Lucas 9:18 - La'aqtaqa Ñim Lo'onatac 'Enauacna 2013

¹⁸ Huo'o so huaña, nache So Jesús nqouagaxaueetac 'oonolec, nache soua lapaxaguenataqa ivildeuga ca hueta'a Somaye. Nache So Jesús inatta'apo' soomaye, 'eeta': –¿Ca 'eetec naxa ca la'aqtac na shiỹaxauapi da Aỹem na'aqtaxaatapigui?

Nuevo Testamento Toba Sur

¹⁸ Huo'o so na'a'q so Jesús co'ollaq ndoteec da nqouagaxaueetac, qaq nnaictagueto soua lapaxaguenataqa, nachi inatta'pe, 'eeta': –¿Chaq négue't ca ipettega aÿim na shiÿaxauapi?

Nuevo Testamento Toba Sombrero Negro

¹⁸ 'Uo jo'me nolo' ca'li Jesús yejamaĝa'yeto jogaa'me lapaĝaguenataqa da'me netametac, qama'le yenatouelo jogaa'me: —¿Jach'e ga'me yepetedapega jena'me jiyaĝadipi da'me jayem?

Lucas 9:18 Referans Kwoze

Lucas 11:1

Huo'o so na'a'q, nache So Jesús hueta'a so 'alhua da natameetac. Qaq co'ollaq imat da natamnaxac, nache huo'o so 'oonolec lapaxaguenatac dequiguiỹo'ot Somaye, 'eeta': –'Am Qarataxala' qomi' 'auapaxagueneque taxa da qanatamnaxac, 'eeta'am da 'eetec so Juan co'ollaq ỹapaxague'n soua lapaxaguenataqa.

Mateo 26:36

Qaq co'ollaq ime, nache So Jesús qataq soua lapaxaguenataqa je'c da nqo'oora ye 'alhua le'enaxat Getsemaní, huaña nache 'enapegalo soomaye, 'eeta': «Qoviỹa'a ne'ena, Aỹem, qalaq saicra'atai' da ñeqouagaxauen.»

Mateo 14:23

Qaq co'ollaq mashe 'enauac da jec so shiỹaxauapi, nache So Jesús ndotec da tasheguemec aso qaỹoqotcheguemec 'alhua, da yaqto' nqouagaxauen. Nache hueta'a yemaye da nqouagaxaueetac choche ivitta'a da pe.

Lucas 3:21

Qaq co'ollaq so Juan imat da nachelaxaatac 'enauac so shiỹaxauapi, nache anac nataqa'en So Jesús da yaqto' qanachelaxan. Qaq So Jesús co'ollaq ña nqouagaxaueetac, nache na piguem nauatoigui,

Lucas 6:12

Qaq se'esoua na'axa'te So Jesús tasheguemec aso saqaỹoqotcheguemec 'alhua da yaqto' nqouagaxauen, nache imattec se'eso pe da na'aqtaxaatague' Ñim Lo'onatac 'Enauacna.

Lucas 9:19

Nache soua napaxaguenataqa ỹasa't, 'eetra': –Qomye huo'o na ipettega da nache 'am nachelaxanataxanaq Juan; qataq huo'o na ipettega da nache 'am Elías; qataq huo'o na 'eetega da nache 'am 'oonolec som hua'au la'aqtaxanaxanecpi Ñim Lo'onatac 'Enauacna da huo'otaq nca'alec.

Lucas 9:28

Qaq co'ollaq mashe inoxoore'c soua ocho na'axa'te, nache So Jesús ỹauec so Pedro, Juan qataq so Santiago da taresheguemec aso qaỹoqotcheguemec 'alhua da yaqto' nqouagaxauen.

Lucas 9:29

Qaq co'ollaq ñaq nqouagaxaueetac, nache da lasheguiỹaxac nqochen, qataq soua alogo ỹataqta ỹapaga'q qataq qashelectrapiguiñi.