Lucas 9:52 - La'aqtaqa Ñim Lo'onatac 'Enauacna 2013

⁵² Nache ỹauo'oi soua lamaxa'she, da nqo'oora yem naña nam saq 'amaqtaq nỹecpiolec maye huaigui yem 'alhua Samaria, da yaqto' iqataxanai' cam lanataqa' se'eso pe.

Nuevo Testamento Toba Sur

⁵² Nachi i'auaxa'n soua l'aqtaxanaxanqa, nachi soomayi nqo'ooda yim naña nam saq 'amaqtaq shiÿaxauapiolec mayi huaigui yim 'alhua Samaria, da yaqto' ÿaqataxanai' cam lanataqa'.

Nuevo Testamento Toba Sombrero Negro

⁵² Ye'uauaĝate' gaa'me lamaĝa's qaedi yec'adeta ga'me noicolec jo'ne na'ña di'me Samaria 'naleua, qaedi qoyanema ga'me ueda'a da'me 'nomatedegue.

Lucas 9:52 Referans Kwoze

Mateo 10:5

So Jesús ỹama'q soua doce lapaxaguenataqa, qaq ỹanema da lqataxac, 'eeta': Saishet qome da qanqo'oñiỹalo na 'aleu' maye netaleguete nam saishet da judiopi. Nataqa'en saishet qome da qanqo'oñiiua'a nam nỹecpi maye huaigui ye 'alhua Samaria.

Lucas 17:16

Nache ỹa'aroto naua l-llectel So Jesús, ỹataqta iviraxata'aguet naqa'en na latap na 'alhua, nache ỹaatacot da na'achec Somaye. Qaq se'eso ỹale, somaye lma' ye Samaria.

Lucas 10:33

Qaq nataqa'en nateuga se'eso nqa'aic so ỹale maye lma' ye 'alhua Samaria, qaq co'ollaq ila'a se'eso ỹale da huetaiya', nache ỹataqta huo'o da lchoxonnataxanaxa.

Lucas 10:1

Qaq co'ollaq ime de'era, nache So Jesús lca'aua'a so setenta y dos laỹepi lapaxaguenatacpi, nache ỹamaq somayepi dostega't naqa'en, da ỹa'auaxaata'a 'enauac na naña na saq 'amaqtaq nỹecpiolec qataq naua lỹa't 'aleu' maye taỹa'alo Somaye.

Juan 8:48

Nache huo'o nam judiopi da 'eetega Somaye, 'eeta': –Qomi' ỹataqta 'eesa de'era qara'aqtac co'ollaq shenaqapec da choche 'am Samaria le'ec qataq huo'o ñi saqcha'a na'añaxac leguemaxaic 'am netaigui.

Lucas 7:27

nacheso som na'aqtaxanaxanec maye ỹa'axatta'aguet Ñim Lo'onatac 'Enauacna co'ollaq, 'eeta': ‹Aỹem samaq qome ca ỹa'aqtaxanaxanec da hua'auta'ague da 'ata'ague, da yaqto' ỹaỹamaxaañi 'enauac, yaqto' lhuotta qom 'avi'.›

Malaquías 3:1

Ñim Nataxala' maye Qaica ca Ỹaqalanapec 'enapec: «Mashe huotaique da ñamaq ñim ỹa'aqtaxanaxanec, da yaqto' iqataxanai' cam ñaqa'aic. Ñim Nataxala' maye qanmicheetaique, mashe saqaỹaloq da naỹa añim atamnaxaqui maye lalamaqte. ¡Mashe anacta nam na'aqtaxanaxanec maye ndoi' na aỹamaxataxac maye qanqopicheetaique!»

Lucas 17:11

Qaq co'ollaq mashe jec So Jesús da taigue da Jerusalén, nache taalec yem 'alhua maye huaigui ye Samaria qataq ye 'alhua Galilea.

Juan 4:4

Qaq de'era lle'eguelaxasoxoc Somaye, iuen da ỹa'axasoxoolec ye 'alhua Samaria.

Juan 4:5

Qaq co'ollaq ỹa'axasoxoolec yi'iye 'alhua, nache ivita ye saq 'amaqtaq nỹecpiolec le'enaxat Sicar. Qaq yemaye saqaỹapeque aso lshere co'ollaxa so Jacob. Qaq co'ollaq mashe ileu so Jacob, nache se'eso dalaxaic lalamaxat se'eso 'alhua maye naña aso nshere somaye nacheso so llalec José.

Juan 4:9

Qalaxaye na judiopi ye saishet da nhuoone' na Samaria le'ecpi, nache aso 'alo inat So Jesús, 'eeta': –¡Qalaxaye 'am judío le'ec! ¿Ta'ainco' ye aỹem 'auỹaxaatacot ye aỹem Samaria lashe?