Lucas 8:22 - La'aqtaqa Ñim Lo'onatac 'Enauacna 2013

²² Qaq huo'o so na'a'q, nache So Jesús huenooñigui aso nllocta, lỹata'ape soua lapaxaguenataqa. Nache 'enapegalo', 'eeta': «Qolaq saxatague da lỹa le'ego ana lapel late'erai.» Ime, nache je'c.

Nuevo Testamento Toba Sur

²² Qaq huo'o so na'a'q nachi so Jesús huenojñigui aso barco, lÿata'pe soua lapaxaguenataqa. Nachi 'enapegalo', 'eeta': –Qolaq, saxatague da le'ego ana lapel late'edai. Ime, nachi je'c.

Nuevo Testamento Toba Sombrero Negro

²² 'Uo jo'me nolo' ca'li, Jesús yec'ata jaga'me licota qaedi nañgui nataq'aen lapaĝaguenataqa, qama'le Jesús enaac: —Jajoĝogue di'me lajego jana'me janjo' qa'em.

Lucas 8:22 Referans Kwoze

Marcos 6:45

Qaq co'ollaq ime de'era, nache So Jesús 'enapegalo soua lapaxaguenataqa da huenooyingui aso nllocta da ỹa'axasoxoorelec aso lapel, nache ilottra ye nỹecpi ye Betsaida, qaq Somaye no'onañi da ncoyegueetague' so shiỹaxauapi.

Lucas 8:23

Qaq co'ollaq ñaq quetralec aso lapel, nache So Jesús do'oche. Nache nque'elaxatta da huo'o so la'at ỹataqta qapa'atteguet tatelec aso lapel, qaq ỹoqo'oye na 'etaxat tangui aso nllocta. Nache soua napaxaguenataqa co'ollaq ila'a da lchec maye taleguete, nache ỹa'alaxarelec So Jesús da nquetoxo'n, 'eetra': –¡'Am Napaxaguenataxanaq, 'am Napaxaguenataxanaq, mashe huotaique da qomi' iyiiyiñi! Nache So Jesús ñesheguem. Nache 'enapega so la'at qataq ana lapaxa so 'etaxat da nañaxaayiñi. Qaq nache ipacchigui da 'enauac ỹe'eguelaxa da ntochiguiñi.

Lucas 5:1

Qaq huo'o so na'a'q So Jesús hueto'ot na loigue aso lapel late'erai ye Galilea, nache ỹataqta qalota so shiỹaxauapi laponeua'a Somaye da yaqto' na'axaỹaxana da la'aqtac Ñim Lo'onatac 'Enauacna.

Marcos 8:13

Ime, nache So Jesús ca'ai somayepi, nache qaltaq huenooñigui aso nllocta, nache taitague da lỹa le'ego aso lapel.

Mateo 14:22

Qaq co'ollaq ime de'era, nache So Jesús 'enapegalo soua lapaxaguenataqa 'eeta': «Qaunochingui añi nllocta nache qa'aỹeetegue da lỹa le'ego ana lapel. Aỹem qalaxaye ño'onañi da ñecoyeguene' na shiỹaxauapi, maiche qami' seviraleguete qomele.»

Juan 6:1

Qaq co'ollaq ime de'era, nache So Jesús taitague da le'ego aso Lapel Late'erai ye Galilea qataq da lỹa le'enaxat Lapel Late'erai ye Tiberias.

Marcos 5:21

So Jesús co'ollaq ivittague da lỹa le'ego aso lapel netangui aso nllocta, nache hua'a so loigue, cha'aye qalota so shiỹaxauapi da laponeua'a Somaye.

Mateo 8:18

Qaq So Jesús co'ollaq ila'a da ỹataqta qalota so shiỹaxauapi da laponeua'a nache 'enapegalo soua lapaxaguenataqa da taitrague da le'ego aso lapel late'erai ye Galilea.

Lucas 8:33

Nache se'eso saqcha'a na'añaxac leguemaxaicpi ca'ai se'eso ỹale, nache taigui aso cos late'epi. Nache 'enauac asomayepi nqalgaqangui so tocot, nache tangui aso lapel late'erai, nache 'ogaxaipi.

Hechos 27:2

Nache qomi' qaỹauegueraxaama ye ñegaxasom le'enaxat da Adramitio. Nache huaña qaq senotaxaua'a aso notaxaqui maye quiguingui na 'etaxat, asomaye huenoxonec da taigue da 'alhua Asia. Qaq qomi' hueta'agueta nataqa'en so Aristarco maye lma' ye nỹecpi ye Tesalónica maye huaigui ye 'alhua Macedonia.