Lucas 9:61 - La'aqtaqa Ñim Lo'onatac 'Enauacna 2013

⁶¹ Ime, nache qaltaq anac so lỹa shiỹaxaua, nache 'eetega So Jesús 'eeta': –'Am Ỹataxala', ñeshetaique da 'am seca'ategue, qalaxaye no'on da aỹem 'aua'axaỹa'a da sa'auaxaañi da ñecoyeguene' na ỹalaqpi.

Nuevo Testamento Toba Sur

⁶¹ Qataq anac so lÿa, qataq 'eeta': –'Am ÿataxala', ñishitaique da 'am seca'ategue, qalaxayi no'on da aÿim 'au'axaÿa'a da sa'auaxaañi da ñicoyiguene' na hueta'a yi ima'.

Nuevo Testamento Toba Sombrero Negro

⁶¹ Jiyaĝaua laqaya enaac: —Jaliaĝanec, jetaque am jequegue, qalaĝaja cha'li 'uaeñe jayem auaje'tem da'me ñechoĝotalo gaa'me yaqaya'olqa jo'ne neteda'ña di'me 'yachaqa'.

Lucas 9:61 Referans Kwoze

Lucas 14:26

–Saishet da ỹapaxaguenatac ca Aỹem naua'a, da huo'otaq ỹapagaqnauec da ỹauotec ca lta'a, huo'otaq aca late'e, lhua, qataq ca llalaqpi, lqaỹañecpi ỹalleppi qataq 'alpi. Nachaqcata ca ỹactec da Aỹem ỹauotec, saq 'ena'am da maiche nachaalataxac, qaq nacheca ca ỹapaxaguenatac.

1 Reyes 19:20

Huaña, nache so Eliseo ỹaxanec so lauegaxanaxala'pi, nache nqalgoqta da icaalec so Elías, nache 'enapega, 'eeta': Ñaq aỹem 'auasheetem taxa da ñapigoxoi' ca ita'a qataq aca ỹate'e da secoyegue'n, ime, nache 'am seca'ategue. Nache so Elías 'enapeco': 'Aue qojec, qalaxaye 'auennata'a qome da 'am so'otec.

Deuteronómio 33:9

som 'eetega so lta'a qataq aso late'e, 'eeta': ‹Sa ỹauana da qami' selota'alo›, qataq co'ollaq ila'alo soua lqaỹa't qalaq, 'eeta': ‹Qami' sa sauatto'n› nataqa'en co'ollaq ila'alo soua llalqa nache, 'eeta': ‹Saishet da qami' sauatto'n.› Qalaxaye ỹataqta ỹalaxaguet da 'ara'aqtac qataq ipactelec da ỹo'ot da 'anaỹamaxataxac.

Eclesiastés 9:10

Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

2 Corintios 2:13

Qalaxaye da iquiyaqteỹaxac saq maguiñi souaxat da sa ñauane' so qarqaỹa Tito. Ỹoqo'oye, nache ñecoyeguene' so 'amqaanataxanaxaicpi maye hueta'a ye nỹecpi ye Troas, ime, nache saỹa ye 'alhua Macedonia.