue So Jesús da taira'ague da Jerusalén. Qaq so laỹepi maye ca'attague' Somaye ỹataqta nlaqchigui da lcolanaxa. Nache So Jesús ñe'eguelqot, nache ndoqnaxaatre'c soua doce lapaxaguenataqa da da'aqtaxanema dam taỹa'a Somaye, 'eeta':

Marcos 10:24

De'era na'aqtac ỹataqta ỹe'elaqche't soua lapaxaguenataqa So Jesús. Qalaxaye Somaye qaltaq ỹe'eguelaxalec da la'aqtac, 'eeta': –Qami' ñauochaxau', ¡ỹataqta huo'o da lqalaic da qainoxoneua'a da lo'onataxanaxac Ñim Lo'onatac 'Enauacna!

Mateo 8:9

Cha'aye aỹem saỹaten da nalaxayec qataq da namaxasoxonaxac. Da huo'o ca shenapega 'oonolec na ñalleppi da nqo'ona ca lauanec, nache camaye jec. Qataq da shenapega ca lỹa da sheeta' 'auanac, nache camaye anac, qataq da samaq ca ỹamaxashec da huo'o ca ỹo'ot, nache camaye ỹalaq da huo'o ca ỹo'ot.

Marcos 1:26

Nache se'eso saqcha'a na'añaxac leguemaxaic ỹa'alaq, nache ca'ai se'eso ỹale qataq ỹo'otec da ỹataqta lta'araic lviloxolaxa na lo'oc somaye.

Marcos 1:28

Nache saqaỹaloq da qaỹaỹaana'a't da no'on na'aqtaguec So Jesús 'enauac yem 'alhua Galilea.

Marcos 16:5

Qaq co'ollaq inoxooroiguilo aso huachiqui, nache ilora'a so nsoq nso'ootañi, hueta'ague da aloic aso nhuachiqui So Jesús, logoraiqa soua alogo qataq lapagaxaiqa. Nache soomaye ỹataqta ñi'i',

Marcos 16:6

qalaxaye so nsoq 'enapegalo' soomaye, 'eeta': «Saishet da qayi'i. Qami' qanmichiitaique So Jesús som ỹale maye Nazaret le'ec, som ileu qaiuaxaata'aguet so npe'enaxala' soua na'axa'te lỹa't. Somaye saishet da hueta'a ne'ena. Somaye qaltaq nca'alec. Ñaq qaumichiñi yem qaỹachaña co'ollaxa so lo'ocỹaxac.

Hechos 17:19

Ime, nache so Pablo qaỹauega ca naponqa' le'enaxat Areópago, cam nache 'eetai' naxa da huaña da huo'o na qaitaxaỹapigui. Nache qainattac, qoỹeeta': –¿Peta'a ishet da qomi' huo'o ca saỹaanaq dam dalaxaic napaxaguenataxanaxac maye 'aua'axattac?