Lucas 9:45 - La'aqtaqa Ñim Lo'onatac 'Enauacna 2013

⁴⁵ Qalaxaye soua lapaxaguenataqa saishet da ỹaỹate'n de'era la'aqtac So Jesús, cha'aye saxanaxa da ivira ye laloqo' da yaqto' ỹaỹate'n. Nataqa'en huo'o da lcolanaqa' da ina't Somaye da chaq negue't ca naigui de'era la'aqtac.

Nuevo Testamento Toba Sur

⁴⁵ Qalaxayi so lapaxaguenatacpi sa ishit da ÿaÿaten de'eda qoÿiitega, cha'ayi sa ishit da qoÿanem da ÿaÿaten, qataq huo'o da lcolanaxa da denataxaalec da qai'axategue ca naigui de'eda n'aqtac.

Nuevo Testamento Toba Sombrero Negro

⁴⁵ Qalaĝaja jogaa'me ja yayate'n ga'me jo'ne 'yaĝatema, qa'a maliaĝa ja qo'youachiguilo naa'me lai'li qaedi yayate'n da'me dojo'; nataq'aen t'oidapega ta'le yena't ñe'me Jesús qaedi noqoteteneque da'me dojo'.

Lucas 9:45 Referans Kwoze

Lucas 18:34

Qalaxaye soomaye saishet da ỹaỹaanegueta de'era, sa ỹaỹaten negue'to'ca cam qoỹeetega. Cha'aye dam qaỹa'axattac saishet da nqat cam naigui.

Juan 12:16

Qaq co'ollaq cheta'ague, nache soua lapaxaguenataqa saishet da ỹaỹate'n ca llec de'era. Qalaxaye co'ollaq qaỹata'ague de'era, co'ollaq mashe ime da ileu qataq da nca'alec So Jesús, nache cheta'ague da tachiguilo ye lauel da 'enauac nam qaỹo'otec So Jesús, mashe ỹa'axata'alo co'ollaxa naua nanettrañi la'aqtaqa Ñim Lo'onatac 'Enauacna.

Lucas 2:50

Qalaxaye soomaye saishet da ỹaỹateereguet da la'aqtac Somaye.

Marcos 9:32

Qaq soua lapaxaguenataqa saishet da ỹaỹate'n de'era qaỹa'aqtaxaatapeguema, qalaxaye ñi'iỹaleguete da qaltaq denataxa'n.

Juan 14:5

Nache so Tomás 'enapego', 'eeta': –'Am Ỹataxala', qomi' sa saỹatenaq cam 'aigue; qaq ¿ca 'eeteco' da sauanaxa ca nqa'aic?

Juan 12:34

Nache na shiỹaxauapi 'enapega Somaye, 'eeta': –Qomi' saỹatenaq chegoqchigui ana nere maye huetalec na la'aqtacpi Ñim Lo'onatac 'Enauacna da que'eca Lca'aguishec Ñimaye maye qaiuattaique, nache 'eetai' da nca'altauec. Qalaq ¿ta'ainco' ye 'am qonetega da que'eca Shiỹaxaua Llalec, qaiuaxaneguet qome ca npe'enaxaqui? Qaq ¿chaq negue'to' que'eca Shiỹaxaua Llalec?

Marcos 9:10

Ỹoqo'oye so Pedro, Santiago qataq so Juan ỹataqta saishet da ỹa'axa't de'era, qalaxaye nchemaxattrapigui da chaq 'eetec ca naigui da qaltaq nca'aleeguesop da l-leuaxa Somaye.

Mateo 16:22

Nache so Pedro iỹotauga So Jesús, nache ỹataqta 'enapega souaxat da nasaxauec de'era, nache 'eeta': –¡Ñim Lo'onatac 'Enauacna 'am ntelaqna'aguet qome de'era 'am Ỹataxala' da yaqto' saishet da huo'o ca qouaigui!

Lucas 9:46

Huo'o so huaña, da soua napaxaguenataqa nqallegottrapiguilo da chaq negue't soomaye ca ỹactec da la'amaqchec.

Mateo 17:22

Qaq co'ollaq ñaq iconnaxaata'ape ye 'alhua Galilea, nache So Jesús da'aqtaxaateguema soua lapaxaguenataqa, 'eeta': «Nam Aỹem ipa'agueetacpi Aỹem ỹaconeua'a qome, nache Aỹem ỹaneua'a na laỹepi shiỹaxauapi.

Juan 4:33

Nache soua lapaxaguenataqa nnattega't, 'eetra': –¿Ỹoqta da huo'o co'ollaxa ca ndoi' ca aloq damaxa?