Lucas 9:35 - La'aqtaqa Ñim Lo'onatac 'Enauacna 2013

³⁵ Ime, nache qaỹa'axaỹa so nvilỹaxac chemaxaigui so lo'oc, 'eeta': «¡'Era da Ỹalec maye Ica'aguishec! Qaq qami' iuen da ỹataqta qaualaqaiguet.»

Nuevo Testamento Toba Sur

³⁵ Nachi qai'axaÿa so nvilÿaxac, chimaxaigui so l'oc, 'eeta': –'Eda da ÿalec mayi ÿauotaxat, damayi qan'axaÿaxañiÿa.

Nuevo Testamento Toba Sombrero Negro

³⁵ Qama'le ga'me piyem lo'oc chimaqapegoue ga'me nejamaĝa jo'ne enaac: “Jenjo' mach'e yalec jo'ne yiquiyac: ¡'noota qom anaquiaĝañiya!”

Lucas 9:35 Referans Kwoze

Lucas 3:22

qaq So Saqcha'a Na'añaxac Qui'itta naỹaña Somaye, 'eeta'am na qoto' ỹataqta yo'oqta. Ime, nache chemqot na piguem so na'aqtac, 'eeta': «'Am maye nache 'am ỹalamaxat Ỹalec, 'am ỹauotaxat, Aỹem ỹataqta 'am ñetootapeguec.»

Mateo 3:17

Qataq qaỹa'axaỹa so na'aqtac chemqot na piguem, 'eeta': «'Era da ỹalamaxat Ỹalec damaye ỹataqta ỹauotaxat, qaq ỹoqo'oye ỹataqta ñetootapeguec.»

Hebreos 5:9

Nache co'ollaq So Cristo da ỹo'ot 'enauac nam ỹamaxalec Ñim Lo'onatac 'Enauacna, nache Somaye ivira'a da Nca'alaxaqui da ỹami' da nca'alaxa chochaq tatec 'enauac nam ỹalaq.

Hebreos 3:15

Ỹoqo'oye ana nere maye huetalec na la'aqtacpi Ñim Lo'onatac 'Enauacna 'eeta': «Nagui da qami' qaua'aqaichigui ca 'enapec Ñim Lo'onatac 'Enauacna, qalaq saishet da qami' qaramchiguilo, da qoñiita'am co'ollaxa so Israel le'ecpi maye saishet da huotaique da ỹalaq.»

Isaías 42:1

«'Ena na ỹamaxashec maye ñasoqtañi, nam ica'aguishec maye saỹamaxareeta, namaye sanagui so Saqcha'a ỹa'añaxac da yaqto' nda'a ca nalochiguiñi lataxac na ỹotta'a't shiỹaxauapi.

Hebreos 2:3

qaq ỹataqta 'eesa qone' da huo'o ca qanhuaxanaguec da saishet da ñetelaqa'a de'era nca'alaxa maye ỹataqta qaica ca 'ena'am. Cha'aye So Qarataxala' nacheso so la'auaxanec da ỹa'axat de'era nca'alaxa, qataq nam na'axaỹaxaatega co'ollaxa de'era na'aqtaxanaxac nataqa'en qomi' ỹachaxanalo da ỹataqta 'eesa.

Juan 3:16

Cha'aye Ñim Lo'onatac 'Enauacna ỹataqta lta'araic da lauotaxanaqtaic na shiỹaxauapi ana 'alhua, nache ỹan na 'oonolec Llalec. Yaqto' 'enauac nam ỹa'amaqten namaye saishet da ileu, nachaqrata da huo'o da lca'alaxa maye chochaq tatec.

Mateo 12:18

«¡Ñaq qauloỹa na ica'aguishec, nam maiche seỹaxana da yaqto' Aỹem do'onataxanot! Aỹem ỹataqta ỹauotaxat namaye. Namaye ỹataqta Aỹem nlaxatchigui da ñetonaxac. Qaq Aỹem sanaigui namaye da lta'araic Saqcha'a Ỹa'añaxac, da yaqto' ỹa'axatem da nalochiguiñi lataxac, 'enauac nam ỹotta'a't shiỹaxauapi.

Marcos 1:11

Nache qaỹa'axaỹa so na'aqtac chemqot na piguem, 'eeta': «'Am maye nache 'am Ỹalec ỹauotaxat, Aỹem ỹataqta 'am ñetootapeguec.»

Lucas 9:34

Qaq co'ollaq ña detaqtac, nache anac so lo'oc chegoqo'ot na piguem ỹataqta ipelteeleguete 'enauaque soomaye. Nache se'esoua tres napaxaguenataqa ỹataqta lta'araic da lcolanaqa'.

Juan 12:28

Nachaqrata da shenapega Ñimaye, sheeta': «'Am Ita'a ñaq 'auachaxana na shiỹaxauapi da 'ara'añaxac.» Huaña, nache qaỹa'axaỹa so nvilỹaxac, chemaqot na piguem, 'eeta': –Mashe sogote da sachaxan da ỹa'añaxac, qalaxaye nagui qaltaq she'eguelaxalec da sachaxan.