Lucas 9:27 - La'aqtaqa Ñim Lo'onatac 'Enauacna 2013

²⁷ Ỹataqta 'eesa de'era qami' sa'axatema, da huo'o nagui na ỹalectauo da saxanaxa qome da ileu, qom huo'otaq saxanaxa da ilogui da 'eetec qom ilo'ogue 'enauacna Ñim Lo'onatac 'Enauacna.»

Nuevo Testamento Toba Sur

²⁷ Ÿataqta 'eesa da qami' sa'axatema da huo'o nagui na ÿalectauo da saxanaxa qome da ileu qom huo'otaq saxanaxa da ilogui da 'eetec qom ilo'ogue 'enauacna ñi Dios.

Nuevo Testamento Toba Sombrero Negro

²⁷ Eja da'me ami ja'aĝatema queda'me nayi uo'oe gaa'me jo'ne ueteda'a jena'me jenjo' cha'li ja yele'u chayovida'a qom yauata da'me lejaliaĝa joñe'me Dios.

Lucas 9:27 Referans Kwoze

Mateo 16:28

Qaq ỹataqta 'eesa de'era qami' sa'aqtaxanema, da huo'o qome ca 'oonolec da qoñiita maye ỹalectauo nagui cam saishet qome da ileu, qom saxanaxa da ilogui da selo'ogue 'enauacna.»

Marcos 9:1

So Jesús nataqa'en 'enapeco': –Ỹataqta 'eesa de'era qami' sa'axatema, da huo'o nagui nam ỹalectauopi nam saxanaxa qome da ileu, ivitta'a da ỹauaachigui da lo'onataxanaxac Ñim Lo'onatac 'Enauacna qataq da la'añaxac da ilo'ogue 'enauacna.

Lucas 22:18

Cha'aye Aỹem shenapec nagui da saishet da qaltaq she'eguelaxalec da ñeỹomgui ne'ena lli'i ana uva, nato' qom nvi' ca lo'onataxanaxac Ñim Lo'onatac 'Enauacna.

Hebreos 2:9

Qalaxaye Ñim Lo'onatac 'Enauacna qomi' ỹauoteque, nache namaxalec ana 'alhua So Jesús da qomi' nca'alaxatre'c, chegoqchigui da l-leuaxa. Ỹoqo'oye na'aictaxa da Ñim Lo'onatac 'Enauacna da cara'ac co'ollaxa da ỹasheeteguet So Jesús da nquicchiguiñi da la'amaqchec saq 'ena'am na lamaxashecpi piguem le'ecpi, qalaxaye nagui Somaye nachaqsota da qaỹo'oxoreetac souaxat da qaica ca 'ena'am la'amaqchec.

Lucas 2:26

Qataq 'enapec co'ollaxa da saishet da imeuo da nachaalataxac qom saxanaxa da ilogui ca Lca'aguishec Ñim Lo'onatac 'Enauacna maye ỹachaxanapec co'ollaxa.

Marcos 14:25

Nache pa'atec nagui da qami' ñeỹomaxau', ne'ena lataxa maye lli'i ana uva. Qalaxaye qom ivita da llaponaqta'a't da sonaqtaigui da lo'onataxanaxac Ñim Lo'onatac 'Enauacna, huaña, nache ñeỹomaxagui ca dalaxaic lataxa.»

Juan 16:7

Qalaxaye ỹataqta 'eesa de'era qami' sa'axatema, maye 'eeta': Aỹem ỹaỹamaqchiguiñi da ashec souaxat da qoñiita. Cha'aye da saishet da ashec, nache ca Saqcha'a Na'añaxac maye qami' itaua'n qataq qami' ỹa'añaqche't saishet da anac. Qalaxaye da Aỹem ashec, nache ñamaq Camaye.

Juan 8:59

Huaña, nache soomaye ỹaconalo na coma' da ỹauotaique da ỹasa'q So Jesús. Qalaxaye Somaye nqañoxotoigui na shiỹaxauapi, ime nache ca'ai aso no'onaxanaxaqui late'erai.

Juan 14:2

Cha'aye ye lma' Ñim Ita'a ỹataqta qalota ye ndaqa'pi. Qaq da saishet da 'eetec taxa de'era, nache saishettaxa da qami' sa'aqtaxanema da sheeta', ashec da seqataxanai' ca qarmaye.