Lucas 9:41 - La'aqtaqa Ñim Lo'onatac 'Enauacna 2013

⁴¹ Nache So Jesús ỹamataigui so ca'attague'pi, nache 'enapeco': –¿Peta'a ỹapac da saishet da huo'o ca qauañoxoche da saishet da qami' soota'agueta? ¡Chaq tachiguiña qome da ñeualaxaunaxac da qoñiita! Qami' ỹataqta qausomiỹapec qataq sa qaupi'iỹa'ai Ñim Lo'onatac 'Enauacna. –Ime, nache So Jesús 'enapega se'eso ỹale 'eeta': –Ñaq 'anaueecna'a cam 'aỹa'alec.

Nuevo Testamento Toba Sur

⁴¹ Nachi so Jesús 'enapeco': –¡Lloxochiyi ne'ena shiÿaxauapi yi sa da'amqajnataxan qataq qauemaicpi! Mashi huo'oi soua na'axa'te da qami' soota'agueta, qataq mashi huo'oi soua na'axa'te da ñiualaxaueetapec. Ña 'ando'ocna'a cam 'ai'alec.

Nuevo Testamento Toba Sombrero Negro

⁴¹ Jesús 'yategueta ga'me jiyaĝadipi: —¡Yataqachiñe ami jiyaĝadipi jo'ne qoleguetaĝanaĝaiquipi nataq'aen chiyoĝo'spi! ¿Jach'e jogamaĝa ua'a da'me cha'li ami jouetauelo nataq'aen cha'li ami ñeualaĝae'to? ¡Anedo'quena na'me ac'oĝot!

Lucas 9:41 Referans Kwoze

Deuteronómio 32:5

Qami' shiỹaxauapi qauemaicpi qataq 'etaxaloxoicpi maye qaunogoqchichi Ñim Lo'onatac 'Enauacna, Ñimaye qami' da'agueleguete, nache saishet da qami' llalaqpi, cha'aye qami' qauemaicpi qataq 'etaxaloxoicpi.

Juan 20:27

Ime, nache 'enapego' so Tomás, 'eeta': –Ñaq 'aumete'n naua ihua'q qataq na ỹaỹe. Qataq 'aua'aroiguilo naua 'aya'axaatal na ique'emaxa. Saishet qome da 'am qolectaxanaxaic, nachaqrata da 'aua'amqaanataxan.

Juan 14:9

Nache So Jesús 'enapego' somaye, 'eeta': –Felipe, Aỹem mashe huo'oi soua vi'iye da qami' soota'agueta, ¿qalaq ñaq saxanoxo' da Aỹem 'auauatton? Cha'aye ca Aỹem ila'a, camaye nataqa'en ila'a Ñim Ita'a, qaq ¿ta'ainco' ye Aỹem 'auỹaxaatacot da qami' sachaxanalo Ñim Ita'a?

Marcos 9:19

Nache So Jesús 'enapeco': –¿Ta'ainco' ye sa qauaỹaañi da qaupi'iỹa'ai Ñim Lo'onatac 'Enauacna? ¿Peta'a ỹapac da saishet da huo'o ca qauañoxoche da saishet da qami' soota'agueta? ¡Ñaq Aỹem qanaviquiỹa na nsoq!

Mateo 17:17

Nache So Jesús 'enapeco': –Qami' ỹataqta saishet da qauaỹachiñi ca qoñiitec qataq saishet da huo'o ca qarpi'iỹaxaqui Ñim Lo'onatac 'Enauacna. ¿Peta'a ỹapacteco' da sa qauañoxoche da huo'o ca qauo'oche da saishet da qami' soota'agueta? ¿Cam laguio' nache ishet da qauaỹaanataxañi? ¡Ña qanaviquicna'a da nsoq!

Hebreos 7:25

So Jesús ishet da chochaq tatec naqa'en da lca'alaxa nam huotaique da ivira'a da nauochaxaua Ñim Lo'onatac 'Enauacna chegoqchigui Somaye. Cha'aye Somaye, nache 'eetai' da nca'altauec, qataq nache queto'ot da iỹaxaatacot Ñim Lo'onatac 'Enauacna da iỹaxaateguelec namayepi.

Hebreos 4:11

Qaq ỹoqo'oye qomi' ỹataqta ña'añaxataq da salaxasoxoguet Ñim Lo'onatac 'Enauacna, yaqto' que'eca na'a'q senoxonaxaua'a ca lma' maye nmataqa' Ñimaye. Saishet qome da qolaxague da lataxac som saishet da ỹa'amaqten da no'on na'axaỹaxac.

