Lucas 8:34 - La'aqtaqa Ñim Lo'onatac 'Enauacna 2013

³⁴ Nache soua ỹale't maye ilotrague' aso cos late'epi co'ollaq ỹauaachigui de'era 'eetec asomayepi, nache chegaqañi da nqo'oneua'a ca nỹecpiolec da da'aqtaxanem 'enauac de'era qanayeuaigui.

Nuevo Testamento Toba Sur

³⁴ Nachi som ilotague' aso cospi co'ollaq ÿauaachigui de'eda 'eetec asomayipi, nachi nqalgoq, ÿataqta ñi'i. Ime, qaq da'aqtaxanem nam netaigui na pueblo qataq nam netalec na n'onaxa.

Nuevo Testamento Toba Sombrero Negro

³⁴ Ca'li jogaa'me jo'ne netelalo gaa'me coochelpi yauata da'me dojo' 'uo ca'li, qama'le dajodegue ca'li eque' qama'le yec'atalo gaa'me noyaqa qaedi t'aqataĝanema, nataq'aen gaa'me nedalegue ga'me 'nonaĝa.

Lucas 8:34 Referans Kwoze

Marcos 5:14

Qaq som ilotague'pi aso cos late'epi, somayepi taua'a so shiỹaxauapi maye netaigui se'eso nỹecpi, nache da'aqtaxanem 'enauac da qanayeuaigui. Nache anac so shiỹaxauapi da yaqto' ỹaỹaten ca 'eetec de'era.

Mateo 28:11

Nache soua 'alol co'ollaq je'c da nqoneua'alo soua napaxaguenataqa, nache huo'oi soua huataxanaq lashe' maye nauaataleguete aso huachiqui tareua'a ye nỹecpi. Nache huaña da da'aqtaxanem som lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna 'enauac de'era qanayeuaigui.

Mateo 8:33

Qaq soua ỹale't maye ilotegueto aso cospi soomaye datare'c, cha'aye ỹataqta ñi'i'. Qaq co'ollaq ivireua'a ca nỹecpi, nache ỹa'axattrac 'enauac de'era qataq dam huaiguilo soua ỹale't maye huo'o so netaigui saqcha'a na'añaxac leguemaxaicpi.

Lucas 8:33

Nache se'eso saqcha'a na'añaxac leguemaxaicpi ca'ai se'eso ỹale, nache taigui aso cos late'epi. Nache 'enauac asomayepi nqalgaqangui so tocot, nache tangui aso lapel late'erai, nache 'ogaxaipi.

Lucas 8:35

Nache 'enauac som shiỹaxauapi demeenaxaneuga cam huaña de'era. Qaq co'ollaq ivita ca hueta'a So Jesús, nache ila'a se'eso ỹale maye netaigui co'ollaxa se'eso saqcha'a na'añaxac leguemaxaicpi. Se'eso ỹale, mashe ỹaatrañi soua alogo qataq ỹataqta ỹaỹamaqta da lataxac, nache na hueta'a yi'iye 'alhua ỹataqta huo'o da lcolanaxa.