Lucas 8:43 - La'aqtaqa Ñim Lo'onatac 'Enauacna 2013

⁴³ Qaq se'eso shiỹaxauapi ỹalectaigui aso 'alo sa no'on. Asomaye mashe ivi' naua doce vi'iye da nque'eenaxac da anactac na ltago'q. Qaq asomaye mashe imeuo 'enauac nam logoxoshetpi, souaxat da isheetetac na natannaxanaqpi, qalaq saishet da huo'o ca ishet da ỹañoxot da nataren da lalolaxa.

Nuevo Testamento Toba Sur

⁴³ Qaq se'eso shiÿaxauapi nachi ÿalectaigui aso 'alo sa no'on. Asomayi mashi ivi' naua doce vi'iyi da nque'ejnaxac da anactac na ltago'q. Qaq asomayi mashi imateuo 'enauac nam logoxoshitpi, souaxat da ishiiteetac na natannaxanaqpi, qalaq sa ishit da huo'o ca ishit da ÿañoxot da nataden da lalolaxa.

Nuevo Testamento Toba Sombrero Negro

⁴³ Qama'le 'uo jañe'me yauo jo'ne yalegoue ga'me jiyaĝadipi jo'ne ja paja'a emeguet jaga'me tauo' nale yovita da'me laloqo' da'me 'nayac, jo'ne nalo'taguet doce gaa'me 'uoidi da'me 'uo da'me lachoĝodec. Joote yejeteneque gaa'me nata' lo'olpi yema ga'me jo'ne yauana, temaqaedi da'me ja qoyen 'te yemegue q'aen.

Lucas 8:43 Referans Kwoze

Lucas 13:16

Qaq ara'ara 'alo ye maiche llale so Abraham, qaq so pa'aguenataxanaxaic ye icoñetta'aguet aramaye de'era nalolaxa, nagui mashe ivi' naua dieciocho vi'iye, qaq ¿peta'a saisheto' da qaisoueeguesop de'era lalolaxa aramaye ne'ena na'a'q mataxaqui?

Juan 9:1

Qaq co'ollaq jec So Jesús, nache natenalec so ỹale maye nacteueegue' da lqanamaxa.

Lucas 13:11

Qaq ỹalectauo aso 'alo maye mashe ivi' naua dieciocho vi'iye da sa no'on. Huo'o som saqcha'a na'añaxac leguemaxaic maye qollemai naqa'en, nache asomaye saishet da ỹalamaqatcheguem.

Lucas 8:27

Qaq co'ollaq mashe huenoteeguesop aso nllocta So Jesús, nache natena'aguet so ỹale maye lma' yi'iye 'alhua, somaye qalota so netaigui saqcha'a na'añaxac leguemaxaicpi. –Se'eso ỹale, mashe saq hua'a ca lma', nachaqrata da huetauga ca pannaqa' qataq mashe qaỹoqteguelo soua vi'iye da saq ỹaayiñi naua alogo.

Isaías 2:22

Qaỹa'axañiiñi qome da qaua'amaqchiñiitac cam shiỹaxaua maye qaica ca naigui, cha'aye da nachaalataxac cam shiỹaxaua 'eeta'am da 'oonolec da qanaue'c naua na'a'che.

2 Crónicas 16:12

Qaq co'ollaq mashe ivi' treinta y nueve vi'iye da lo'onataxanaxac so Asa, nache tatoiguilo naua lchel da lhuetaxanaxa, qaq na'aictaxa co'ollaxa da ỹataqta lta'araic de'era lhuetaxanaxa, qalaxaye saishet da nmitaique Ñim Nataxala', nacherata da nqarena som datannataxaatacpi.

Hechos 4:22

Qaq se'eso ỹale maye chegoqchigui de'era sa qaỹauanapega da no'oita qanqoỹen, somaye mashe napacaleguete naua cuarenta vi'iye da llaxa.

Hechos 3:2

Qaq huo'o so ỹale maye nache 'eetai'salo naua na'axa'te da hueta'a aso no'onaxanaxaqui late'erai. Somaye, nache chegoqteuo da sa da'añiiguelo naua lchel. Qaq somaye qaỹe'eguelaxattaua'a so lasom maye le'enaxat 'Onaxaic, da qoỹaataña, da yaqto' somaye ỹashelatac nam inoxootapegueuo.

Juan 9:21

Qalaxaye qomi' saishet da saỹaanaq chaq hua'ague ca 'eetec da nauaañi nagui, qataq saishet da saỹaanaq chaq negue't cam natare'n naua la'ai'te damaye. Qaq no'on da maiche qaunache, cha'aye damaye mashe ỹe, damaye ishet da maiche qami' da'aqtaxanema.

Marcos 9:18

Da taigui naxa so saqcha'a na'añaxac leguemaxaic da ỹalec, nache huañi naqa'en, nache nauoigui na alap na lcochaxa. Naua lhue qalaq inaga't naxa, qataq ỹataqta nquigaxatta'aguet da deqaqta. Ỹoqo'oye seỹaxaategoiguilo daua 'arapaxaguenataqa da ỹo'oldaue'c ñi'iñi saqcha'a na'añaxac leguemaxaic maye netaigui da ỹalec, qalaxaye daamaye saishet da ỹañoxo't.

Salmos 108:12

Ñaq qomi' 'autaua'n da sataỹaqa'aguet na qampa'aguenaxauapi, cha'aye qaica ca naigui da ltaunaxanaxac ca yo'oqchigui shiỹaxaua.

Da na'aqtaguec so Job 13:4

Cha'aye qami', choche qami' tenataxanaxaiqa, qataq 'enauac qami' natannaxanaqpi, qalaxaye qaica ca qami' naiguilo.

Marcos 12:44

Cha'aye 'enauac namayepi ỹasaqtapiguiñi ana lli'iỹoqte. Qalaxaye asomaye na'aictaxa da choxoraq, qalaq nache 'ena'am imatteuo, 'enauac asom huo'o lhuenec lasheue.

Lucas 8:42

Cha'aye aso 'oonole llale maye mashe ivi' naua doce vi'iye da llaxa, asomaye ileetapigui'. Nache So Jesús ca'ategue so Jairo, qaq ỹataqta qalota so ca'ategue Somaye, ivira'a da ỹataqta qanpataxagui.

Lucas 8:44

Qaq asomaye queteuo'oguet na l-laq So Jesús, nache ipoteua'a na laỹe so lapo'. Huaña, nache asomaye no'oita.