Hebreos 4:2

Cha'aye qomi' sa'axasoqchigui da no'on na'axaỹaxac shenaqta'am co'ollaxa so Israel le'ecpi maye ca'ai ye 'alhua Egipto. Qalaxaye nachaqrata da somayepi qaica ca naigui naqa'en de'era hua'aqchigui, cha'aye saishet da ỹa'amaqten qataq saishet da ỹalaxaguet de'era na'aqtaxanaxac.

Hebreos 3:19

Qaq ỹoqta 'eesa da somayepi da saishet co'ollaxa da huenoxoneua'a ye 'alhua Canaán da yaqto' nmatec, cha'aye qaica ca lpi'iỹaxac Ñim Lo'onatac 'Enauacna.

Romanos 2:4

Ñim Lo'onatac 'Enauacna ỹataqta soxoraic qataq ỹataqta lta'araic da lhualaxavic qataq ishet da lhueneguet 'enauac nam qauempi maye qauo'ocheetac. Qalaxaye saishet qome da qaupicheetega da nam qauo'ocheetacpi qaica ca naigui. Ñim Lo'onatac 'Enauacna ỹataqta huotaxanaqtaqaic, qaq ỹoqo'oye huotaique da ntouen ñi 'oonolec da qoñiita, nache qaỹa'axañiiñi na qauem.

Hechos 13:18

Ñim Lo'onatac 'Enauacna ỹataqta ntela'a somayepi co'ollaq quetalec so toolec 'alhua se'esoua cuarenta vi'iye.

Hechos 2:40

Qaq 'era da la'aqtaxanaxac so Pedro. Qataq huo'o na laỹepi la'aqtaxanaxac da huaqattega somayepi, 'eeta': –Qananeltaxañeeguet ca nhuaxanaguec ne'ena shiỹaxauapi maye taỹa'a da deqat, yaqto' qarca'alliiuec.

Lucas 8:25

Ime, nache 'enapegalo soua lapaxaguenataqa, 'eeta': –¡Qami' saishet da huo'o ca qarpi'iỹaxaqui Aỹem! Qalaxaye soomaye ỹataqta ñi'i', qataq ỹataqta huo'o da la'aalaqa'. Nache ñi 'oonolec inattac ñi lỹa, 'eeta': «¿Negue't dam da' ỹale ye ivira'a na la'at qataq ana lapaxa na 'etaxat da ỹalaxaguet?»

Mateo 16:4

Qami' qauỹaxañiitaique ca na'anec, cha'aye qami' qauemaiqa qataq saishet da qauauoitaique da qaua'amqaanataxañi. Qalaxaye saishet da qami' qoỹanema ca na'anec, nachaqrata dam huaigui co'ollaxa so na'aqtaxanaxanec Jonás. –Qaq co'ollaxa ime da nasaxauec de'era So Jesús, nache ca'ai somayepi.

Mateo 12:39

Nache So Jesús 'enapeco': –Qami' maye qami' qauemaiqa, qataq saishet da qaua'amaqchiñi Ñim Lo'onatac 'Enauacna, Aỹem qauỹaxañiitacot da qami' sanema ca la'anaxat da Aỹem Lamaxashec Ñim Lo'onatac 'Enauacna. Qalaxaye nachaqrata dam qami' sanema dam huaigui co'ollaxa so la'aqtaxanaxanec Ñim Lo'onatac 'Enauacna, le'enaxat Jonás:

Mateo 3:7

Qalaxaye so Juan co'ollaq ila'a da ỹataqta qalota so chegaqaigui na fariseopi qataq so chegaqaigui na saduceopi da anac da huotaique da nachelaxan, nache somaye 'enapega, 'eeta': «¡Qami' maye qoñiita'am da lataxac ca na'araxanaq! ¿Qaupicheetega peta'a da qami' ỹe't da lhuaxanaxanaxac Ñim Lo'onatac 'Enauacna maye naỹa'acna?

Jeremías 4:14

'Am Jerusalén, ñaq 'auỹoueeguesop na qauem añi 'arquiyaqte, yaqto' 'anca'alec. ¿Chaq laguio', qaq 'axanec na qauem nhuennataxacpi maye huetaigui na 'arqaic?

Salmos 78:8

Yaqto' saishet da 'eeta'am som hua'au chegoxoguetpi, maye sa ỹalaq qataq qaica ca ỹaỹaanapec, saishet da ỹataxalec da lquiyaqteỹaxac qataq naua lhuennataxaco, som shiỹaxauapi maye saishet da ỹoqta quetegue Ñim Lo'onatac 'Enauacna.

