Lucas 9:50 - La'aqtaqa Ñim Lo'onatac 'Enauacna 2013

⁵⁰ Qalaxaye So Jesús 'enapeco': –Saishet da qaulliỹapeguem, cha'aye ca saishet da qomi' mpa'aguenalo, nache camaye qartaua.

Nuevo Testamento Toba Sur

⁵⁰ Qalaxayi so Jesús 'enapeco': –'A'i, sa ishit da qaulliÿapeguem, cha'ayi ca sa ishit da qomi' npa'aguenalo, qaq nachica ca saq qomi' iÿotaugalo.

Nuevo Testamento Toba Sombrero Negro

⁵⁰ Jesús 'yateguet: —Ena'te auelaĝachetapeguem, qa'a gamachaqaega jo'ne ja ami 'te nautenalo, nach'ega jo'ne ami yotaua'n.

Lucas 9:50 Referans Kwoze

Lucas 11:23

Qami' da saishet da qauaỹamaxayiñi da so'ottac, nache qami' Aỹem qauataiỹa'aguet. Qataq da saishet da Aỹem qautauañi da qanaviquiiuo ca lỹa shiỹaxaua da Aỹem quegue, nache qami' 'eeta'am da Aỹem qauo'otaxañiiteguelec.

Mateo 12:30

Ca saishet da Aỹem itauaatac, nache camaye Aỹem npa'agueetague'. Qataq ca saishet da Aỹem itauan da nauegueuo ca lỹa da yaqto' Aỹem ca'ategue, nache camaye 'ena'am da ilagaxattac nam huotaique da Aỹem ca'ategue.

1 Corintios 12:3

Ỹoqo'oye ñeshetaique nagui da qauaỹaañita da qaica ca shiỹaxaua da ỹauectac So Saqcha'a Na'añaxac Qui'itta, nache ỹasaxaleguete naua qauema ltaxaỹaxaco So Jesús. Qataq nachaqnata nam ỹauectac So Saqcha'a Na'añaxac Qui'itta na ỹauatton da So Jesús, nacheso Som Nataxala'.

Lucas 16:13

Qaica ca namaxashec da ishet da do'onataxanoto caua dos na'aco'ye, cha'aye ishet da 'oonolec ca ỹauotec saq 'ena'am ca lỹa. Qataq ishet da ỹalaxaguet ca 'oonolec qaq ca lỹa qalaq saishet da ỹalaxaguet. Qaq nache 'eetec nataqa'en, da saishet da qaỹo'onataxanot Ñim Lo'onatac 'Enauacna qataq da nsallaxa.»

Marcos 9:41

Qaq ỹataqta 'eesa da Ñim Lo'onatac 'Enauacna saishet da icoua'ai da ỹami' ca nsheetenaxat cam qami' ỹanema ca qaraquipi, souaxat da qami' ỹalamaqa'ate.

Mateo 17:26

Nache so Pedro 'enapeco': –Qomye nam chegaqauecpi. Nache So Jesús 'enapeco': –¿Qaq nam lalamaxatpi saishet qone' da desheetenaxan?

Josué 9:14

Huaña co'ollaxa nache so Israel le'ecpi ỹasateguet da chec se'eso aloq maye nachetrac soua chegoqtra'a ye Gabaón, qalaxaye saishet da inat co'ollaxa Ñim Nataxala'.

Mateo 17:24

Qaq So Jesús qataq soua lapaxaguenataqa co'ollaq mashe ivitra ye nỹecpi ye Cafarnaúm, nache som ỹacootapeeguet ana nsheetenaxanaqte da qaisheeten aso no'onaxanaxaqui late'erai, somayepi taua'a so Pedro, nache inattac, 'eeta': –¿Isheeten peta'a ñim Qanapaxaguenaxala'ai añi lasheue da qaisheeten añi no'onaxanaxaqui late'erai?

Marcos 9:38

Nache so Juan som 'oonolec soua napaxaguenataqa 'enapego' So Jesús, 'eeta': –'Am Napaxaguenataxanaq, qomi' huo'o so sauanaqchigui da do'otaxaatega da 'are'enaxat da ỹo'ottapeguec na saqcha'a na'añaxac leguemaxaicpi, nache qomi' sellaqapeguem, cha'aye saishet da qarỹa somaye.