Lucas 8:39 - La'aqtaqa Ñim Lo'onatac 'Enauacna 2013

³⁹ «'Avi'eguelaxaua'a ca 'arma'. Ime, qaq 'aua'axat 'enauac nam 'am ỹo'otec Ñim Lo'onatac 'Enauacna.» Nache se'eso ỹale jec da nqo'ona so nỹecpi da da'aqtaxanem 'enauac na shiỹaxauapi dam ỹo'otec So Jesús somaye.

Nuevo Testamento Toba Sur

³⁹ –'Avi'iguelaxa qome ca 'adma'. Ime, qaq 'au'axat 'enauac nam 'am i'otec ñi Dios. Nachi so shiÿaxaua jec, nachi da'aqtaxanoigui 'enauac so pueblo dam i'otec so Jesús somayi.

Nuevo Testamento Toba Sombrero Negro

³⁹ —A'viyelaĝa ga'me at'achaqa' qama'le a'uaĝatetac yema da'me jo'ne Dios am 'yetec. Qama'le ñe'me jiyaĝaua ec qama'le t'aqataĝatapem ga'me noic yema ga'me jo'ne Jesús 'yetec joñe'me.

Lucas 8:39 Referans Kwoze

1 Timoteo 5:8

Qaq ca shiỹaxaua da saishet da huapegue' na maiche lauo' le'ecpi, camaye sa nateneguet da 'eetega lpi'iỹaxac. Lamaaxa da huo'otaq saishet da huapegue' caua maiche llalqa. Nache camaye ỹoqta napacalec ca saxanaxa da da'amqaanataxan.

Juan 4:29

–Ña qauanaqui, ña qameenaxañeuga da ỹale maye ỹa'axataua'a 'enauac nam so'otpi co'ollaxa. ¡Peta'a nachera da Lca'aguishec Ñim Lo'onatac 'Enauacna maye qaiuattaique!

Deuteronómio 10:21

Cha'aye Ñimaye nacheñi ñi ỹalamaqchigui da qayo'oxonnataxanaxaqui, Ñim Qanatamnaxala'ai maye qami' ỹo'oteque na ỹataqta lta'araic ỹo'ot da na'aalaxa maye qauauañiichigui.

Marcos 1:45

Qalaxaye se'eso ỹale co'ollaq jec, nache quetot da da'aqtaxanem 'enauac na shiỹaxauapi dam 'eetec co'ollaq ishet da no'oita. Qaq ỹoqo'oye So Jesús saishet da nachaxaata da taua'a na hueta'a na shiỹaxauapi. Nachaqrata da huetauga cam saishet da hueta'a na shiỹaxauapi. Qalaxaye, nache 'ena'am na shiỹaxauapi nqo'oneuga ca hueta'a Somaye.

Salmos 66:16

Qauanaqui qome 'enauac da qoñiita, nam huo'o naq 'enec naqa'en Ñim Lo'onatac 'Enauacna, qana'axaỹaxañiichigui da qami' sa'axatema da aỹem ỹo'otec Ñimaye.

Marcos 5:18

Qaq So Jesús co'ollaq huenotteguengui aso nllocta, nache se'eso ỹale maye huo'o co'ollaxa so netaigui saqcha'a na'añaxac leguemaxaicpi, nachoxoreetacot So Jesús da ishet da ca'attague'.

Marcos 5:19

Qalaxaye So Jesús 'enapego' somaye, 'eeta': –'Avi'eguelaxaua'a qome ca 'arma', nache 'aua'aqtaxanem ca 'arhuo' le'ecpi qataq ca 'anauochaxauapi, 'enauac da 'am ỹo'otec Ñim Lo'onatac 'Enauacna, qataq da 'eetec da lchoxonnataxanaxa da qoneta.

Lucas 8:38

nache se'eso ỹale maye mashe no'oita, nachoxoreetacot Somaye da ishet da nasheeteguet da ca'ategue. Qalaxaye So Jesús 'eetega somaye, 'eeta':

Lucas 8:40

Qaq co'ollaq mashe nvitta So Jesús ye 'alhua Galilea, nache na shiỹaxauapi ỹataqta lta'araic da ntonaxac, cha'aye 'enauac qaiuattaique.