Lucas 9:51 - La'aqtaqa Ñim Lo'onatac 'Enauacna 2013

⁵¹ Qaq co'ollaq mashe saqaỹapeque so laloqo' da taigue da piguem So Jesús, nache huesotec ye lavilỹaxac da taigue da Jerusalén.

Nuevo Testamento Toba Sur

⁵¹ Qaq co'ollaq mashi sa qaÿapeque so laloqo' da taigue da piguem so Jesús, nachi huesoteec yi lavilÿaxac da taigue da Jerusalén.

Nuevo Testamento Toba Sombrero Negro

⁵¹ Ca'li male yauaqa'a ga'me laloqo' ñe'me Jesús da'me male yec'adije'ma di'me piyem, qama'le ue'tajop da'me 'lañaĝac da'me dajoyi di'me Jerusalén.

Lucas 9:51 Referans Kwoze

Marcos 16:19

Qaq co'ollaq so Qarataxala' Jesús imat da na'aqtaxaategueto soua lapaxaguenataqa, nache Ñim Lo'onatac 'Enauacna ỹaueegue da piguem. Huaña, nache Somaye nso'oota'ague da aloic Ñim Lo'onatac 'Enauacna, yem huaña da qaica ca 'ena'am da llo'oxoyec.

Lucas 18:31

Nache So Jesús iỹaxanalo soua doce lapaxaguenataqa da iỹotaugalo, nache 'enapegalo, 'eeta': –Nagui qomi' saxague da Jerusalén, nache huaña qome yemaye da ipacchigui 'enauac dam na'aqtaguec na Shiỹaxaua Llalec, maye ỹiyiñi co'ollaxa som la'aqtaxanaxanecpi Ñim Lo'onatac 'Enauacna.

Lucas 13:22

So Jesús co'ollaq tata'ague da Jerusalén, nache taỹalec nam nỹecpi qataq nam nañalo nam saq 'amaqtaq nỹecpiolec, nache dapaxaguenataxaatac.

Lucas 17:11

Qaq co'ollaq mashe jec So Jesús da taigue da Jerusalén, nache taalec yem 'alhua maye huaigui ye Samaria qataq ye 'alhua Galilea.

Hebreos 12:2

Qaq ỹataqta seloqchigui So Jesús, cha'aye nacheso so chegoqo'ot da qanaquitaxac, qataq nacheso som ỹo'ot da nquictasheguem da qarpi'iỹaxac. So Jesús ỹataqta na'añaxateguet da ne'enaguec co'ollaq qaiuaxaneguet so npe'enaxaqui, cha'aye ỹaỹaten da inoxonaqchetec da lta'araic nque'eenaxac, nache ỹaconeguet da lta'araic lamaicỹaxac. Qaq nagui Ñimaye mashe nso'ootañi, netaua'a na aloic añi nso'onaxaqui Ñim Lo'onatac 'Enauacna.

Hebreos 6:20

Ỹo'ot de'era, da yaqto' qomi' huesochiyiñi da qolaxague so nqa'aic maye taỹaua'a Ñim Lo'onatac 'Enauacna, cha'aye So Cristo nacheso som chochaq tatec da Lataxala' nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, 'eeta'am da lataxac so Melquisedec.

1 Timoteo 3:16

Qaq saishet da qaiqoleguet de'era 'eesa lataxac da qara'amqaanataxanaxac, cha'aye ỹataqta lta'araic da naigui llo'oxoyec: So Cristo nachaxan co'ollaxa, qalaxaye ỹacona da lataxac ca yo'oqchigui shiỹaxaua; qaq So Saqcha'a Na'añaxac ỹa'axat da saqca ca lasouaxashet Somaye, qaq ỹauaachigui Somaye 'enauac na chegaqasheguem lamaxashecpi Ñim Lo'onatac 'Enauacna. Qataq qaỹa'axatem 'enauac na ỹotta'a't shiỹaxauapi, qaq na shiỹaxauapi maye huetalec ana 'alhua ỹa'amaqten Somaye. Ime, qaq qaỹaueegue da piguem, nache Ñim Lo'onatac 'Enauacna ỹataqta nlaxatchigui da 'enec Somaye.

