Lucas 9:5 - La'aqtaqa Ñim Lo'onatac 'Enauacna 2013

⁵ Qaq ca huaña da saishet da qami' qaỹaconegueta, qalaq qoquiỹa'ai camaye. Ime, qaq qauchegoqoiuec na namoxoỹaxa naua qarapia'achilli'. Qaq damaye la'anaxat da camayepi saq qami' ỹaconegueta.»

Nuevo Testamento Toba Sur

⁵ Qaq ca huaña da sa ishit da qami' qaÿacongueta, qalaq qoquiÿa'ai que'eca pueblo. Ime, qaq qauchigoqoiuec na namoxoÿaxa naua qadapia'chilli'. Qaq damayi l'anaxat da maichi nasouaxajla't camayipi.

Nuevo Testamento Toba Sombrero Negro

⁵ Nataq'aen qom 'uo ga'me noic jo'ne ja ami 'te yaconegueta, oquiya'e joga'me nataq'aen anechiyoqoyidiñe ga'me enaĝayaĝa naa'me adapia'chidi', qaedi ena'am da'me 'nanec jo'ne dechoqotaĝanec qomle jogaa'me.

Lucas 9:5 Referans Kwoze

Hechos 18:6

Qalaxaye somayepi ỹataqta ncotatague' somaye qataq isheueetac, nache so Pablo ichego'q soua alogo, cha'aye damaye la'anaxat da jec. Nache 'enapego' somayepi, 'eeta': –Ñim Lo'onatac 'Enauacna da ỹauo'o ca qanhuaxanaguiiqui, nache qami' maiche qarasouaxashechi; saishet da ỹasouaxashet. Qaq nache chegoqchiguiña ne'ena na'a'q da sa'aqtaxanem nam saishet da judiopi.

Hechos 13:51

Huaña, nache so Pablo qataq so Bernabé ichegoxore'c na namoxoỹaxa naua lapia'ate, qaq damaye, nache la'anaxat da maiche nasouaxaala't somayepi. Nache soomaye nqo'oora ye Iconio.

Marcos 6:11

Qaq da huo'o ca huaña da saishet da qami' qaỹaconegueta, qataq saishet da qami' qana'axaỹaxanalo, nache qoquiỹa'ai que'eca qoviita'a qataq qauchegoqoi naua qarapela'achilli', yaqto' de'era la'anaxat da huo'o ca naỹa'a camayepi.» [Qaq ỹataqta 'eesa de'era qami' sa'axatema da qom ivita da qanmit 'enauacna, nache da nhuaxanaguec co'ollaxa so Sodoma qataq so Gomorra saq 'amaqtaq, qaq saq 'ena'am ca nhuaxanaguec qome qanqa'en que'eca shiỹaxauapi maye saq qami' ỹaconegueta.]

Lucas 10:16

Ime, nache So Jesús 'enapegalo soua lapaxaguenataqa, 'eeta': «Camachaqca ca qami' na'axaỹaxanalo, qaq nache Aỹem maye Aỹem na'axaỹaxana. Qaq cam sa qami' ỹaconegueta, qaq nache Aỹem maye saq Aỹem ỹaconeguet; qaq cam saq Aỹem ỹaconeguet, qaq nacheñi Ñim Lo'onatac 'Enauacna maye sa ỹaconeguet Ñim Aỹem namaq.»

Lucas 9:48

Nache 'enapegalo' soomaye 'eeta': «Da huo'o ca ỹaconeguet ca 'eeta'am ne'ena nogotolec, nache camaye Aỹem ỹaconeguet. Qaq da huo'o ca ỹaconeguet Aỹem, nache ỹaconeguet Ñim Lo'onatac 'Enauacna maye Aỹem namaq. Cha'aye ca ỹapactec qaica ca la'amaqchec 'enauac da qoñiita, qaq nacheca ca ỹataqta 'eesa da 'amaqtaqaic.»

Nehemías 5:13

Ime, nache aỹem sechego'q soua aỹogo, nache sheeta': Qaq 'era da 'eetec qome Ñim Lo'onatac 'Enauacna da ỹataqta ichegoq, qataq ỹasaxauec ca lma' qataq ca lalamaxatpi ca shiỹaxaua maye saishet da ipaguelec ca ỹan la'aqtac. Qataq Ñim Lo'onatac 'Enauacna nqateeguesop qome camaye ca lalamaxat 'alhua, lma'pi, qataq 'enauac ca logoxoshetpi. Nache 'enauac so lapoota'a't shiỹaxauapi, 'eeta': «Aja', nachera qome da 'eetec». Ime, nache ỹataqta qaỹo'oxoreetac Ñim Nataxala', qataq qaipactelec da qaỹo'ot da qoỹenapec.

Marcos 9:37

«Qami' da qauacoñiiguet ca nogotolec, 'eeta'am ne'ena ñesoqtauo, nache Aỹem qauacoñiiguet. Qaq da Ayem qauacoñiiguet, nache nataqa'en qauacoñiiguet Ñim Lo'onatac 'Enauacna maye Aỹem namaq.»

Lucas 5:14

Ime, nache So Jesús 'enapega somaye, 'eeta': –Saishet qome da huo'o ca 'aua'aqtaxanem de'era. Nachaqrata da 'am qojec, 'anachaxaneua'a ñi ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna. Ime, qaq 'aỹa'aneuo aca 'arachetaqtaxanaqte maye damaxasoxoolec co'ollaxa so Moisés, yaqto' na ntaxaỹaxanaxanecpi ỹaỹaten da mashe qaica so 'aralolaxa.

Mateo 10:18

Qataq ivira'a qome da qami' qaỹauegueua'alo nam ilotegueto naua 'aleu', qataq na lta'alpi namayepi da yaqto' Aỹem qaua'axache da qauataito'ot namayepi, qataq nam chegaqauec, cha'aye qami' ỹapaxaguenataqa.

Lucas 9:4

Qaq da qaviyeeua'a ca nỹec, nache qoviỹa'a, choche ivitta'a da qoquiỹa'ai que'eca 'alhua.