Lucas 8:37 - La'aqtaqa Ñim Lo'onatac 'Enauacna 2013

³⁷ Nache 'enauac na shiỹaxauapi maye lma' ye Gerasa, nachoxoreetacot So Jesús da ca'ai yi'iye 'alhua, souaxat da ỹataqta lta'araic da lcolanaxa. –Qaq co'ollaq So Jesús da huenooñigui aso nllocta da ỹe'eguelaxata ye Galilea,

Nuevo Testamento Toba Sur

³⁷ Nachi 'enauac na shiÿaxauapi mayi lma' yi Gadara, nachi nachoxodeetacot so Jesús da ca'ai yimayi souaxat da ÿataqta qalota da lcolanaxa. Nachi so Jesús qaltaq huenojñigui aso barco, nachi jec.

Nuevo Testamento Toba Sombrero Negro

³⁷ Yema ga'me jiyaĝadipi jo'ne neda'ña di'me Gerasa nachoĝodetot joca'li joñe'me Jesús qaedi ca'e di'me aleua, qa'a jalcote da'me t'oidapega joñe'me. Chane'eja Jesús nañgui jaga'me licota da'me jetaque ec.

Lucas 8:37 Referans Kwoze

Hechos 16:39

Nache soomaye anac, nache nmaatacoto so Pablo qataq so Silas. Ime, nache nqatre'c soomaye, nache nachoxoreetacoto, da yaqto' soomaye quera'ai ye nỹecpi.

Lucas 10:16

Ime, nache So Jesús 'enapegalo soua lapaxaguenataqa, 'eeta': «Camachaqca ca qami' na'axaỹaxanalo, qaq nache Aỹem maye Aỹem na'axaỹaxana. Qaq cam sa qami' ỹaconegueta, qaq nache Aỹem maye saq Aỹem ỹaconeguet; qaq cam saq Aỹem ỹaconeguet, qaq nacheñi Ñim Lo'onatac 'Enauacna maye sa ỹaconeguet Ñim Aỹem namaq.»

Lucas 9:56

Cha'aye na Shiỹaxaua Llalec saishet da anac da nqat da nachaalataxac ca shiỹaxaua, nacherata da nca'alaxatec.] Qaq ime, nache je'c nqo'oora so nma'piolec maye saq 'amaqtaq.

Lucas 9:5

Qaq ca huaña da saishet da qami' qaỹaconegueta, qalaq qoquiỹa'ai camaye. Ime, qaq qauchegoqoiuec na namoxoỹaxa naua qarapia'achilli'. Qaq damaye la'anaxat da camayepi saq qami' ỹaconegueta.»

Lucas 8:28

Qaq souaxat naxa da so saqcha'a na'añaxacpi da qalota da deloquiaxanataxaatac, nache na shiỹaxauapi icoñera'a't naua lhua'q qataq naua lapia'ate se'eso ỹale, qataq qanauaatalec. Qalaxaye somaye ỹachipiaxattac na ncoñetaxanaxat lcat, nache se'eso saqcha'a na'añaxac leguemaxaic datauec naqa'en somaye, da tauga ca 'alhua maye toolec. –Qaq se'eso ỹale co'ollaq ila'a So Jesús, nache ỹa'alaq, nache ỹa'aroto naua l-llectel Somaye. Nache So Jesús 'enapega se'eso saqcha'a na'añaxac leguemaxaicpi da ca'ai se'eso ỹale, qalaxaye somayepi ỹa'alaqtagui 'eeta': –¡'Am Jesús maye 'am Llalec Ñim Lo'onatac 'Enauacna maye 'amaqtaqaic! ¿Negue't ca 'auauotaique da qomi' 'auo'oteque? 'Am ñachoxonnaqot nagui, da saishet qome da 'auauo'o ca qanque'eenaxac.

Lucas 5:8

Qaq co'ollaq ila'a de'era so Pedro, nache ỹa'aroto naua l-llectel So Jesús, nache 'enapega, 'eeta': ¡'Am Ỹataxala' aỹem qoca'ai, cha'aye aỹem ỹataqta aỹem 'etaxaloxoic!

Marcos 5:17

Qalaxaye somayepi 'enapega So Jesús da taỹa ca lỹa 'alhua.

Mateo 8:34

Nache 'enauac so shiỹaxauapi maye lma' yi'iye, nauga So Jesús, nache nachoxoreetacot da ca'ai ye lma' somayepi.

1 Reyes 17:18

Nache aso pa'ai 'enapega so Elías, 'eeta': 'Am nale Ñim Lo'onatac 'Enauacna ¿negue't cam qonetapeguec da sheeta? ¿Peta'a 'auanac da aỹem 'antoonaxanaxanec na ỹasouaxashetpi, nache 'auo'ot da ileu na ỹalec?

1 Samuel 6:20

Nache se'esopi lma' ye Bet Semes, 'enapeco': «¿Negue'tom ca ishet da nachaateua'a Ñim Nataxala', Ñim Lo'onatac 'Enauacna maye ỹataqta sa qaishetapec? ¿Qataq hua'ago' ca samaxasoxogue añi arca maye laỹe' da aỹamaxataxac?»

Deuteronómio 5:25

Qaq nagui, ¿ta'ainectoxo' da ishet da qarelem na lta'araic norec? Cha'aye da ỹoltaq ỹe'eguelaxalec da sa'axasoqchigui da lavilỹaxac Ñim Nataxala' maye Qanatamnaxala', nache seleuaq qome,

Lucas 8:36

Nache 'enauac nam ỹauaachigui So Jesús co'ollaq nataren se'eso ỹale, nache quetot da da'aqtaxaatapeguem 'enauac na shiỹaxauapi.

Lucas 8:38

nache se'eso ỹale maye mashe no'oita, nachoxoreetacot Somaye da ishet da nasheeteguet da ca'ategue. Qalaxaye So Jesús 'eetega somaye, 'eeta':