Lucas 9:42 - La'aqtaqa Ñim Lo'onatac 'Enauacna 2013

⁴² Qaq co'ollaq mashe saq qaỹapeque se'eso nsoq, nache so saqcha'a na'añaxac leguemaxaic huañi naqa'en somaye, nache ỹo'otec da lta'araic lviloxolaxa na lo'oc. Ime, nache So Jesús nlaxa se'eso saqcha'a na'añaxac leguemaxaic. Nache nataren se'eso nsoq. Ime, nache ỹe'eguelaxatot so lta'a.

Nuevo Testamento Toba Sur

⁴² Qaq co'ollaq mashi nquigueuo so nsoq, nachi so n'ec leguemaxaic huañi naq'en somayi, nachi ÿi'iguelaxalec da decopchi naq'en. Qalaxayi so Jesús nachi nlaxa se'eso n'ec leguemaxaic, nachi no'oita naq'en so nsoq. Ime, qaq ÿi'iguelaxatot so lta'a.

Nuevo Testamento Toba Sombrero Negro

⁴² Ca'li qoyedo't ga'me notolec, ga'me nepaqal jo'ne netaye yijaĝaguet jena'me aleua nataq'aen yecopichaqatet; qalaĝaja Jesús yicochaq ñe'me nepaqal jo'ne ja no'en, en yemegue ga'me notolec qama'le 'yiyelaĝatot ñe'me let'a.

Lucas 9:42 Referans Kwoze

Lucas 7:15

Nache se'eso nsoqolec ñesheguem qataq detaqa. Ime nache So Jesús ỹauec so nsoqolec ỹauega ca hueta'a aso late'e.

Apocalipsis 12:12

¡Qaq ỹoqo'oye iuen da ntonapigui' na piguem, qataq 'enauac nam hueto'ot namaye! Qalaxaye ¡ỹataqta qauem da taỹa'ague nam huetalec ana 'alhua, qataq nam huetangui aso auaxai! Cha'aye so pa'aguenataxanaxaic ỹataqta dalemata; taña na huetalec ana 'alhua da iloquiaxan. ¡Cha'aye somaye ỹaỹateeta da sa qaỹalec ye ldaqa'!»

Lucas 9:39

Huo'o so saqcha'a na'añaxac leguemaxaic imattaigui, nache ỹa'alaqchettac naxa. Qataq nataqa'en iviloxolaqchet qataq anac naxa naqa'en na lcoche na alap. Qaq naxa da ca'ai, nache ỹataqta qaica naqa'en ca lyac.

Marcos 9:20

Nache sa qaỹaỹaloxon da qaỹauegueua'a Somaye so nsoq. Nache so saqcha'a na'añaxac leguemaxaic co'ollaq ilo'ot So Jesús, nache decopche naqa'en so nsoq, nache ncocatapiguiñi, qataq anac naqa'en na lcochaxa na alap.

2 Reyes 4:36

Nache so Eliseo iỹaxana co'ollaxa so Guejazí, nache 'enapego' 'eeta': Ña 'auỹaxaneuga aca'aca 'alo maye Sunén lashe. Nache so Guejazí, iỹaxaneuga asomaye, qaq co'ollaq ivireua'a ye hueta'a so Eliseo asomaye, nache so Eliseo, 'eeta': 'Ena na 'aỹa'alec.

Hechos 9:41

Nache so Pedro ỹacona na lhuaq asomaye, nache ỹanaxanaxaasheguem. Ime, nache iỹaxaneuga so nqaỹañecpi maye ỹa'amaqteetac So Jesús, qataq asom pa'aipi, nache ỹachaxan asomaye da qaltaq nca'alec.

1 Reyes 17:23

Nache so Elías, sa naỹaloxon da ỹacoosop so nogotolec, nache irogoña so pa'aguiñi nỹec, nache ỹanem aso late'e. Nache, 'eeta': ¡Ña 'aumeten, na 'aỹa'alec, nca'alec!

Lucas 9:41

Nache So Jesús ỹamataigui so ca'attague'pi, nache 'enapeco': –¿Peta'a ỹapac da saishet da huo'o ca qauañoxoche da saishet da qami' soota'agueta? ¡Chaq tachiguiña qome da ñeualaxaunaxac da qoñiita! Qami' ỹataqta qausomiỹapec qataq sa qaupi'iỹa'ai Ñim Lo'onatac 'Enauacna. –Ime, nache So Jesús 'enapega se'eso ỹale 'eeta': –Ñaq 'anaueecna'a cam 'aỹa'alec.

Lucas 9:43

Nache 'enauac se'eso shiỹaxauapi ỹataqta huo'o da la'aalaxa da lta'araic la'añaxac Ñim Lo'onatac 'Enauacna. –Qaq co'ollaq ñaq queta da qaỹa'aalatapeguec 'enauac nam ỹo'ot So Jesús, nache Somaye 'enapegalo soua lapaxaguenataqa, 'eeta':

Juan 6:19

Qaq co'ollaq mashe qaỹoqteueeguelo soomaye, nache ỹauaategueta So Jesús da naỹa'a aso nllocta petalec na 'etaxat, nache soomaye ỹataqta huo'o da lcolanaqa'.