Biblia Todo Logo
Bib sou entènèt

- Piblisite -




Lucas 8:48 - La'aqtaqa Ñim Lo'onatac 'Enauacna 2013

48 Nache So Jesús 'enapego' aso 'alo, 'eeta': –'Am ỹalole, nagui mashe 'am no'oita, cha'aye huo'o da 'arpi'iỹaxac Aỹem. 'Aue, qojec, saqca ca da.

Gade chapit la Kopi

Nuevo Testamento Toba Sur

48 Nachi so Jesús 'enapego' asomayi, 'eeta': –'Am ÿaqaÿole, nagui mashi 'am no'oita, cha'ayi 'au'amqajnataxan. 'Aue, qojec, saqca ca da.

Gade chapit la Kopi

Nuevo Testamento Toba Sombrero Negro

48 Qama'le Jesús enaac: —Am yaqayole, jouaĝat da'me adepe'e am yemegue q'aen. ¡Auen machiñe q'aen nayi da'me oc!

Gade chapit la Kopi




Lucas 8:48
15 Referans Kwoze  

Qalaxaye So Jesús 'enapega aso 'alo, 'eeta': «'Am nagui 'anca'alec, cha'aye Aỹem 'aua'amaqten. 'Aue, qojec, nagui 'aulactapiguiñi.»


Qalaxaye So Jesús namatapec, nache ila'a asa'aso 'alo. Nache 'enapega, 'eeta': «Saishet da leetapigui ye 'arhuel, cha'aye dam 'arpi'iỹaxac Ñim Lo'onatac 'Enauacna nachera dam huo'omshe 'am no'oita.» Huaña, nache asomaye ỹataqta no'oita.


Cha'aye qomi' sa'axasoqchigui da no'on na'axaỹaxac shenaqta'am co'ollaxa so Israel le'ecpi maye ca'ai ye 'alhua Egipto. Qalaxaye nachaqrata da somayepi qaica ca naigui naqa'en de'era hua'aqchigui, cha'aye saishet da ỹa'amaqten qataq saishet da ỹalaxaguet de'era na'aqtaxanaxac.


Qaq se'eso ỹale co'ollaq na'axaỹaxaatega da la'aqtaxanaxac so Pablo. Nache so Pablo co'ollaq ỹamato'ot somaye, nache ila'a da ỹataqta huo'o da lpi'iỹaxac da qanataren.


Nache 'enapega so ỹale, 'eeta': –Qoñisheguem qojec. Mashe 'am no'oita, cha'aye 'aua'amqaanataxan.


Nache So Jesús 'enapego' asomaye, 'eeta': –'Am ỹalole, 'am no'oita, cha'aye huo'o da 'arpi'iỹaxac Ñim Lo'onatac 'Enauacna. 'Aue qome, qojec, saqca ca da, mashe 'am no'oita.


Yaqto' Nachaỹem maye Aỹem Qarta'ai. Qaq qami', qalaq qami' ỹalqa qataq qami' ỹalel. Qaq 'era dam shenapec, Aỹem Nataxala' maye qaica ca seqalanapec.»


Nache So Jesús 'enapeco': –¡Nagui 'anauaañi! 'Am no'oita, cha'aye Aỹem 'aua'amaqten.


Nache So Jesús 'enapega se'eso huataxanaq lta'a, 'eeta': –'Avi'eguelaxa qome ca 'arma'. Qaq ỹataqta ipacchigui qome da 'eetec da 'arpi'iỹaxac. Nache ipacchigui da no'oita se'eso namaxashec co'ollaq qoỹan da na'aqtac.


Nache so Elí 'enapeco': «'Aue qojec, nache 'aulactapiguiñi qome, qaq Ñim Natamnaxala' na Israel le'ecpi 'am ỹanem qome cam 'auỹaxaataique.»


Nache so Moisés ỹe'eguelaxa ye netaña so lacho' Jetro. Nache 'enapego', 'eeta': «Aỹem she'eguelaxa ye Egipto yem netaña cam ỹalamaxatpi ỹaqaỹañecpi. Sauotaique da semeenaxana da huo'otaq ñaq huo'o camayepi.» Nache so Jetro 'enapeco': «Aja', 'aue, qojec, qataq qaica ca da qome da 'icỹaxac.»


Qataq saishet da nquigaxatec da nque'eenaxac cam mashe nache 'eetai' da que'emaxaic, qataq saishet da iviraxata'a da ỹalauat, nam mashe ileetapigui'. Nachaqrata da ỹa'añaqchet nam mashe qaica ca la'añaxac qataq iviraxata'a da dauegaxan da 'eetapeguec Ñim Lo'onatac 'Enauacna.


Qaq huaña yemaye, co'ollaq qairoua'a so ỹale maye sa da'añiigue, qaỹachetalec so lmala'. Qaq So Jesús co'ollaq ila'a da lpi'iỹaxa'c soomaye, nache 'enapega som ỹale, 'eeta': «¡'Ana'añaxat, 'am ñauochaxaua! Aỹem mashe sapalaxat 'enauac na 'arasouaxashetpi.»


Nache so Eliseo 'enapeco': Aja', qojec qalaxaye 'auachetec da 'arlagaxayec. Nache so Namán jec. Qaq co'ollaq mashe qaỹataueegue,


Nache aso 'alo co'ollaq ila'a da mashe saishet da ỹañoxot da nqañoxottapiguiñi, nache iviloxol da lcolanaxa. Ime, nache ỹa'aroto naua l-llectel So Jesús. Nache ỹauaachigui 'enauac so shiỹaxauapi co'ollaq asomaye da'aqtaxanem dam huo'omshe ipoteua'a so lapo' So Jesús, qataq da 'eetec da saqaỹaloq da no'oita asomaye.


Swiv nou:

Piblisite


Piblisite