Lucas 9:54 - La'aqtaqa Ñim Lo'onatac 'Enauacna 2013

⁵⁴ Nache soua lapaxaguenataqa Santiago qataq so Juan co'ollaq ilora'a de'era, nache 'eetegalo So Jesús 'eeta': «'Am Qarataxala', ¡'onaxaic da qomi' 'auasheetema da seỹaxanaqaique ca norec da chegoqo'ot na piguem, da yaqto' nmatchiguiñi 'enauac yemayepi da ỹavigaxat!»

Nuevo Testamento Toba Sur

⁵⁴ Nachi so Santiago qataq so Juan mayi lapaxaguenataqa co'ollaq qaila'a de'eda, nachi 'ena'po': –'Am qadataxala', ¿'anshitaique peta'a da seÿaxanaqaique ca nodec da chigoqo'ot na piguem da yaqto' nmatchiguiñi 'enauac yimayipi da ÿavigaxat, yaqto' 'eeta'am co'ollaxa da 'eetec so l'aqtaxanaxanec ñi Dios l'enaxat Elías?

Nuevo Testamento Toba Sombrero Negro

⁵⁴ Ca'li gaa'me lapaĝaguenataqa Santiago nataq'aen Juan domachita da'me dojo', qama'le enapega't: —Jaliaĝanec, ¿qo'li 'noota qom jamaĝajoĝolegue qaedi jenaĝa chiyoĝogue di'me piyem ga'me dole', qama'le yapalaĝa't jogaa'me?

Lucas 9:54 Referans Kwoze

Apocalipsis 13:3

Qaq so 'oonolec soua lqaigo se'eso shiguiỹac maye chegaqangui aso auaxai 'eeta'am da huo'o so lta'araic lque'emaxa maye ishet da ilem. Qalaxaye se'eso lque'emaxa no'oita; nache ỹo'otec da 'enauac nam huetalec ana 'alhua ỹataqta huo'o da la'aalaxa, qataq huaña, nache ỹa'amaqten se'eso shiguiỹac.

2 Reyes 10:31

Qalaxaye so Jehú, saishet da imauec da lquiyaqteỹaxac da ỹataqta ỹalaxaguet nam lqataxacpi Ñim Nataxala', maye Natamnaxala' so Israel le'ecpi, cha'aye saishet da ca'ai nam qauem ỹo'otpi so Jeroboán, maye ỹo'ot co'ollaxa nam lasouaxashetpi so Israel le'ecpi.

2 Samuel 21:2

Nache so David, iỹaxana co'ollaxa so gabaoniitapi da yaqto' detaxaỹapegue'. Qaq se'eso gabaoniitapi, saishet da Israel le'ecpi, somayepi chegoxoguetpi co'ollaxa so hua'au amorreopi, maye naỹamaxate' co'ollaxa so Israel le'ecpi. Qalaxaye so Saúl, mashe huac co'ollaxa da nmatchiguiñi somayepi, souaxat da ndaqteguelec so Israel le'ecpi qataq so Judá le'ecpi.

2 Reyes 10:16

nache 'eeta': Ñaq aỹem 'auca'ategue, yaqto' 'auauaachigui da ỹataqta seca'alaxaalec Ñim Nataxala'. Huaña nache inotaxanaxangui aso laigona nache ỹauec.

2 Samuel 16:9

Nache so Abisay, maye llalec aso Seruyá, 'enapega so nta'a, 'eeta': ¿Ta'ainco' da qaỹa'aqta'a da ỹasaqtapeguelec nam qauem la'aqtacpi na nta'a de'era pioq leuaxaic? ¡Qaq 'am nta'a, 'onaxaic taxa da aỹem 'auasheetem nagui da secheguec na lqaic damaye!

2 Reyes 1:9

Nache somaye sa naỹaloxon da damaxasoxona so Elías, ỹamaq so huataxanaq lta'a, lỹatac so cincuenta nalleppi. Qaq co'ollaq ivita so netaña so Elías, nache somaye nso'ootañi, netaña so pa'asheguem aso qasoxonaxa. Nache som huataxanaq lta'a, 'enapega somaye, 'eeta': ¡'Am na'aqtaxanaxanec, ñi nta'a 'eetega da 'aunotec!

Marcos 3:17

qataq so Santiago qataq so lqaỹa Juan, maye llalqa so Zebedeo, som iloneque So Jesús da Boanerges, damaye naigui da «llalqa na nalataxa»,

Lucas 9:55

Qalaxaye So Jesús ỹamataiguilo soomaye, nache nlaxalo. [Nache 'eeta': Qami' sa qauaỹaañi chaq negue't cam saqcha'a maye chegoqo'ot de'era qauem qarhuennataxaqui.

Apocalipsis 13:13

Nataqa'en somaye ỹo'ot nam saq qaỹauanapega da ỹauachigui naqa'en na shiỹaxauapi, qataq ivira'a da chegoqo'ot naqa'en na piguem na norec da talec ana 'alhua.

Eclesiastés 3:3

Huo'o ye laloqo' da huo'o na qaỹalauat, qataq huo'o ye laloqo' da huo'o na qanataren. Huo'o ye laloqo' da huo'o na qailaxachigui, qataq huo'o ye laloqo' da huo'o na qano'oxoosheguem.