Lucas 8:23 - La'aqtaqa Ñim Lo'onatac 'Enauacna 2013

^23-24 Qaq co'ollaq ñaq quetralec aso lapel, nache So Jesús do'oche. Nache nque'elaxatta da huo'o so la'at ỹataqta qapa'atteguet tatelec aso lapel, qaq ỹoqo'oye na 'etaxat tangui aso nllocta. Nache soua napaxaguenataqa co'ollaq ila'a da lchec maye taleguete, nache ỹa'alaxarelec So Jesús da nquetoxo'n, 'eetra': –¡'Am Napaxaguenataxanaq, 'am Napaxaguenataxanaq, mashe huotaique da qomi' iyiiyiñi! Nache So Jesús ñesheguem. Nache 'enapega so la'at qataq ana lapaxa so 'etaxat da nañaxaayiñi. Qaq nache ipacchigui da 'enauac ỹe'eguelaxa da ntochiguiñi.

Nuevo Testamento Toba Sur

²³ Qaq co'ollaq mashi quetralec aso lapel, nachi so Jesús do'ochita. Ime, nachi nque'elaxatta aso lapel da huo'o so l'at lta'adaic, mashi ivida'a da ipaxangui aso barco na 'etaxat, qataq mashi huotaique da iyiiñi.

Nuevo Testamento Toba Sombrero Negro

²³ Qama'le eque', qalaĝaja ca'li quetedañgui jaga'me qa'em qama'le Jesús t'oche. Ua'a da'me dojo' ca'li yajediñe ga'me layat jo'ne yataqachiñe vichaĝaguet jo'ne tate'ga ga'me loogue, qama'le gaa'me lepa' yamta'le en domaliñe jaga'me licota.

Lucas 8:23 Referans Kwoze

Lucas 8:22

Qaq huo'o so na'a'q, nache So Jesús huenooñigui aso nllocta, lỹata'ape soua lapaxaguenataqa. Nache 'enapegalo', 'eeta': «Qolaq saxatague da lỹa le'ego ana lapel late'erai.» Ime, nache je'c.

Isaías 54:11

¡'Am huaqta'a't nỹecpi maye 'auaquicotac maye 'am iuaxan co'ollaxa so la'at lta'araic, qaq qaica co'ollaxa ca 'am ỹa'añaqchet! Qalaxaye aỹem sauota'a qome na no'on coma' da 'am ño'oxoosheguem, qataq so'ot ca 'aro'oxonaxala' sauota'a na coma' zafiro,

Salmos 148:8

Qataq na nqashelgaxa, lache, aloñi qataq na sheue, qataq na lta'araic la'at maye ỹalaxaguet da namaxasaguec.

Salmos 44:23

¡Ñaq 'anlouec 'Am Nataxala'! ¿Ta'ainco' ye 'auo'ocheta? Saishet qome da nache 'eetai' da qomi' sa 'anashenegueta.

Hebreos 4:15

Da lle'eguenataxanaxac so pa'aguenataxanaxaic co'ollaq ỹe'eguen So Jesús, nache 'eeta'am da lle'eguenataxanaxac nagui da qomi' ỹe'egue'n da yaqto' ỹauo'o ca qarasouaxashet, qalaxaye So Jesús co'ollaxa saishet da huo'o ca lasouaxashet. Qaq ỹoqo'oye Somaye ỹaỹaten da saqalaq da qaỹalaxaguet Ñim Lo'onatac 'Enauacna.

Lucas 5:1

Qaq huo'o so na'a'q So Jesús hueto'ot na loigue aso lapel late'erai ye Galilea, nache ỹataqta qalota so shiỹaxauapi laponeua'a Somaye da yaqto' na'axaỹaxana da la'aqtac Ñim Lo'onatac 'Enauacna.

Hechos 27:2

Nache qomi' qaỹauegueraxaama ye ñegaxasom le'enaxat da Adramitio. Nache huaña qaq senotaxaua'a aso notaxaqui maye quiguingui na 'etaxat, asomaye huenoxonec da taigue da 'alhua Asia. Qaq qomi' hueta'agueta nataqa'en so Aristarco maye lma' ye nỹecpi ye Tesalónica maye huaigui ye 'alhua Macedonia.

1 Corintios 15:30

Qataq qomi' ¿ta'ainco' taxa da sanaxaguet na lchecsat da qanachaalataxac 'enauaque naua na'axa'te?