Lucas 9:55 - La'aqtaqa Ñim Lo'onatac 'Enauacna 2013

⁵⁵ Qalaxaye So Jesús ỹamataiguilo soomaye, nache nlaxalo. [Nache 'eeta': Qami' sa qauaỹaañi chaq negue't cam saqcha'a maye chegoqo'ot de'era qauem qarhuennataxaqui.

Nuevo Testamento Toba Sur

⁵⁵ Nachi so Jesús ÿamataiguilo soomayi, nachi nlaxalo, 'eeta': –Qami' sa qauaÿajñi chaq negue't cam saq cha'a mayi chigoqo'ot de'eda qauem qadhuennataqai.

Nuevo Testamento Toba Sombrero Negro

⁵⁵ Qalaĝaja Jesús nejelegalo jogaa'me qama'le yicocha'.

Lucas 9:55 Referans Kwoze

Apocalipsis 3:19

Cha'aye Aỹem ỹataqta seviraxato'ot, qataq saỹamaxaañi da lataxac nam ỹauotaxatpi. Qaq ỹoqo'oye 'avi'eguelaqot Ñim Lo'onatac 'Enauacna qataq imauec da 'aualaxaguet.

1 Pedro 3:9

Da huo'o ca qami' ỹo'oteque ca qauem, nache qami' saishet da qavi'enaxachiỹa'aguet, qataq da huo'o ca qami' isheueeta'ape, nache saishet da qavi'enaxachiỹa'aguet da nataqa'en qausheuñi camaye. Nachaqrata da qanqouagaxauñiỹot Ñim Lo'onatac 'Enauacna da ỹaalec da lqouagaxanaqtaic que'eca shiỹaxaua, cha'aye Ñimaye qami' lca'agui'she da qami' ỹanema da lqouagaxanaqtaic.

Da na'aqtaguec so Job 26:4

¿Chaq negue't ca 'am itaunec da ishet da 'anasaxauec de'era 'ara'aqtac? ¿Negue't ca 'am ỹanem de'era 'al-loxoc da yaqto' qonetec de'era da 'ara'aqtac?»

Da na'aqtaguec so Job 2:10

Qalaxaye so Job 'enapeco': «¡'Am 'alo, saishet da 'anasaxauec de'era sa ỹaỹamaxañi! Cha'aye qomi' saconaxaguet 'enauac na ỹaỹamaqchiguiñisat maye qomi' namaxalo Ñim Lo'onatac 'Enauacna, qalaq ¿ta'ainco' taxa da saisheto' da sa saconaxaguet nataqa'en ca sa ỹaỹamaxañi?» Qaq 'era da 'eetec da huaigui so Job, qalaxaye somaye qaica ca lasouaxashet, ivira'alo naua la'aqtaqa.

Mateo 26:51

Huaña, nache so 'oonolec soua lỹa't So Jesús, somaye nqatsheguem so lainec. Nache iquesoxouec aso ltela lỹa so lamaxashec so lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna.

Mateo 26:41

Saishet qome da qauo'oche, nachaqrata da qanqouagaxauñi, yaqto' ishet da qauataiỹa'aguet da qañe'eguenataguiiqui maye nayeetai'. Qami' ỹataqta qami' lhuotte' da qauo'oche ca ỹaỹamaqchiguiñi, qalaxaye saishet da qauañoxoche da qauroilec da maiche qara'añaxaqui.»

Mateo 26:33

Nache so Pedro 'enapeco': –Na'aictaxa da 'enauac 'am qaỹalata'a't, qalaxaye aỹem saishet da 'am salat.

Mateo 16:23

Qalaxaye So Jesús ỹamato'ot so Pedro, nache 'enapega, 'eeta': –¡'Am Pedro, da 'artaxaỹaxac 'eeta'am da ltaxaỹaxac so pa'aguenataxanaxaic! ¡Aỹem qoca'ai qome! Cha'aye 'am saishet da 'auaỹaten dam 'eetapeguec Ñim Lo'onatac 'Enauacna. Qataq choche qoquetegueua'a da Aỹem saishet da salaq.

Jeremías 17:9

Qaica ca ỹactec da tenataxanaxaic qataq qauemaic da, 'eeta'am añi lquiyaqte ca shiỹaxaua. ¿Qaq negue't ca ishet da ỹaỹaten?

Proverbios 9:8

Saishet da 'aviraxato'ot ca nogaqaic ten qom 'am nquiỹa, 'aviraxato'ot qome ca ỹaanaxanaxaic yaqto' 'am ỹauotec.

Da na'aqtaguec so Job 42:6

Qaq ỹoqo'oye nagui sha'axaneguet da itaxaỹaxac, souaxat na ỹa'aqtacpi co'ollaxa, nache ñeso'ongui qome na namoxoỹaxa, qataq semeelec na ỹaqaic na alo, cha'aye huo'o da ñetogotaxac.»

2 Samuel 19:22

Nache so David, 'enapeco': Qami' llalqa aso Seruyá, saishet da qa'aitapegueua'a de'era, cha'aye damaye maiche ỹalamaxat. Qataq ¿ta'ainco' da qansheetaique da 'eco' qami' ñepa'aguenaxau'? Qataq ¿ta'ainec taxa da huo'o ñaqa'en ca ileu nagui, ye mashe saỹaten da qaltaq aỹem lta'a na Israel le'ecpi?

Lucas 9:54

Nache soua lapaxaguenataqa Santiago qataq so Juan co'ollaq ilora'a de'era, nache 'eetegalo So Jesús 'eeta': «'Am Qarataxala', ¡'onaxaic da qomi' 'auasheetema da seỹaxanaqaique ca norec da chegoqo'ot na piguem, da yaqto' nmatchiguiñi 'enauac yemayepi da ỹavigaxat!»

Lucas 9:56

Cha'aye na Shiỹaxaua Llalec saishet da anac da nqat da nachaalataxac ca shiỹaxaua, nacherata da nca'alaxatec.] Qaq ime, nache je'c nqo'oora so nma'piolec maye saq 'amaqtaq.