Lucas 8:51 - La'aqtaqa Ñim Lo'onatac 'Enauacna 2013

^51-53 Qaq co'ollaq ivireua'a so nỹec, nache 'enauac so shiỹaxauapi nỹeetagui, souaxat da l-leuaxa aso nogotole, qalaxaye So Jesús 'enapego' somayepi 'eeta': «¡Saishet qome da qanỹiñiitac! Aye nogotole saishet da ileu; ayemaye choche do'ocheta.» Nache so shiỹaxauapi ỹe'eetac So Jesús, cha'aye ỹaỹaten da aso nogotole mashe ileu. Nache So Jesús pa'auo lỹateuo so Pedro, qataq so Santiago, qataq so Juan, qataq so Jairo qataq aso late'e aso nogotole, nache saishet da huo'o ca lỹa ỹasheneuo da pa'auo.

Nuevo Testamento Toba Sur

⁵¹ Qaq co'ollaq ivideu'a so noÿic, nachi sa ishit da huo'o ca nashinguet da lÿateuo somayi, nachaqsota so Pedro, qataq so Santiago, qataq so Juan, qataq soua lta'al aso nogotole.

Nuevo Testamento Toba Sombrero Negro

⁵¹ Mane'e da'me yovideta ga'me 'lachaqa', ja yajeta da'me uoja'ega caa'ue da'me yenoĝoneuo, jaldata ñe'me Pedro, nataq'aen ñe'me Santiago choqoñe'me Juan, nataq'aen ñaa'me let'al jaga'me q'añole.

Lucas 8:51 Referans Kwoze

Lucas 9:28

Qaq co'ollaq mashe inoxoore'c soua ocho na'axa'te, nache So Jesús ỹauec so Pedro, Juan qataq so Santiago da taresheguemec aso qaỹoqotcheguemec 'alhua da yaqto' nqouagaxauen.

Marcos 14:33

Nache So Jesús iỹaxanalo soua Pedro, Santiago qataq so Juan da yaqto' nnaicapegueto. Huaña, nache nvi' da ỹataqta lta'araic laquicoxo,

Isaías 42:2

Namaye saishet qome da ỹa'alaq, saishet da deqaqnaxaatai', qataq saishet da qaỹa'aqtega da lavilỹaxac da quetague' ca nqa'aic,

Hechos 9:40

Qaq co'ollaq ime, nache so Pedro ipa'axanec 'enauac somayepi, nache ỹa'alyiñi naua l-llectel da nqouagaxaunot Ñim Qarataxala'. Qaq co'ollaq ime, nache ỹamatalec asom leuaxai, nache 'enapega, 'eeta': –Tabitá, qoñisheguem. Nache asomaye nlouec. Qaq co'ollaq ila'a so Pedro, nache ñesheguem, nache nso'ooñi.

Lucas 6:14

Qaq 'enaua naua le'enaqa'ate soomaye: Simón som ilonec da le'enaxat Pedro, qataq so Andrés som lqaỹa so Pedro, qataq so Santiago, qataq so Juan, Felipe, qataq so Bartolomé,

2 Reyes 4:33

Nache somaye pa'auo co'ollaxa, qataq ỹapogui so lasom, nache ndote' so nogotolec da nqouagaxaunot Ñim Nataxala'.

Lucas 8:50

Nache So Jesús co'ollaq hua'aqchigui de'era, nache 'enapega so Jairo, 'eeta': –Saishet qome da 'añi'i. Nachaqrata da 'aupi'iỹa'a Aỹem, nache acamaye nca'alec.