Lucas 8:47 - La'aqtaqa Ñim Lo'onatac 'Enauacna 2013

⁴⁷ Nache aso 'alo co'ollaq ila'a da mashe saishet da ỹañoxot da nqañoxottapiguiñi, nache iviloxol da lcolanaxa. Ime, nache ỹa'aroto naua l-llectel So Jesús. Nache ỹauaachigui 'enauac so shiỹaxauapi co'ollaq asomaye da'aqtaxanem dam huo'omshe ipoteua'a so lapo' So Jesús, qataq da 'eetec da saqaỹaloq da no'oita asomaye.

Nuevo Testamento Toba Sur

⁴⁷ Nachi aso 'alo co'ollaq ila'a da mashi yi'aqalec de'eda 'eetec, nachi nqo'oneu'a so Jesús, ÿataqta iviloxol. Nachi i'adoto naua l-llicte. Nachi da'aqtaxanem somayi da 'eetec dam huo'o mshi ipoteu'a somayi, qataq da 'eetec co'ollaq vi'iiguet na ltago'q. Qaq 'enauac se'eso shiÿaxauapi qai'aqchigui asomayi.

Nuevo Testamento Toba Sombrero Negro

⁴⁷ Jañe'me yauo, da'me yauana queda'me ja yaqanatet ta'le nañoĝochiñe, diviloĝol'ta da'me yec'ata, najonoto naa'me lapia'te ñe'me Jesús. Qama'le ena'uaque yechoĝotetouelo da'me jouaĝat da'me yepoteuo'o, nataq'aen queda'me nach'ega ua'a da'me yemegue.

Lucas 8:47 Referans Kwoze

Marcos 5:33

Qaq asa'aso 'alo ỹaỹaten dam huaigui. Nache jec da nqo'oneua'a Somaye, nache ỹa'aroto naua l-llectel, nache ỹataqta da'aqtaxaatem 'enauac dam huaigui.

2 Corintios 7:15

So Tito tachigui ye lauel naxa 'enauac da qaralaxayiqui qataq da lta'araic 'enec qanqa'eñi. Qaq ỹoqo'oye somaye ỹataqta lta'araic da lauoche da qoñiita.

Hebreos 12:28

Sanqot da qana'achec Ñim Lo'onatac 'Enauacna, cha'aye da lo'onataxanaxac Ñimaye maye qomi' ỹanema saishet da ishet da qanqochenaxat. Qaq ỹoqo'oye iuen da sho'oxorenaq Ñimaye chegoqchigui da lta'araic lsoxoyec qataq da ño'oxonnataguec maye ỹaỹamaxareeta da qoỹami'.

1 Corintios 2:3

Co'ollaq qami' ñachattaiguilo da qami' sapaxagueeta'ape qataq qami' sa'aqtaxaateguema da na'aqtac, qalaq qaica ca ỹa'añaxac qataq seviloxoltai' da icolanaxa.

Salmos 2:11

Qataq da qauo'onataxañiỹot Ñim Nataxala', qalaq ỹataqta huo'o naq 'enec qanqa'eñi, qataq ỹataqta qauamaichiguiñi da qavio'oxoyiñi Ñimaye.

Hechos 16:29

Nache som ilotague' aso ncoñetaxanaxaqui iỹaxanaique aso ncoỹaraxanaxaqui, nache ỹataqta nqalgoqta da taua'a so pa'auo, ỹataqta iviloxolaqchet da lcolanaxa. Nache ỹa'aroto naua l-llectel so Pablo qataq so Silas.

1 Samuel 16:4

Nache so Samuel ỹo'ot dam ỹamaxalec Ñim Nataxala'. Qaq co'ollaq ivita ye Belén, nache so nqueroxonecpi maye lma' se'eso huaqta'a't nỹecpi ca'atta'aguet co'ollaxa somaye, qalaxaye ỹataqta huo'o da lcolanaxa, nache qainato', qoỹeeta': «¿Peta'a qaica cara dam 'arviraxac?»

Habacuc 3:16

Qaq co'ollaq sa'axaỹa 'enauac de'era nache ỹataqta she'e, qataq ỹataqta iviloxo'l naua ỹa'aqtaqa, qataq ỹataqta sa da'añiiguelo naua ichel, qataq 'enauac da ỹo'ocỹaxac deqat da la'añaxac. Qalaq nache 'ena'am aỹem she'emaqtac qome da seuata'aguet ca na'a'q, da Ñim Nataxala' ỹo'otec ca lachetataic, nam qomi' ique'eteeta'ape.

Isaías 66:2

¡Ye Aỹem maiche ỹo'onatac 'enauac nam huo'o, qaq 'era da 'eetec da huo'omshe yo'oq namayepi! Qaq 'era da la'aqtac Ñim Nataxala'. Cam shiỹaxaua maye selotagui nacheca cam choxoraq qataq daquicotac, maye huo'o naq 'eneque naqa'e'n naua ỹa'aqtaqa.

Salmos 38:9

'Am Nataxala', mashe 'auaỹateetac 'enauac na sheetapeguecpi, qataq 'enauac na seuennategapi.

Filipenses 2:12

Qaq ỹoqo'oye qami' ñauochaxau' ỹaqaỹa't, cha'aye qami' nache 'eetai' naxa da aỹem qaualaqaiguet da qami' soota'agueta, qaq nagui da aỹem qaỹoqtaique, qalaq iuen da ỹactec da aỹem qaualaqaiguet. Ỹataqta qauo'onataxañiilec qome da qarca'alaqai, qataq ỹataqta qaualaqaiguet qataq ỹataqta lta'araic da 'enec qanqa'eñi Ñim Lo'onatac 'Enauacna.

Mateo 28:8

Nache soua 'alol ỹataqta ñi'i' qalaxaye nataqa'en ỹataqta lta'araic da ntonaxa'c, nache je'c ỹataqta nqalgoqte' da iroua'alo da la'axaỹaxa'c soua napaxaguenataqa.

Oseas 13:1

Qaq nam shiỹaxauapi ye Efraín naxa da detaqa, nache na laỹepi nhuo' le'ecpi maye chegoxoguet so Israel, ỹataqta huo'o naq 'enec naqa'en namayepi. Qalaxaye ye Efraín ilem na lasouaxashetpi, souaxat da natameetacot so Baal.

Oseas 5:3

Qaq aỹem, ỹataqta sauatton na Efraín, qataq na Israel saishet da sa sauatton. Qalaxaye na Efraín, quegue da nquisheguetaxac, qaq na Israel, qalaq ỹataqta nshepaxanaqcheela't».

Salmos 66:16

Qauanaqui qome 'enauac da qoñiita, nam huo'o naq 'enec naqa'en Ñim Lo'onatac 'Enauacna, qana'axaỹaxañiichigui da qami' sa'axatema da aỹem ỹo'otec Ñimaye.

Lucas 8:46

Qalaxaye So Jesús qaltaq ỹe'eguelaxalec da 'enapec: –Ỹoqta 'eesa da huo'o ca Aỹem ipoteua'a, cha'aye Aỹem ñanomteueegue da jec so ỹa'añaxac.

Lucas 8:48

Nache So Jesús 'enapego' aso 'alo, 'eeta': –'Am ỹalole, nagui mashe 'am no'oita, cha'aye huo'o da 'arpi'iỹaxac Aỹem. 'Aue, qojec, saqca ca da.