Lucas 9:34 - La'aqtaqa Ñim Lo'onatac 'Enauacna 2013

³⁴ Qaq co'ollaq ña detaqtac, nache anac so lo'oc chegoqo'ot na piguem ỹataqta ipelteeleguete 'enauaque soomaye. Nache se'esoua tres napaxaguenataqa ỹataqta lta'araic da lcolanaqa'.

Nuevo Testamento Toba Sur

³⁴ Qaq co'ollaq ña detaqtac, nachi anac so l'oc ÿataqta ipelteelguete, nachi ÿataqta huo'o da lcolanqa' co'ollaq iloda'a da huejdaigui somayi.

Nuevo Testamento Toba Sombrero Negro

³⁴ Mane'e ca'li cha'li dojetac, qama'le needañe ga'me piyem lo'oc jo'ne yapadelo'te jogaa'me: ca'li yauata da'me uedaue ga'me lo'oc jogaa'me tres qama'le jalcote da'me t'oi'y.

Lucas 9:34 Referans Kwoze

Apocalipsis 1:17

Qaq can sela'a, nache souañi, ñalo'oto naua lchel Somaye, 'eeta'am da seleu. Qalaxaye Somaye ỹauota'a na lhuaq aloic da aỹem ỹashel-lec, nache aỹem 'enapega, 'eeta': Saishet da 'añi'i. Aỹem maye Nachaỹem la'auaxanec, qataq Aỹem maye Nachaỹem sepa'atec,

Daniel 10:8

Qaq nache Aỹem 'oonolec da ño'onañi co'ollaq huo'o se'eso lta'araic ỹauanaqchec, nache aỹem ỹataqta ñapagaqtec, qataq ñanomteguet da qaica ca ỹa'añaxac.

Isaías 19:1

Qaỹa'axata'a dam talec qome ye Egipto. Ña qauloỹeeguet nam Nataxala', netalec na ỹataqta qayaqaic lo'oc na piguem da naỹa'a ye Egipto. Qaq nam atamnaxala'pi ye Egipto qalaq iviloxol qom nvi' namaye, qataq nlaxagui qome da lli'iỹaxa ye Egipto le'ecpi.

Jueces 13:22

nache somaye 'enapega aso lhua, 'eeta': Yo'oqta da seleuaq qome, cha'aye mashe ñauanaxai' Ñim Lo'onatac 'Enauacna.

Jueces 6:22

Qaq huaña nache so Gedeón, nanoma da detaqtague' so nale Ñim Nataxala', nache 'enapeco': «¡Aicoue, 'Am Ỹataxala' maye Ñatamnaxala'! ¡Aỹem ñauane' so 'anale piguem le'ec, qataq ỹataqta satata'aguet!»

Lucas 9:33

Qaq co'ollaq so Moisés qataq so Elías da mashe huotaique da ca'aisalo Somaye, nache so Pedro 'enapego' So Jesús, 'eeta': «'Am Napaxaguenataxanaq ¡Maye saq no'on ye souaqta'a ne'ena! Da 'auaỹamaxareeta, nache aỹem so'ot caua tres qaya'axaquilli', 'oonolec ca 'arma', qataq da Moisés qataq da Elías.» Qaq so Pedro sa ỹaỹaten ca naigui de'era la'aqtac.

Lucas 9:35

Ime, nache qaỹa'axaỹa so nvilỹaxac chemaxaigui so lo'oc, 'eeta': «¡'Era da Ỹalec maye Ica'aguishec! Qaq qami' iuen da ỹataqta qaualaqaiguet.»