Lucas 8:6 - La'aqtaqa Ñim Lo'onatac 'Enauacna 2013

⁶ Qaq aso lỹa lañiguishe ala tatelec so 'alhua maye qalota na coma'. Ime, nache ana lañiguishe ñaxat, qalaxaye saqaỹaloq da deqaqa, cha'aye qaica ca laquitaxa na 'alhua.

Nuevo Testamento Toba Sur

⁶ Qaq aso lÿa languishi tajlec som saq 'amaqtaq na 'alhua, ÿalliigui na coma'. Nachi asa'aso nanguishi, co'ollaq ñaxat, nachi daqaxaÿañi souaxat da qaica ca laquitaxa na 'alhua.

Nuevo Testamento Toba Sombrero Negro

⁶ Nataq'aen jaga'me laqaya ta'ña ga'me qadijat: mane'e ca'li najeguem jaga'me peta qama'le yavic da'me ja napapitajeguem ga'me aleua.

Lucas 8:6 Referans Kwoze

Lucas 8:13

Qaq asom nañiguishe maye tatelec so 'alhua maye ỹalliigui na coma', qalaq naigui ca shiỹaxaua maye na'axaỹaxaatega da na'aqtac qalaq huo'o da ntonaxac. Qalaxaye ye saishet da ỹoqta ỹaỹateeta, nache da huo'o ye ivireguet lqalaic, nache saqaỹaloq da ỹaxanec da lpi'iỹaxac Ñim Lo'onatac 'Enauacna.

Hebreos 3:15

Ỹoqo'oye ana nere maye huetalec na la'aqtacpi Ñim Lo'onatac 'Enauacna 'eeta': «Nagui da qami' qaua'aqaichigui ca 'enapec Ñim Lo'onatac 'Enauacna, qalaq saishet da qami' qaramchiguilo, da qoñiita'am co'ollaxa so Israel le'ecpi maye saishet da huotaique da ỹalaq.»

Amós 6:12

Qaq ¿isheto' peta'a na caipi da nqalgoqtalec na coma'pi? Qataq ¿isheto' peta'a na nauegaxanaxala' huacapi da na'ayisheguem na coma'pi? ¡Cha'aye da no'on lataxac nmeneguet qanqa'eñi dam lataxac maye qanlem! ¡Qataq da alaỹaxac da nalochiguiñi lataxac qalaq ỹataqta chem qanqa'eñi!

Ezequiel 36:26

nache qami' sanaiguilo aca dalaxai nquiyaqte, qataq ca dalaxaic saqcha'a nca'alaxa. Nache ñeqateeguesopa qami' ana nquiyaqtepi maye ỹataqta qaramchigui 'eeta'am ca coma', nache qami' sanaiguilo aca nquiyaqte maye ỹataqta huesota.

Jeremías 5:3

'Am Nataxala', 'Am 'anmittaique cam shiỹaxaua maye huesota da lataxac. 'Auauo'o co'ollaxa da nhuaxanaguec namayepi, qalaxaye saishet da iuet, qataq 'auachoxoren co'ollaxa, qalaxaye saỹaỹamaxaren da qaỹapaxaguen. Namayepi ỹataqta qaramchigui, napacalec ca coma', nache saishet da 'Am ỹe'eguelaxa.

Ezequiel 11:19

Aỹem ñeqat qome añi lquiyaqte maye qaramchigui 'eeta'am ca coma', nache sanem aca dalaxai lquiyaqte maye huesota.

Lucas 8:5

«Huo'o so ỹale jec da danaxan, ỹaañi na trigo. Qaq co'ollaq ñaq danaxaatac, nache huo'o aso lañiguishe ala tatelec so nqa'aic. Nache na shiỹaxauapi maye quetapeegue somaye petapigui, qataq na qoỹopi chec asomaye.

Lucas 8:7

Qaq aso lỹa lañiguishe ala qalaq tatelec so lañaxataqa' ana ỹaxat. Qaq aso lañiguishe saqaỹaloq da ñaxat, qalaxaye ana ỹaxat ipataxañi, nache saishet da hua'aqta'a da lañaxataxac.