Lucas 9:59 - La'aqtaqa Ñim Lo'onatac 'Enauacna 2013

⁵⁹ Ime, nache So Jesús 'enapega so lỹa, 'eeta': –Aỹem 'auca'ategue. Qalaxaye somaye 'enapeco': –'Am Ỹataxala', aỹem 'aua'axaỹa'a, ña sa'auaxaañi da selayiñi ye ita'a.

Nuevo Testamento Toba Sur

⁵⁹ So Jesús qataq 'enapega so lÿa, 'eeta': –Aÿim 'auca'ategue. Qalaxayi somayi 'enapeco': –'Am ÿataxala', aÿim 'au'axaÿa'a ña sa'auaxaañi da selayiñi yi ita'a.

Nuevo Testamento Toba Sombrero Negro

⁵⁹ Jesús dojapegue' ga'me laqaya: —¡Jayem oquegue! Qalaĝaja joñe'me 'yateguet: —Jaliaĝanec, cha'li 'uaeñe jayem auaje'tem ta'le jijeñi di'me taĝadena'.

Lucas 9:59 Referans Kwoze

Mateo 16:24

Nache So Jesús 'enapegalo soua lapaxaguenataqa, 'eeta': «Da qami' qansheetaique da qami' ỹapaxaguenataqa, nache iuen da qaucoviỹa'ai da qauo'oche ca maiche qoñiitapeguec. Nachaqrata da iuen da qami' lhuotte', na'aictaxa da qami' qaỹalaua't. Qataq qaualaqaiguet ca ỹa'aqtac.

Mateo 6:33

Qaq ỹoqo'oye ỹactec da 'onaxaic da qauauattoñiita Ñim Lo'onatac 'Enauacna da nachaqñita ỹactec da la'amaqchec da Nta'a, qataq da qauo'oche dam 'eetapeguec Ñimaye. Nache 'enauac na laỹepi maye qaviñiitaique qami' ỹanema Ñimaye da ivita ca laloqo'.

1 Reyes 19:20

Huaña, nache so Eliseo ỹaxanec so lauegaxanaxala'pi, nache nqalgoqta da icaalec so Elías, nache 'enapega, 'eeta': Ñaq aỹem 'auasheetem taxa da ñapigoxoi' ca ita'a qataq aca ỹate'e da secoyegue'n, ime, nache 'am seca'ategue. Nache so Elías 'enapeco': 'Aue qojec, qalaxaye 'auennata'a qome da 'am so'otec.

Hageo 1:2

«Qaq 'era da la'aqtac Ñim Nataxala' maye Qaica ca Ỹaqalanapec, maye ỹachegoxotchigui so na'aqtaxanaxanec, 'eeta': ‹Ne'ena nhuo' le'ecpi 'eetega saxanaxa da ivita ca laloqo' da qaltaq qano'oxoosheguem añi ỹalamaqte atamnaxaqui.›»

Mateo 9:9

Qaq So Jesús co'ollaq ca'ai yi'iye, nache ila'a so ỹale le'enaxat Mateo. Somaye nso'ootañi, netaigui aso lo'onataxanaxaqui da ỹacootapeeguet ana nsheetenaqte ca nta'a maye netaña ye Roma. Nache So Jesús 'enapega somaye, 'eeta': «Aỹem 'auca'ategue.» Nache so Mateo ñesheguem, nache ca'ategue So Jesús.

Lucas 9:60

Qalaxaye So Jesús 'enapega 'eeta': –Ỹactec da ỹaỹamaqchiguiñi da 'am qojec nagui da 'aua'axatec da no'on na'axaỹaxac da lo'onataxanaxac Ñim Lo'onatac 'Enauacna. ¡Ñaq 'aua'axaỹa'a na leuaxaicpi da maiche ilayiñi na lqatacpi!