Lucas 9:32 - La'aqtaqa Ñim Lo'onatac 'Enauacna 2013

³² Qaq so Pedro qataq soua lỹa't napaxaguenataqa mashe do'ochete'. Qalaxaye saqaỹaloq da nlorec, nache ila'alo So Jesús da huetaigui da llo'oxoyec, huaqta'ato so Moisés qataq so Elías.

Nuevo Testamento Toba Sur

³² Qaq so Pedro qataq soua lÿa't ÿataqta sa l'axaic na l'ochaqa', qalaxayi ishit da nlodeec. Nachi ÿauaachiyigui da lli'oxoyic so Jesús qataq soua dos shiÿaxa'u mayi hueta'agueta somayi.

Nuevo Testamento Toba Sombrero Negro

³² Pedro choqogaa'me laqaya' yataqachiñe 'nochetedapiñe ca'li; qalaĝaja 'nañaĝatela'ajalo da'me nelotedaye, qama'le yauata da'me 'lonaĝac ñe'me Jesús nataq'aen gaa'me dojolqa jiyaĝa'u jo'ne ueteda'ajop joñe'me.

Lucas 9:32 Referans Kwoze

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

Daniel 8:18

Qaq so ñaq aỹem da'aqtaxaateguem somaye, nache aỹem secopche, nache sootaiya', qalaxaye somaye aỹem ỹacoosop, nache aỹem nachalataxaañi,

Daniel 10:9

Qaq co'ollaq sa'axaỹa somaye da detaqa, nache secopche nache souañi, nache sootaiya' soota'aguet na 'alhua.

2 Pedro 1:16

Co'ollaq qami' sapaxaguenaqtapegueeque da la'añaxac So Qarataxala' Jesucristo qataq da lle'eguelaxasoxoc, nache qomi' saishet da maiche so'otaq ca qara'aqtaxanaxac, nachaqrata da ỹataqta ñimaqa'ai' co'ollaxa da seloqtagui de'era lta'araic la'añaxac So Qarataxala'.

Juan 17:24

'Am Ita'a, naua Aỹem ca'attegueto naamaye Aỹem 'aỹa'anema, qaq ỹoqo'oye ñeshetaique da naamaye Aỹem hueta'agueta cam soota'a, yaqto' ỹauaachigui cam na'añaxac maye Aỹem 'aỹa'anem. Cha'aye nale'ena co'ollaxa da ỹataqta Aỹem 'auauotec co'ollaq saxanaqaca ana 'alhua.

Isaías 60:19

Qaq huaña nache saishet da 'auen da añi nala' 'am icoỹattalec ye na'a'q, qataq ñi ca'agoxoic da 'am icoỹattalec ye pe, cha'aye Aỹem Nataxala', nachaỹem qome maye chochaq tatec 'arcoỹaraxanaxat, Aỹem maye 'Anatamnaxala', nachaỹem qome 'am secoỹattalec.

1 Juan 3:2

Qami' ñauochaxau' ỹaqaỹa't, ¡qomi' mashe qomi' llalqa Ñim Lo'onatac 'Enauacna! Qaq na'aictaxa da saxanaxa da saỹatenaqta cam 'eeteque qomi' cam ñaq natauo na'a'q, nachaqrata da saỹatenaq da So Jesucristo qom ỹoltaq nachaxan, nache shenaqta'am Somaye, cha'aye ỹataqta ñimaqa'ai' da seloqto'ot qome.

Marcos 14:40

Ime, nache qaltaq ỹe'eguelaxa cam huetra'a soua tres lapaxaguenataqa, nache ỹoltaq ilaleguete da do'ochete', cha'aye sa nalo'ogueta na lo'ochaqa', cha'aye ỹataqta nasamyiñi. Nache So Jesús nquetoxo'n soomaye, qalaxaye soomaye sa ỹaỹate'n ca la'aqta'c.