Lucas 9:33 - La'aqtaqa Ñim Lo'onatac 'Enauacna 2013

³³ Qaq co'ollaq so Moisés qataq so Elías da mashe huotaique da ca'aisalo Somaye, nache so Pedro 'enapego' So Jesús, 'eeta': «'Am Napaxaguenataxanaq ¡Maye saq no'on ye souaqta'a ne'ena! Da 'auaỹamaxareeta, nache aỹem so'ot caua tres qaya'axaquilli', 'oonolec ca 'arma', qataq da Moisés qataq da Elías.» Qaq so Pedro sa ỹaỹaten ca naigui de'era la'aqtac.

Nuevo Testamento Toba Sur

³³ Qaq co'ollaq mashi yaqta'a da queda'aisalo so Jesús se'esoua shiÿaxa'u, nachi so Pedro 'enapeco': –'Am mayi 'auapaxaguenataxaatac, ¡'onaxáictaxa da nachi souaqta'a ne'ena! Qaq so'ota'q caua tres qayi'axaquilli', 'am 'oonolec ca 'adma', qataq da Moisés qataq da Elías. Qaq so Pedro sa ÿaÿaten ca naigui de'eda l'aqtac.

Nuevo Testamento Toba Sombrero Negro

³³ Ca'li jaajo' jiyaĝa'u male queda'e ñe'me Jesús, ñe'me Pedro enaac: —Jaliaĝanec, ¡yataqachiñe 'noota da'me jouaqa'ta jena'me jenjo'! Nayi jauoqo'oe tres gaa'me nepele'ete: onolec ga'me adoĝot, laqaya Moisés loĝot, ga'me laqaya mach'e Elías loĝot. Qalaĝaja Pedro ja nome'ye ga'me nenaĝategue.

Lucas 9:33 Referans Kwoze

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

Juan 14:8

Nache so Felipe 'enapego' 'eeta': –'Am Qarataxala', ña qomi' 'auachaxanalo ca Qarta'a. Qaq 'era nachaqrata seuenaqtac.

Lucas 5:5

Nache so Pedro 'enapeco': –'Am Napaxaguenataxanaq, qomi' imauec so pe da sha'acoqtac, qalaq qaica ca qaralliiguishec. Qalaxaye 'am da aỹem 'auamaq, nache nagui sasaxañi na ỹaleguec.

Marcos 10:38

Nache So Jesús ỹasat, 'eeta': –Qami' sa qauaỹachiñi ca llec da qauỹaxañiitapegueua'a. ¿Qami' lhuotte' peta'a da qanque'etaxañiigui na qauemsat maye Aỹem talec?

Mateo 17:14

Qaq co'ollaq mashe ivitra so hueta'a so shiỹaxauapi, nache huo'o so ỹale nqocheneua'a So Jesús. Nache ỹa'aroto naua l-llectel,

Salmos 73:28

Qalaxaye aỹem ñiquigueua'a Ñim Lo'onatac 'Enauacna, cha'aye nachera da ỹaỹamaqchiguiñi ñaqa'en. Cha'aye aỹem sacho'ot da ñaquitaxac Ñim Nataxala', yaqto' ishet da sa'axatec 'enauac nam lo'onatacpi Ñimaye.

Salmos 27:4

Qaq 'oonolec da seỹaxaatapegueua'a qataq 'oonolec da ñeqopittega da aỹem ỹami' Ñim Nataxala', qaq damaye 'eeta': sootaua'a añi atamnaxaqui maye lalamaqte Ñim Nataxala' 'enauaque naua na'axa'te da ñachaalataxac, da yaqto' ñatameetac da sootaigui añimaye, qataq da semeteetac da lyacỹaxac Ñimaye.

Mateo 17:4

Nache so Pedro 'enapega So Jesús, 'eeta': «'Am Qarataxala', ¡'onaxaictaxa da nache souaqta'a ne'ena! Da 'am 'auaỹamaxareeta, nache so'ota'q caua tres qaya'axaquilli', 'oonolec ca 'arma', qataq da Moisés, qataq da Elías.»

Lucas 9:34

Qaq co'ollaq ña detaqtac, nache anac so lo'oc chegoqo'ot na piguem ỹataqta ipelteeleguete 'enauaque soomaye. Nache se'esoua tres napaxaguenataqa ỹataqta lta'araic da lcolanaqa'.

Lucas 9:49

So Juan maye 'oonolec soua doce napaxaguenataqa 'enapega So Jesús 'eeta': –'Am Napaxaguenataxanaq, qomi' huo'o so 'oonolec ñatenaqalec da do'otaxaatega da 'are'enaxat da ỹo'otteguec na saqcha'a na'añaxac leguemaxaicpi maye netaigui na shiỹaxauapi. Qalaxaye qomi' shenaqtega somaye da saishet da, nache 'eetec de'era, cha'aye somaye saishet da qomi' ỹalectaiguilo.