Lucas 8:41 - La'aqtaqa Ñim Lo'onatac 'Enauacna 2013

⁴¹ Huaña, nache nvi' so ỹale le'enaxat Jairo, somaye nataxala' asom napaxaguenaxaqui na judiopi. Se'eso ỹale ỹa'aroto naua l-llectel So Jesús, nache nachoxoreetacot da ishet da nqo'ona ca lma'.

Nuevo Testamento Toba Sur

⁴¹ Huaña, nachi anac so shiÿaxaua l'enaxat Jairo. Somayi nataxala' acam laponaxaqui na judiopi. Se'eso shiÿaxaua i'adoto naua l-llicte so Jesús, nachi nachoxodeetot da ishit da nqo'ona ca lma'.

Nuevo Testamento Toba Sombrero Negro

⁴¹ Qama'le 'uo ñe'me yovida'uo, lenaĝat Jairo, jo'ne naqaeñe lejaliaĝanec ga'me judiopi lemaĝaiqui. Ñe'me najonoto ca'li gaa'me lapia'te ñe'me Jesús qama'le nachoĝodenot qaedi dajoyi ga'me 'lachaqa',

Lucas 8:41 Referans Kwoze

Hechos 18:8

Qaq so Crispo maye ilotague' aso paxaguenaxaqui, somaye qataq 'enauac som netaña ye lma' ỹa'amaqten So Qarataxala' Jesús. Nataqa'en qalota nam shiỹaxauapi maye lma' ye nỹecpi ye Corinto, co'ollaq hua'axaỹa da la'aqtaxanaxac so Pablo, nache da'amqaanataxan, nache 'enauac qanachelaxan.

Hechos 13:15

Qaq co'ollaq ime da qaitaxaỹaxaatac aso lere so Moisés maye huetalec na nqataxacpi qataq asom lere som la'aqtaxanaxanecpi Ñim Lo'onatac 'Enauacna, nache soua nataxala'ate asom napaxaguenaxaqui na judiopi, soomaye 'enapegalo soua Pablo qataq soua lỹa't, 'eeta': –Qami' qarqaỹa't, da huo'o ca qauauoitaique da qara'añaqtaxanaxaqui, nache no'on da qaua'axachem nagui na shiỹaxauapi.

Lucas 13:14

Qalaxaye som ilotague' asom paxaguenaxaqui ỹataqta dalemata, souaxat So Jesús da datannaxangui so na'a'q mataxaqui. Nache 'enapega so shiỹaxauapi, 'eeta': –Huo'oi mque' naua seis na'axa'te, maye ishet da qaỹo'onataxanguilo. Qaq nachenauactaxa huetoiguilo da qauanaqui, da yaqto' qami' qanatare'n, qaq saishet da nacheye ye na'a'q mataxaqui.

Lucas 8:49

Qaq co'ollaq ña detaqtac So Jesús, nache huo'o so nvi', chegaqa'a ca lma' so Jairo som nataxala' asom napaxaguenaxaqui na judiopi. Nache da'aqtaxanem somaye, 'eeta': –Aye 'aỹa'ale mashe ileu. No'on da 'aua'aqta'a da Napaxaguenataxanaq.

Apocalipsis 5:8

Qaq co'ollaq chochaq ỹo'ot de'era, nache soua cuatro shiguiỹa'c maye nca'altraue'c qataq soua veinticuatro nqueroxonqa ỹa'aroto naua l-llectel Somaye. Qaq ñi 'oonolec se'esoua nqueroxonqa huo'o ana lvique, qataq lasoqta'a soua ỹomaxaqui' maye nlaqchigui na nchenaxanaxat ama na laita maye naigui da nqouagaxaunaxac na lalamaxatpi Ñim Lo'onatac 'Enauacna.

Hechos 18:17

Nache huo'o so judiopi da ỹaconeua'a so Sóstenes som ilotague' aca paxaguenaxaqui, nache ỹataqta iuaxaatac, ỹauaachigui naqa'en so nta'a Galión. Qalaxaye somaye saishet da iqochetega de'era.

Hechos 9:38

Qaq yi'iye Jope, nache saqaỹapeque ye Lida yem hueta'a so Pedro. Nache som 'amqaanataxanaxaicpi co'ollaq la'axaỹaxac somaye da hueta'a yemaye, nache qaỹamaxalo soua dos ỹale't da 'enapega, 'eeta': –Qomi' 'anqouagueque da sa 'anaỹaloxon da 'ananaỹa na nỹecpi na Jope.

Lucas 17:16

Nache ỹa'aroto naua l-llectel So Jesús, ỹataqta iviraxata'aguet naqa'en na latap na 'alhua, nache ỹaatacot da na'achec Somaye. Qaq se'eso ỹale, somaye lma' ye Samaria.

Lucas 5:8

Qaq co'ollaq ila'a de'era so Pedro, nache ỹa'aroto naua l-llectel So Jesús, nache 'enapega, 'eeta': ¡'Am Ỹataxala' aỹem qoca'ai, cha'aye aỹem ỹataqta aỹem 'etaxaloxoic!

Juan 11:21

Nache aso Marta 'enapego' So Jesús, 'eeta': –'Am Nataxala', da 'am qoueta'actaxa ne'ena, nache saishettaxa da ileu ye ỹaqaỹa.

Lucas 8:42

Cha'aye aso 'oonole llale maye mashe ivi' naua doce vi'iye da llaxa, asomaye ileetapigui'. Nache So Jesús ca'ategue so Jairo, qaq ỹataqta qalota so ca'ategue Somaye, ivira'a da ỹataqta qanpataxagui.