Lucas 9:29 - La'aqtaqa Ñim Lo'onatac 'Enauacna 2013

²⁹ Qaq co'ollaq ñaq nqouagaxaueetac, nache da lasheguiỹaxac nqochen, qataq soua alogo ỹataqta ỹapaga'q qataq qashelectrapiguiñi.

Nuevo Testamento Toba Sur

²⁹ Qaq co'ollaq queta da nqouagaxaueetac, nachi da lashiguiaxac nqochin, qataq soua alogo ÿataqta ÿapaga'q qataq qashilectrapiguiñi.

Nuevo Testamento Toba Sombrero Negro

²⁹ Qama'le mane'e ca'li cha'li netametac, da'me 'loyaĝac ga'me latajoĝoc male neleguemaĝat, nataq'aen ga'me leuo yataqachiñe yapaga't nataq'aen 'uo da'me laqaselegaĝac.

Lucas 9:29 Referans Kwoze

Mateo 17:2

Huaña yemaye, nache nqochen da lataxac, ỹauaachiguilo soomaye. Na lashec co'ollaxa Somaye ỹataqta 'eroigui, 'eeta'am añi nala', qaq soua alogo qalaq ỹataqta ỹapaga'q, 'eeta'am na le'eraxa añi nala' da mashe laiñi ye na'a'q.

Apocalipsis 20:11

Qaq can ime de'era, nache sela'a aso late'erai so'onaxaqui lapagaxai qataq som nso'ootangui asomaye. Huaña, nache ana 'alhua qataq na piguem ỹataqta nlagaxatapec, nache qaica ca ishet da qaltaq ila'a.

Isaías 53:2

Ñim Nataxala' maiche lhuennataxa co'ollaxa da ñim lamaxashec 'eeta'am da lañaxataxac aca nañiguishe da saxanaxa da da'añi maye naua lpa'aye taiguilo cam deqaqta 'alhua. Nache qaica ca lyac qataq ca llo'oxoyec, da lataxac qalaq saishet da qaiqopittaua'a,

Isaías 33:17

Qaq huaña nache qaltaq qauloỹa'a qome ca nta'a maye huo'o da llo'oxoyec, qataq qauloỹa'a qome ca 'alhua maye ivira'a cam ỹataqta qaỹoqta.

Hechos 6:15

Nache se'eso nta'alpi maye 'amaqtaqaicpi qataq 'enauac som laỹepi, co'ollaq ỹamato'ot so Esteban, nache ila'a na le'eraxa na lashec da ỹataqta 'eeta'am da lasheguiỹaxac nam namaxashec piguem le'ec.

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

Marcos 16:12

Ime co'ollaxa, nache So Jesús qaltaq nachaxanalo soua dos lapaxaguenataqa maye taỹaugalo so no'onaxa.

Lucas 3:21

Qaq co'ollaq so Juan imat da nachelaxaatac 'enauac so shiỹaxauapi, nache anac nataqa'en So Jesús da yaqto' qanachelaxan. Qaq So Jesús co'ollaq ña nqouagaxaueetac, nache na piguem nauatoigui,

Lucas 5:16

Qalaxaye So Jesús, nache 'eetai' naxa da nmittaique cam huaña da ishet da 'oonolec da yaqto' nqouagaxauen.

Lucas 6:12

Qaq se'esoua na'axa'te So Jesús tasheguemec aso saqaỹoqotcheguemec 'alhua da yaqto' nqouagaxauen, nache imattec se'eso pe da na'aqtaxaatague' Ñim Lo'onatac 'Enauacna.

Lucas 9:18

Huo'o so huaña, nache So Jesús nqouagaxaueetac 'oonolec, nache soua lapaxaguenataqa ivildeuga ca hueta'a Somaye. Nache So Jesús inatta'apo' soomaye, 'eeta': –¿Ca 'eetec naxa ca la'aqtac na shiỹaxauapi da Aỹem na'aqtaxaatapigui?

Lucas 9:30

Huaña, nache nachaxa'n so Moisés qataq so la'aqtaxanaxanec Ñim Lo'onatac 'Enauacna le'enaxat Elías,