Marcos 1:2 - La'aqtaqa Ñim Lo'onatac 'Enauacna 2013

² 'Enauac ipacchigui dam maiche ỹa'axattac Ñim Lo'onatac 'Enauacna co'ollaxa, ỹachegoxotchigui so la'aqtaxanaxanec le'enaxat Isaías, 'eeta': «Aỹem samaq qome ca ỹa'aqtaxanaxanec da sa'auaxaata'ague da 'ata'ague da yaqto' ỹaỹamaxaañi 'enauac, da yaqto' lhuotta qom 'avi'.

Nuevo Testamento Toba Sur

² So l'aqtaxanaxanec ñi Dios, l'enaxat Isaías, ÿiyiñi co'ollaxa da 'eeta': Aÿim Dios samaq qome ca i'aqtaxanaxanec da sa'auaxangue da 'ata'ague, da yaqto' ÿaqataxanai' ca 'anqa'aic.

Nuevo Testamento Toba Sombrero Negro

² Di'me Isaías jo'ne Dios 'laqataĝanaĝanec yediñe joca'li da'me dojo' Dios 'laqataĝanaĝac jo'ne enaac: “Jamaq qomle na'me 'yaqataĝanaĝanec jo'ne auajoyalegue, qaedi yiyamaĝatetac na'me adadic.”

Marcos 1:2 Referans Kwoze

Malaquías 3:1

Ñim Nataxala' maye Qaica ca Ỹaqalanapec 'enapec: «Mashe huotaique da ñamaq ñim ỹa'aqtaxanaxanec, da yaqto' iqataxanai' cam ñaqa'aic. Ñim Nataxala' maye qanmicheetaique, mashe saqaỹaloq da naỹa añim atamnaxaqui maye lalamaqte. ¡Mashe anacta nam na'aqtaxanaxanec maye ndoi' na aỹamaxataxac maye qanqopicheetaique!»

Lucas 1:76

Qaq 'am ỹalcolec, 'am qoỹanagui qome da 'am: ‹La'aqtaxanaxanec Ñim Lo'onatac 'Enauacna maye 'amaqtaqaic.› 'Am 'aua'auta'ague qome da tata'ague cam Lca'aguishec Ñim Lo'onatac 'Enauacna, da 'auqataxanai' na shiỹaxauapi yaqto' lhuotta qom nvi' camaye.

Mateo 11:10

qaq so Juan nacheso som ỹa'axa't co'ollaxa naua ñiyigui'she la'aqtaqa Ñim Lo'onatac 'Enauacna, maye 'eeta': «Aỹem samaq qome ca ỹa'aqtaxanaxanec da sa'auaxanegue dam 'ata'ague, da yaqto' ỹaỹamaxaañi 'enauac, yaqto' lhuotta qom 'avi'.»

Lucas 1:70

Qaq damaye nale'ena da ỹachaxanapec co'ollaxa soua qaỹoqteguelo vi'iye, ỹachegoxotchigui som la'aqtaxanaxanecpi maye ỹataqta qui'itta:

Mateo 26:31

Qaq co'ollaq ivildesheguemec aso qaỹoqotcheguemec 'alhua maye nanqa' ana Olivo, nache So Jesús 'enapegalo soua lapaxaguenataqa, 'eeta': –Ne'ena pe qami' deqat da qarpi'iỹaxaqui Aỹem. Cha'aye ana nere maye huetalec na la'aqtacpi Ñim Lo'onatac 'Enauacna, 'eeta': «Salauat qome ñim ilotague' ana qagueta nache ana qaguetapi qome nlagaxattac.»

Salmos 40:7

Qaq ỹoqo'oye aỹem shenapec: «Aỹem nagui soota'a ne'ena, cha'aye nache 'enapec ana nere maye ỹa'axa't da sheeta.

Lucas 18:31

Nache So Jesús iỹaxanalo soua doce lapaxaguenataqa da iỹotaugalo, nache 'enapegalo, 'eeta': –Nagui qomi' saxague da Jerusalén, nache huaña qome yemaye da ipacchigui 'enauac dam na'aqtaguec na Shiỹaxaua Llalec, maye ỹiyiñi co'ollaxa som la'aqtaxanaxanecpi Ñim Lo'onatac 'Enauacna.

Mateo 26:24

Ana nere maye huetalec na la'aqtacpi Ñim Lo'onatac 'Enauacna ỹataqta ỹataqtegue da la'aqtaxanaxac da ỹa'axattac Aỹem maye Aỹem Shiỹaxaua Llalec da iuen da seleu. Qalaxaye ỹataqta qauem da talec qome ñim Aỹem ỹaneuo. ¡Ỹataqta 'onaxaictoxo' co'ollaxa da saishet da nañiguiñi ñimaye!

Mateo 2:5

Nache somayepi 'eeta': –Qomye huaña ye nỹecpiolec le'enaxat Belén yem nataqa'en netaigui na 'alhua Judea, cha'aye nacheye ye ỹiyiñi so la'aqtaxanaxanec Ñim Lo'onatac 'Enauacna co'ollaq 'eeta':