Lucas 8:25 - La'aqtaqa Ñim Lo'onatac 'Enauacna 2013

²⁵ Ime, nache 'enapegalo soua lapaxaguenataqa, 'eeta': –¡Qami' saishet da huo'o ca qarpi'iỹaxaqui Aỹem! Qalaxaye soomaye ỹataqta ñi'i', qataq ỹataqta huo'o da la'aalaqa'. Nache ñi 'oonolec inattac ñi lỹa, 'eeta': «¿Negue't dam da' ỹale ye ivira'a na la'at qataq ana lapaxa na 'etaxat da ỹalaxaguet?»

Nuevo Testamento Toba Sur

²⁵ Ime, nachi 'enapegalo soua lapaxaguenataqa, 'eeta': –¿Chi táigo' cam qadpi'iÿaxaqui? Qalaxayi somayipi ÿataqta ñi'i, qataq ÿataqta huo'o da l'aalaxa. Nachi ñi 'oonolec inattac ñi lÿa, 'eeta': –¿Négue't dam da' shiÿaxaua?, yi ishit da ÿamaq na l'at qataq na 'etaxat, nachi ishit da ÿalaq.

Nuevo Testamento Toba Sombrero Negro

²⁵ Yoĝo'yi da'me dojo' qama'le enapegalo jogaa'me: —¿Te'ena't da'me adepi'i? Jogaa'me jalcote da'me t'oi'y nataq'aen yoqochetem, qama'le nenatetapega't: —¿Jach'e da'me dojo' jo'ne chayovida'a da'me 'laqatac da'me yicochaĝaguet ga'me layat nataq'aen ga'me noĝop qama'le yoqochideta?

Lucas 8:25 Referans Kwoze

Mateo 8:26

Nache So Jesús 'enapeco': –¿Ta'ainco' ye qayi'i? ¡Qami' ỹataqta saq 'amaqtaq da qarpi'iỹaxaqui Ñim Lo'onatac 'Enauacna! Nache So Jesús ñesheguem, nache 'enapega so la'at qataq ana lapaxa so 'etaxat da vi'iiguet, nache 'enauac ỹe'eguelaxa da ntochiguiñi.

Proverbios 30:4

¿Negue'tom ca ishet co'ollaxa da tasheguema na piguem qataq ñe'eguelaxañi? Qataq ¿negue'tom ca ishet da nllañi na la'at da ỹauota'a na lhuaq? Qataq ¿negue'tom ca ishet da ỹauo'o ca lpataxaalec na 'etaxat aso auaxai? Qataq ¿negue'tom co'ollaxa ca ỹo'o't naua loga'te ana 'alhua? Qataq ¿negue'tom ca ỹaỹaten ca le'enaxat Ñimaye qataq ca le'enaxat ca llalec?

Mateo 14:31

Nache So Jesús ỹaconeguet na lhuaq so Pedro. Nache 'enapega, 'eeta': –¡Pedro, 'am ỹataqta qapio'olec da 'arpi'iỹaxac Aỹem! ¿Ta'ainco' ye 'auqolectaxan?

Juan 11:40

Qalaxaye So Jesús 'enapeco': –¿Saisheto' da 'am sheetega quiye da huo'otaq 'aua'amaqten Aỹem, nache ishet da 'aulogui da la'añaxac Ñim Lo'onatac 'Enauacna?

Lucas 12:28

Qaq da nache 'eetec de'era Ñim Lo'onatac 'Enauacna da no'otaxanaxan ana choche huoue maye huetauga nagui na no'onaxa, qaq qonte', nache qaỹavigaxat, qaq ¡hua'aguectoxo' da saq 'eetec da qoñiita maye saq 'amaqtaq da qarpi'iỹaxaqui!

Mateo 17:20

Nache So Jesús 'enapeco': –Cha'aye qami' saishet da huo'o ca qarpi'iỹaxaqui Ñim Lo'onatac 'Enauacna. Qaq ỹataqta 'eesa de'era qami' sa'aqtaxanema da huo'otaq qami' huo'o ca qarpi'iỹaxaqui, na'aictaxa da lcatam aca ala ana nañiguishe le'enaxat mostaza, qalaq ishet da qoñiỹapega aca qaỹoqotcheguemec 'alhua da ca'ai ca hueta'a, nache qami' ỹalaxagueta. ¡Nache qaica ca alaq da qauataiỹa'aguet!

Proverbios 8:29

qataq co'ollaq ỹauo'oi naua loga'te aso auaxai da yaqto' saishet da jec na 'etaxat, qataq co'ollaq lapaxañi so lo'oxonaxala' ana 'alhua,

Mateo 6:30

Qaq Ñim Lo'onatac 'Enauacna da ỹami' da lyacỹaxac anam huoue nagui maye huetauga na no'onaxa, qamaq ca lỹa na'a'q nache deqaqa, qaq da nache 'eetec de'era nache ¿peta'a sa ỹacteco' cam qami' ỹo'oteque Ñimaye? ¡Aỹem sela'a da saxanaxa da qauaỹachiñi da ỹoqta qaupi'iỹa'ai Ñim Lo'onatac 'Enauacna!

Mateo 8:10

Qaq co'ollaq hua'axaỹa de'era So Jesús, nache ỹataqta huo'o da la'aalaxa. Nache 'enapega som nnaictague'pi, 'eeta': –¡Aỹem ỹataqta 'eesa de'era shenapec da 'enauac na Israel le'ecpi qaica ca selalec da ỹapactec da lpi'iỹaxac Aỹem, da 'eeta'am de'era ỹale maye chegaqauec!

Marcos 4:35

Qaq nacheso se'eso na'a'q, co'ollaq mashe pe, nache So Jesús 'enapegalo soua lapaxaguenataqa, 'eeta': «Saxatague da lỹa le'ego ana lapel.»

Lucas 8:26

So Jesús qataq soua lapaxaguenataqa ivittrague da lỹa le'ego aso lapel ye 'alhua le'enaxat Gerasa.