Lucas 9:20 - La'aqtaqa Ñim Lo'onatac 'Enauacna 2013

²⁰ Ime, nache So Jesús ina't soomaye, 'eeta': –Qaq qami' ¿Chaq negue't ca qaupicheetega Aỹem? Nache so Pedro 'enapeco': –Qomye nache 'am Lca'aguishec Ñim Lo'onatac 'Enauacna maye 'am namaq.

Nuevo Testamento Toba Sur

²⁰ Nachi ina't soomayi, 'eeta': –Qaq qami' ¿chaq négue't ca qaupichiitega aÿim? Nachi so Pedro 'enapeco': –Qomyi nachi'am nta'a mayi qadca'alaxaqui mayi 'auachigoqo'ot ñi Dios.

Nuevo Testamento Toba Sombrero Negro

²⁰ Qama'le yenatouelo jogaa'me: —Jega ami, ¿jach'e ga'me auepíchitapega da'me jayem? Qama'le Pedro 'yateguet: —¡Mach'e am jo'ne Dios Liquiyac!

Lucas 9:20 Referans Kwoze

Juan 7:41

Qataq huo'o na laỹepi 'eeta': –Damaye nachera da Lca'aguishec Ñim Lo'onatac 'Enauacna. Qalaxaye huo'o na laỹepi 'eeta': –¿Taloxocheyo' da chegoqchiguiña ye 'alhua Galilea cam Lca'aguishec Ñimaye?

Juan 4:29

–Ña qauanaqui, ña qameenaxañeuga da ỹale maye ỹa'axataua'a 'enauac nam so'otpi co'ollaxa. ¡Peta'a nachera da Lca'aguishec Ñim Lo'onatac 'Enauacna maye qaiuattaique!

Hechos 17:3

nache do'ogoxona anamaye da ỹa'axattac da ca Lca'aguishec Ñim Lo'onatac 'Enauacna, iuen da ileu qataq nca'alec. Nache 'enapeco': –So Jesús maye qami' sa'axattapeguema, Somaye nacheso som Lca'aguishec Ñim Lo'onatac 'Enauacna.

Hechos 9:22

Qalaxaye so Saulo lamaaxa nquigaxattec da la'añaxac da ỹachaxaatac So Jesús da nacheso Som Lca'aguishec Ñim Lo'onatac 'Enauacna, choche ivitta'a da ỹataqta sa ỹaỹaten ca 'eetec naqa'en na judiopi maye netaña ye nỹecpi ye Damasco.

Juan 20:31

Qalaxaye de'era qoỹiyiñi, damaye qoỹiyiñi, yaqto' qami' ishet da qaua'amaqchiñi da So Jesús, nacheso Som Lca'aguishec Ñim Lo'onatac 'Enauacna maye maiche Llalec, qataq yaqto' qami' ishet da huo'o da qarca'alaqai chochaq tatec da qaua'amaqchiñi Somaye.

Juan 11:27

Nache asomaye 'enapeco': –Aja', 'am Nataxala'. Aỹem sa'amaqten da nache 'am Lca'aguishec qataq 'am Llalec Ñim Lo'onatac 'Enauacna maye 'am qaỹa'axatta'aguet co'ollaxa da 'auanaỹa ana 'alhua.

Juan 4:42

Nache somayepi 'eetega aso 'alo, 'eeta': –Nagui saishet da nachaqrata da 'ara'aqtaxanaxac da sa'amaqtenaq, cha'aye qomi' nataqa'en maiche ña'axaỹaxanaqtega damaye qataq saỹaanaqta da ỹoqta 'eesa da nachera da Nta'a Lca'alaxaqui nam shiỹaxauapi maye huetalec ana 'alhua.

Juan 1:49

Nache so Natanael 'enapeco': –'Am Napaxaguenataxanaq, nache 'am Llalec Ñim Lo'onatac 'Enauacna, qataq nache 'am Lta'a na Israel le'ecpi.

Juan 1:41

Qaq so Andrés somaye ỹataqta ỹa'auaxaachiguiñi da nqo'ona so lqaỹa Simón, nache 'enapega, 'eeta': –Qomi' ñauanaxai' Ñim Lca'aguishec Ñim Lo'onatac 'Enauacna maye qaiuattaique le'enaxat Cristo.

Marcos 8:29

Nache So Jesús inatta'apo' soomaye, 'eeta': –Qaq qami', ¿negue't ca qaupicheetega Aỹem? Nache so Pedro 'enapeco': –Qomye nache 'am maye 'am Lca'aguishec Ñim Lo'onatac 'Enauacna.

1 Juan 5:1

Da sa'amaqtenaq So Jesús da nacheso So Lca'aguishec Ñim Lo'onatac 'Enauacna, nache 'eesa da qomi' llalaqpi Ñimaye. Cha'aye da sauotaxac Ñim Nta'a, nache iuen nataqa'en da sauotaxac na llalaqpi Ñimaye.

Hechos 8:36

Qaq co'ollaq ivitra som huaña da huo'o na 'etaxat, nache se'eso ỹale maye 'amaqtaqaic 'enapeco': –Ne'ena huo'o na 'etaxat, qaq ¿negue'to' ca iqalaatac da saishet da aỹem 'anachelaxan?

Lucas 22:67

–Ña qomi' 'aua'aqtaxanema, ¿'eesa da nache 'am Lca'aguishec Ñim Lo'onatac 'Enauacna? Nache So Jesús 'enapeco': –Da sheeta': Aja' Nachaỹem, qaq qami' saishet da Aỹem qaua'amaqchiñi.

Marcos 14:61

Qalaxaye So Jesús ỹe'emaqtom, saishet da ỹasat. –Nache som lta'a na ntaxaỹaxanaxanecpi da qaitaxaỹapegue' Ñim Lo'onatac 'Enauacna qaltaq ỹe'eguelaxalec da inat, 'eeta': –¿Peta'a nache 'am maye 'am Lca'aguishec Ñim Lo'onatac 'Enauacna, qataq 'am Llalec Ñimaye, maye 'enauac da qaỹo'oxoreetac?

Mateo 22:42

–¿Negue't ca chegoxoguet cam Lca'aguishec Ñim Lo'onatac 'Enauacna? ¿Chaq negue't llalec camaxa? Nache somayepi 'enapeco': –Qomye camaye chegoxoguet so nta'a David.

Mateo 5:47

Qataq da huo'otaq ndotec na 'anauochaxauapi da 'auquin, nache damaye saishet da sa qaỹauanapega. ¡Ye damaye ivira'a nam saishet da ỹa'amaqten Ñim Lo'onatac 'Enauacna ỹo'ottac!

Mateo 26:63

Qalaxaye So Jesús saishet da ỹasat, nache so lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, 'enapega So Jesús, 'eeta': –'Am serolec da le'enaxat Ñim Lo'onatac 'Enauacna maye nca'altauec, da ñaq 'anasaxauec ca 'eesa. 'Aua'axat da nache 'am maye 'am Lca'aguishec Ñim Lo'onatac 'Enauacna qataq 'am Llalec Ñimaye.

Lucas 9:19

Nache soua napaxaguenataqa ỹasa't, 'eetra': –Qomye huo'o na ipettega da nache 'am nachelaxanataxanaq Juan; qataq huo'o na ipettega da nache 'am Elías; qataq huo'o na 'eetega da nache 'am 'oonolec som hua'au la'aqtaxanaxanecpi Ñim Lo'onatac 'Enauacna da huo'otaq nca'alec.