Lucas 9:24 - La'aqtaqa Ñim Lo'onatac 'Enauacna 2013

²⁴ Cha'aye da huo'o ca ipettega da nachaalataxac da ỹactec da 'onaxaic, saq 'ena'am da Aỹem quegue, nache camaye da nachaalataxac deqat. Qalaxaye da huo'o ca ỹaỹamaxareeta qataq lca'aua'a da ileualec Aỹem, nache camaye nca'alec.

Nuevo Testamento Toba Sur

²⁴ Cha'ayi ca nshitaique da nachi 'eetai' da nca'altauec, qaq nachica ca daqat da nachaalataxac. Qaq ca daqat da nachaalataxac souaxat aÿim, qaq nachica ca jec da nca'altauec.

Nuevo Testamento Toba Sombrero Negro

²⁴ Qa'a ga'me te'me yauotec da'me jo'ne jetaque nec'alaĝategue ñe'me lepaqal qaedi ja yeleu, yataqachiñe ja yaqanatet, dite da'me yema qodoĝotaĝanec. Qalaĝaja ga'me jo'ne jetaque nemela't ñe'me lepaqal qa'a yajouaĝat da'me jayem, nach'ega jo'ne qonec'alaĝategue qomle.

Lucas 9:24 Referans Kwoze

Lucas 17:33

Cha'aye ca nshetaique da maiche nca'alaxatec da nachaalataxac, nache camaye deqat. Qalaxaye cam iqataqchet da nachaalataxac souaxat Aỹem, nache camaye qanca'alaxatec.

Juan 12:25

Ca ndotec da ỹauotec da maiche nachaalataxac, nache camaye ishet da deqat, qaq cam sa ỹauotec da nachaalataxac nagui da ñaq hueta'a ana 'alhua, nache camaye qaỹaỹamaxat da nachaalataxac da yaqto' chochaq tatec.

Apocalipsis 2:10

Saishet da 'añi'iỹa nam 'aỹa'aguet 'anque'eenaxacpi. Cha'aye so pa'aguenataxanaxaic, huo'o qome ca ỹamaxaigui añi ncoñetaxanaxaqui da qoñiita, da yaqto' ỹaỹaten da 'eesa da Aỹem qaua'amaqchiñiitac. Qami' ỹataqta qalota qome na qaviyeeguet lqalaic, qalaxaye saq qaỹauec. Qaq da huo'o da qarpi'iỹaxaqui Aỹem choche ivitta'a da qaullivi, nache Aỹem qami' sanema da nca'alaxa maye chochaq tatec da qaraviguiiqui.

Apocalipsis 12:11

Cha'aye da l-leuaxa Ñi Qagueta Llalec, qataq da na'aqtaguec Ñimaye, nachera da iqallem. So qarqaỹañicpi saishet co'ollaxa da ñe'etac, nachaqrata da ỹan da nachaalataxac da qaỹalauat.

Hebreos 11:35

Huo'o na 'alpi nataqa'en huo'o da lpi'iỹaxac Ñim Lo'onatac 'Enauacna, ỹoqo'oye Ñimaye ỹo'otec da na llalaqpi maye mashe saqca, ỹe'eguelaxalec da qaltaq nca'alec. Qataq huo'o na ỹataqta lta'araic da lpi'iỹaxac Ñim Lo'onatac 'Enauacna, nache saishet da ỹaỹamaxaren da qaisouec. Nachaqrata da hua'aqta'a da qaỹalauat, cha'aye ỹaỹaten da taỹa'a da qaltaq nca'alec, nache ivira ca achaalataxac maye ỹoqta ỹactec da 'onaxaic.

Mateo 10:39

Qaq ca nshetaique da maiche nca'alaxatec da maiche nachaalataxac, nache camaye deqat. Qalaxaye ca saishet da iteetega da nachaalataxac souaxat da Aỹem quetague', nache camaye nca'alec.

Eclesiastés 3:6

Huo'o ye laloqo' da huo'o da nmitaxanaxac qataq huo'o ye laloqo' da qoỹaxaañi damaye. Huo'o ye laloqo' da naỹamaqtaxanaxac, qataq huo'o ye laloqo' da qaỹasaxauec na naỹamaqtac.