2 Reyes 5:8

Nache so Eliseo, maye la'aqtaxanaxanec Ñim Lo'onatac 'Enauacna, co'ollaq la'axaỹaxac da so nta'a ye Israel, ncolaxata'aisalo soua alogo, nache ỹamaxaua'a da la'aqtac, 'eeta': «¿Ta'ainco' da 'ancolaxata'aisalo naua 'ogo? Ñaq aỹem 'anamaxa qome que'eca ỹale, yaqto' ỹaỹaten da ne'ena Israel, huo'o ne'ena na'aqtaxanaxanec.»

Números 14:27

«¿Chaq laguio' da ime da lleueeta'agueta naua qauema ltaxaỹaxaco ne'ena qauem shiỹaxauapi? Cha'aye Aỹem mashe ña'axaỹaxaategalo naua ỹataqta qauema ltaxaỹaxaco da Aỹem quetapeguelec ne'ena Israel le'ecpi.

Números 14:11

nache Ñim Nataxala' 'enapega so Moisés, 'eeta': «¿Che laguio' da ỹaxaañi da Aỹem inogoqchettac ne'ena shiỹaxauapi? Qataq ¿Chaq laguio' da ỹaxaañi da Aỹem sa ỹa'amaqten, qamaq qalota so sachaxana na'anecpi?

Éxodo 16:28

Nache Ñim Nataxala' 'enapego' so Moisés, 'eeta': «¿Chaq laguio', qaq qami' qaỹa'axañiiñi da sa qaualaqailec na ỹamaxasoxonaxacpi qataq na ỹapaxaguenataxanaxacpi?

Éxodo 10:3

Nache so Moisés qataq so Aarón, nqo'ooreua'a so faraón nache 'enapegalo', 'eeta': «Ñim Nataxala' maye Natamnaxala' na hebreopi da la'aqtac, 'eeta': ¿Chaq lagui qaq 'am ishet da 'aỹa'axaañi da 'anapagaqaanaxac? 'Aua'aqta'a qome da jec na ỹalamaxatpi, da yaqto' Aỹem natamnot.

Marcos 10:49

Nache So Jesús vi'iiguet, nache 'enapeco': –Ña qauỹaxañiỹa ñimaye. Nache qaiỹaxana so qanamaic, nache qoỹeetega, qoỹeeta': –Saishet da 'añi'i, qoñisheguem 'auanac, cha'aye 'am nỹaxana damaye.

Marcos 10:14

Qaq So Jesús co'ollaq ỹauaachigui de'era, nache dalemataỹalo soua lapaxaguenataqa. Nache 'eetegalo soomaye, 'eeta': «Ña qauaqaita'a na ñaqpiolec da Aỹem naua'a, saishet da sa qanashiñiiguet, cha'aye da lo'onataxanaxac Ñim Lo'onatac 'Enauacna, taigui cam 'eeta'am da lataxac ne'ena ñaqpiolec.

Mateo 23:36

Qaq ỹataqta 'eesa de'era qami' sa'axatema da 'enauac da qoñiita qaỹauo'o qome ca qanhuaxanaguiiqui souaxat de'era.

Mateo 12:45

Ime, nache ỹe'eguelaqtec da ỹe'eguena'alo soua lỹa't siete saqcha'a na'añaxac leguemaxaiqa maye ỹataqta napacaleguete somaye, nache taigui que'eca shiỹaxaua. ¡Huaña, nache que'eca shiỹaxaua ỹataqta ỹactec da aloic, saq 'ena'am so hua'auchiguiñi co'ollaq 'oonolec so netaigui saqcha'a na'añaxac leguemaxaic! Qaq 'era da 'eetec nataqa'en qome ca qaviyeeguet, cha'aye qami' qauemaiqa.

Mateo 11:28

Qami' maye nache 'eetai' da qoviitaigui da qarhuogoqoi, qataq da qarachetataiqui. Qauanaiua'a Aỹem yaqto' qami' ñimataxaare'c.

Lucas 9:40

Qaq mashe sogote da ñachoxoreetacoto daua 'arapaxaguenataqa da ỹo'oldaue'c ñi'iñi saqcha'a na'añaxac leguemaxaic, qalaxaye saishe't.

Lucas 9:42

Qaq co'ollaq mashe saq qaỹapeque se'eso nsoq, nache so saqcha'a na'añaxac leguemaxaic huañi naqa'en somaye, nache ỹo'otec da lta'araic lviloxolaxa na lo'oc. Ime, nache So Jesús nlaxa se'eso saqcha'a na'añaxac leguemaxaic. Nache nataren se'eso nsoq. Ime, nache ỹe'eguelaxatot so lta'a.