Efesios 1:20

co'ollaq nca'aleeguesop naqa'en da nleuaxa So Cristo. Nache taigue naqa'en da piguem, da yaqto' nso'onegue da aloic Ñimaye,

Hechos 1:9

Qaq co'ollaq ime da ỹa'axattac de'era So Jesús, nache ỹauaachiguilo soomaye co'ollaq naỹoxotcheguem da qaỹaueegue da piguem. Choche ivitta'a da huo'o so lo'oc na piguem, nache taigui. Huaña, nache saishet da qaila'a.

Hechos 1:2

choche ivitta'a so na'a'q co'ollaq taigue da piguem. Qaq Somaye co'ollaq saxanaxa da taigue da piguem, nache ỹachegoxotchigui So Saqcha'a Na'añaxac Qui'itta da ỹanema da lapaxaguenataxanaxac soua lamaxa'she maye lca'agui'she, dam iuen da ỹo'o't soomaye.

Juan 17:11

Qaq Aỹem mashe yaqta'a da saishet da soota'a ana 'alhua, cha'aye Aỹem saỹa cam qoueta'a. Qalaxaye naamaye ñaq huetralec ana 'alhua. Qaq ỹoqo'oye 'am seỹaxanot da 'antela'alo, qataq 'anema da 'ara'añaxac dam Aỹem 'aỹa'anem co'ollaxa, da yaqto' naamaye nache 'eetai' da na'atta'a't, 'eeta'am da 'eetec 'Am qataq Aỹem.

Juan 16:28

Aỹem sachegoqtot co'ollaxa Ñim Ita'a da ñanaỹa ana 'alhua, qaq nagui qalaq Aỹem sheca'ai ana 'alhua da she'eguelaxa Ñimaye.

Juan 16:5

Qalaxaye nagui Aỹem she'eguelaq da yaqto' soota'aguet Ñim Aỹem namaq; qaq saishet da huo'o ca 'oonolec da qoñiita da Aỹem inattac da chaq hua'ague ca saigue.

Juan 13:1

Qaq nacheso se'eso lỹa na'a'q maye huetoiguilo soua na'axa'te da qaiuennate so na'a'q le'enaxat Lapascua. Qaq So Jesús mashe ỹaỹaten da ivita ye laloqo' da ca'ai ana 'alhua, da ỹe'eguelaxa Ñim Lta'a maye Lo'onatac 'Enauacna. Qaq Somaye nache 'eetai' da lauotaxanaqtaic na lalamaxatpi maye huetalec ana 'alhua, qaq da lauotaxanaqtaic ỹachaxana somayepi choche ivitta'a da loga't da nachaalataxac.

Juan 6:62

Qaq ¿hua'ago' ca qoñiitec qone' da huo'otaq qami' qauloỹa'a na Shiỹaxaua Llalec da ỹe'eguelaxasheguema yem hueta'a co'ollaxa?

Lucas 24:51

Qaq nache saqaỹaloq da So Jesús qaỹaueegue da piguem

Lucas 19:28

Qaq co'ollaq ime da nasaxauec de'era So Jesús, nache jec da taigue da Jerusalén.

Lucas 19:11

Qaq So Jesús co'ollaq mashe saqaỹapeque ye nỹecpi ye Jerusalén. Nache so shiỹaxauapi maye na'axaỹaxaatega Somaye, ipi'itaxaatega da Ñim Lo'onatac 'Enauacna mashe ivita ca laloqo' da ilo'ogue 'enauacna.

Lucas 12:50

Qalaxaye hua'auñi qome da Aỹem saigui ca lta'araic lqalaic qataq lta'araic ca ñeque'eenaxac, choche ivitta'a da nvi' que'eca na'a'q.

2 Reyes 2:11

Qaq co'ollaq ñaq quete', qataq na'aqtaxaatega't soomaye, nache nque'elaxatta da anac aso naigona 'ettaigui, qataq soua lauegaxala'ate caaỹo maye nataqa'en 'ettaiguilo, nache icolaxachiguilo soomaye, nache so Elías jec, taigue da piguem, queuoigui aso daua'ache.

Filipenses 3:14

Qaq ỹoqo'oye nache ashecta da saỹa'a ca naloqnec, yaqto' saconeguet qome cam ỹachaxanapec Ñim Lo'onatac 'Enauacna, cam huo'omshe qomi' iỹaxanalo chegoqchigui So Cristo Jesús.

Lucas 9:57

Qaq co'ollaq quete' soomaye, nache huo'o so shiỹaxaua 'enapega So Jesús, 'eeta': –'Am Ỹataxala', ñeshetaique da 'am seca'ategue, maicheye cam 'auataigue.