Lucas 9:38 - La'aqtaqa Ñim Lo'onatac 'Enauacna 2013

³⁸ Nache huo'o so ỹale ỹalectaigui so shiỹaxauapi nquigueua'a So Jesús, nache 'enapego' 'eeta': –'Am Napaxaguenataxanaq, 'am ñachoxonnot da 'autauan da 'oonolec ỹalec.

Nuevo Testamento Toba Sur

³⁸ Nachi huo'o so shiÿaxaua detaqa, ÿataqta n'axannec da l'aqtac, chimaqtoigui se'eso shiÿaxauapi, 'eeta': –'Am mayi 'auapaxaguenataxaatac, ña 'aumeten yi ÿalec. Ten, nachaqyita 'oonolec ÿalec.

Nuevo Testamento Toba Sombrero Negro

³⁸ Qama'le 'uo ñe'me jiyaĝaua jo'ne uetaue ga'me jiyaĝadipi eetojo' ga'me 'laqatac jo'ne netenec: —Jaliaĝanec, am ñachoĝodenot, auec'aten jena'me yalec jo'ne nach'enata da'me jauana;

Lucas 9:38 Referans Kwoze

Juan 4:47

Qaq se'eso huataxanaq lta'a co'ollaq la'axaỹaxac So Jesús da chegaqa'ague da 'alhua Judea da mashe nvita ye 'alhua Galilea, nache nqo'ona cam hueta'a, nache nachoxoreetacot Somaye, da yaqto' taỹa ca lma' da nataren so llalec maye mashe ileetapigui'.

Lucas 7:12

Qaq co'ollaq mashe ivildeua'a so ñegueuo se'eso nỹecpi, nache ỹauaategueta soua ỹale't da ỹachetra'c so nsoqolec maye leuaxaic da ilayiñi. Se'eso saqca, somaye ỹataqta 'oonolec llalec aso pa'ai. Qaq qalota so shiỹaxauapi yi'iye qanayeeta'a da nnaictague' aso 'alo maye ỹataqta lta'araic da lachoxoyec.

Zacarías 12:10

Qalaxaye nam chegoxoguetpi so David, qataq nam hueta'a na Jerusalén secorelec qome dam saqcha'a 'achecỹaxac qataq da atamnaxac. Huaña nache Aỹem ỹamato'ot, Aỹem maye aỹem ỹalauat, nache nỹen 'eeta'am da nỹeetapeguelec ca 'oonolec llalec, huo'otaq ca llalec ỹe.

Mateo 15:22

Nache huo'o aso 'alo maye lma' yi'iye 'alhua asom chegaqaigui nam iỹaxana naxa na judiopi qalaq Cananeo, asomaye naua'a So Jesús, nache na'axanneque naua la'aqtaqa, 'eeta': –¡'Am Ỹataxala' maye 'am Lca'aguishec Ñim Lo'onatac 'Enauacna, aỹem 'auchoxoren qome aỹem 'autauan! ¡Añi ỹale huo'o so netaigui saqcha'a na'añaxac leguemaxaic maye ỹo'ottac da lta'araic nque'eenaxac!

Génesis 44:20

nache qomi' 'am sasataxaguet da ñaq huo'o ñi qarta'a maye mashe ỹa'axaiquiolec, qataq ñi qarqaỹa maye ñaq nsoqolec. Ñim ñiguiñi co'ollaq mashe ỹa'axaiquiolec ñi qarta'a. Qataq nataqa'en 'am sa'axataqtapeguem da ñi qarta'a ỹataqta lauotaxat ñimaye, cha'aye Nacheñita ñimaye da no'onañi llalec aso lhua, cha'aye so lỹa lqaỹa mashe ileu.

Lucas 9:37

Qaq so lỹa na'a'q co'ollaq So Jesús qataq soua tres lapaxaguenataqa huenotreeguesop aso qaỹoqotcheguemec 'alhua, nache nateera'aguet so qalota shiỹaxauapi.

Lucas 9:39

Huo'o so saqcha'a na'añaxac leguemaxaic imattaigui, nache ỹa'alaqchettac naxa. Qataq nataqa'en iviloxolaqchet qataq anac naxa naqa'en na lcoche na alap. Qaq naxa da ca'ai, nache ỹataqta qaica naqa'en ca lyac.