Lucas 8:35 - La'aqtaqa Ñim Lo'onatac 'Enauacna 2013

³⁵ Nache 'enauac som shiỹaxauapi demeenaxaneuga cam huaña de'era. Qaq co'ollaq ivita ca hueta'a So Jesús, nache ila'a se'eso ỹale maye netaigui co'ollaxa se'eso saqcha'a na'añaxac leguemaxaicpi. Se'eso ỹale, mashe ỹaatrañi soua alogo qataq ỹataqta ỹaỹamaqta da lataxac, nache na hueta'a yi'iye 'alhua ỹataqta huo'o da lcolanaxa.

Nuevo Testamento Toba Sur

³⁵ Nachi 'enauac nam shiÿaxauapi demejnaxaneuga cam huaña de'eda. Qaq co'ollaq qaivita ca hueta'a so Jesús, nachi qailalec so shiÿaxaua mayi chigaqaigui se'eso n'ec leguemaxaicpi. Somayi nso'ootañi, neto'oto naua lchil so Jesús, ÿaatrañi soua alogo, qataq mashi ntoueeta. Nachi ÿataqta huo'o da ncolanaxa.

Nuevo Testamento Toba Sombrero Negro

³⁵ Ga'me jiyaĝadipi dec'atenaĝategue ca'li ga'me 'uo, qama'le mane'e ca'li yovideta ga'me ue'ta ñe'me Jesús, male yauata da'me ñichiñe ñe'me jiyaĝaua jo'ne chiyaqauelo jogaa'me payagodipi, male uo'oe gaa'me louo nataq'aen male chimaqachiñe da'me nejiyaĝauayaĝac; qama'le jalcote da'me t'oita.

Lucas 8:35 Referans Kwoze

Lucas 10:39

Qaq se'eso nma', nache hueta'a aso María, asomaye lqaỹa aso Marta. Qaq asomaye nso'ootañi, datato'ot So Jesús, nache na'axaỹaxaatega 'enauac nam ỹa'axattac Somaye.

1 Juan 3:8

Qalaxaye ca saq ỹet da ỹo'ot ca qauem, nache camaye nauochaxaua so pa'aguenataxanaxaic, cha'aye so pa'aguenataxanaxaic, nache 'eetai' da lle'etaxaloxo, chegoqchiguiña co'ollaq Ñim Lo'onatac 'Enauacna ñaq cheta'ague da ỹo'ot ana 'alhua. Qaq nachera da huo'omshe anaỹa ana 'alhua som Llalec Ñim Lo'onatac 'Enauacna: da yaqto' ilaxachigui 'enauac nam ỹo'ottac so pa'aguenataxanaxaic.

Hechos 22:3

–Aỹem judío le'ec. Ỹañoqo' ye nỹecpi ye Tarso maye huaigui ye 'alhua Cilicia. Qalaxaye aỹem ñañaxatalec na Jerusalén, aỹem lapaxaguenatac so Gamaliel. Qaq aỹem ỹataqta shecteguelo naua lqataxaco som hua'au qarta'alpi. Ỹoqo'oye nache 'eetai' da ỹataqta huo'o da iuogoxo da so'onataxaatacot Ñim Lo'onatac 'Enauacna, ỹataqta semato'ot da iquiyaqteỹaxac. Qaq nache sheeta'am 'enauac da qoñiita nagui.

Salmos 51:10

'Am Ñatamnaxala', ñaq aỹem 'aỹa'anaigui qome aca qui'itta nquiyaqte, qataq 'aỹa'anem so saqcha'a ica'alaxa da saq 'am ca'ai.

Lucas 8:27

Qaq co'ollaq mashe huenoteeguesop aso nllocta So Jesús, nache natena'aguet so ỹale maye lma' yi'iye 'alhua, somaye qalota so netaigui saqcha'a na'añaxac leguemaxaicpi. –Se'eso ỹale, mashe saq hua'a ca lma', nachaqrata da huetauga ca pannaqa' qataq mashe qaỹoqteguelo soua vi'iye da saq ỹaayiñi naua alogo.

Lucas 15:17

Huaña, nache deuennataxaatac, 'eeta': ¡Ỹataqta 'enauac na lo'onataxanaxanecpi ca ita'a chochaq huañi na aloq ye lma', qaq aỹem na soota'a ỹataqta aỹem ỹalauat na iqouaxa!

Lucas 2:46

Qaq so lỹa na'a'q, nache ỹanatra So Jesús huetaigui aso no'onaxanaxaqui late'erai ỹalectaigui nam dapaxaguenataxaateguec na namaxasoxonaxacpi. Somaye na'axaỹaxaatac qataq huo'o na lnataxanaxacpi.

Marcos 5:15

Qaq co'ollaxa qaivita ca hueta'a So Jesús, nache qaila'a so ỹale maye huo'o co'ollaxa so netaigui saqcha'a na'añaxac leguemaxaicpi da nso'ootañi, somaye mashe huo'oi soua alogo qataq ỹataqta ỹaỹamaqta. Nache so shiỹaxauapi ỹataqta ñi'i.

Isaías 53:12

Qaq ỹoqo'oye Ñim Lo'onatac 'Enauacna ỹanem da ỹalectaigui na 'amaqtaqaicpi qataq ỹalectaigui na 'añaxaicpi da dauegaxan, cha'aye nañaneguet co'ollaxa da nleuaxa qataq da ỹalectaigui qanqa'en na qauemaicpi, qamaq somaye ỹache na lasouaxashetpi na qalota shiỹaxauapi qataq detaqteguelec nam 'etaxaloxoicpi.

Mateo 4:24

Nache da na'aqtaguec So Jesús ỹataqta 'enauac ye 'alhua Siria da qaỹaỹaten. Nache qanda'a Somaye som shiỹaxauapi maye ỹotta'a't na lalolaxa, qataq som huo'o na netaigui saqcha'a na'añaxac leguemaxaic, copchaxaicpi, qataq na sa da'añiigue. Nache 'enauac nataren So Jesús.

Lucas 8:34

Nache soua ỹale't maye ilotrague' aso cos late'epi co'ollaq ỹauaachigui de'era 'eetec asomayepi, nache chegaqañi da nqo'oneua'a ca nỹecpiolec da da'aqtaxanem 'enauac de'era qanayeuaigui.